ماجبرها ولا اجبرك وليدي
انشالله عمي صيح البنيه احاجيها إذا مصير زحمه وحدنه.. خاف تخجل أو تستحي دكول ماريدك
وانت تعرف هاذ زواج مويوم ويومين..
صح لسانك ابني هسه اصيحهاا
رؤئ رؤئ تعالي بابه
اجت رؤئ وطلع عمي.. كعدت البنيه ضايجه حيل
ومبين باجيه كومه ذبلانه مومثل قبل
رؤئ بيج شي... لامابيه اتفضل شتريد
بابا كال يريد يحاجيج
أي اول شي كولي شبيج حته احجي
ماكدر احجي.... ليش احد غاصبج ع شي
أي يردون يزوجوني لابن خالتي
واني ماريده لاشهاده ولا شي عايش ع خالتي
ياخذ المصرف منها واني هالسنه طالبه كليه
يعني اكعد بالبيت إذا ازوجه وأهلي معاندين
الا ازوجه... اني انصدمت من تحجي
وتشهك بجي يمكن اني حاقد ع نسوان كلها
بس من شفت عيونها ذبلانه وتشهك مثل الطفل
نمرد كلبي عليها.. انطيتها كلنس مسحت دموعها
باعي يابت عمي ابوج كلي ابن خالتج خاطبج
وإذا متردي اعتبري ماكو لاخطبه ولاشي
صدك تحجي يعني حتقنع ابوي وامي
يي ابوج كلي انته أخذها بدال ابن خالتها واني ماعندي مانع تعرفين محد إليه بالدنيا
البيت فارغ اني ياخذني الصبح يجيبني اليل
وذا ع دوام كليه اني بلعكس اشجع الدراسه
الج ضمان اني مادايملج وانتي بكيفج
اخذي وقت وقرري تقبلين تصيرين مرتي
ع سنه الله و رسوله وذا متقبلين
هم تبقين بت عمي معززه ومكرمه وموضوع
خطوبتج من ابن خالتج انسي مدام متردي
سجاد يعني أبويه كلك ازوجني
لانو الاعرفه انته تكره النسوان شون حتعيش وياي
اني زغيره ماتحمل عذاب ليش تعذبني
وتعذب نفسك حتئ متخجل ابويه
لا متوهمه اني مامشي بكلام احد ورجائن
لتفتحين موضوع مرت ابوي
تقبلين هلا بيج متقبلين هم هلا بيج باجر اخابر عمي اريد الرد ماشي اني اترخص حرورح للبيت
الله وياك..... طلعت شفت عمي بلحديقه
كتله حاجيت البنيه ونطيتها وقت باجر ترد الخبر
وكول لابن خالتها ابن عمها يريدها
خطيه عمي بسرعه خابر عثمان
ابن اخت مرت عمي كله ابن عمها رايدها ماكو نصيب
ونسد موضوعه رؤئ جانت وره الباب لمحتها شافتني وختلت ترخصت ورجعت لبيتي لكيت خالتي
خطيه منضفه وطابخه وعطر البيت يخبل
وملابس غاسلتهن وكاويتهن تعبتها خطيه
حاجيتها بخصوص رؤئ كيفت وكالت
أني وخالاتك نروح نخطبها الك
كتلها انتضري بس تردين تخسريني
حاضر وغايب ههههههههه
هيه ماتت ضحك فرحتلي حيل خطيه
بليل يالله راحت ثاني يوم نشغلت حيل
بآخر ايام مرايح للمستشفى والعياده
عندي هواي مراجعين رجعت للبيت ب10
تذكرت رؤئ خابرت عمي كتله شصار وافقت لبنيه لا
كال سجاد موافقه بس شرطها الدوام
كتله موافق الجمعه اجيكم خطابه
يمكن كل شاب يحلم يزوج وعده أطفال
يصير له اني خايف اضلمها واضلم نفسي
عفتها ع الله ونمت من تعب مافتحت عيني
ثاني يوم خابرت عمي كتلهم كالو تدلل
نجى وياك خطابه وخوالي هم خابرتهم
صح همه محد وكف وياي بس مهما
كان همه عمامي واني الحمدلله مابحتاج احد
بس سويتها من باب الأصول عمامي كلهم
كالو كول لابوك اني كتلهم انشالله
مردت ادخل بنقاش وياهم
فكرت هواي اروحله بس اعرف حيطردني
بقيت بدوامه اروح لو ماروح
آخر شي خليت عمتي تخابر
ابوي تسئله هوه وين لانو ماردت اروح لبيته
خابرته طلع بالمستشفى خفاره
كتله لاتكوليله اريد اروح مفاجئه
وفعلا بدلت ورحت سئلت عنه دلوني
ع غرفته دخلت اني الطفل الطرده وهوه عمره 18
اليتيم المكسور من شافني انصدم
هوه دار وجه عني مثل الخجلان
السلام عليكم ابو سجاد... وعليكم السلام وليدي
شعحب كلت وليدي.. لانو انته تبني الوحيد
شمادارت السنين.. يحجي وهو بداخله نار حسيته
حجي بيك شي ليش هلغصه البيك
اني غلطت بحقك وتبريت منك
وجاي عليه من صرت رجال طول بعرض مشورب
أي جيتك أريدك زفني بيدك وننسئ الماضي
من جنت مراهق مصدكت كلامي وماريد
ارجع اعيد كلامي كل الاريده تجي تخطبلي
بت عمي رؤئ عيب عيب اروح
وحدي بدون اب وانت حي موجود
سجاد سامحني أني ضلمتك ومرتي
طلع كلام صح وطلكتها خاينه ومامتربيه
هجمت بيتي وفرقتني عنك
وطول هلسنوات تخدعني
ها وشون عرفت كلامي صح
من اجيت للعرس مال بت عمك هيه تحججت بطنها
توجعها وماجت اني ضل بالي عليها
ورجعت للبيت من وكت ولكيتها تحجي وي واحد
وفاتحه كامره وبسيت نوم
وطلعت موبس هيج لايجي للبيت
من اني خفاره مردت فضيحه وجيران وعمامك
يعرفون طلكتها وخابرت ابوها أجا اخذها
ودزيتلها ورقة طلاك وردت اجي عليك حتئ
تسامحني بس اعرف ذنبي جبير وماراح تسامحني اني حرمتك من كلشي وعمك سولفلي شون
حتى مي بعت بتقاطع وشون تعبت
وليدي اني هواي غلطت بحقك
وخايف اموت وانت مامسامحني
يأبه الله يسامح مو اني حتى ماسامحك
يأبه جانت امنيتي احضنك وحس بحنان الاب
(اووف حضن الأب محد يحس بي الا الفاكد اب 💔)
نرجع
وهسه انشالله حتتحقق امنيتي يأبه تعال عيش
وياي واني حزوج بت عمي رؤئ
وخليك ع راسي إذا ماشالتك الكاع
بس فدوه لدكلي ارجع للبيت لانو ماكدر ادخله
أبويه دموعه نزلت من كلت هيج
كام حضني ماتحملت هالموقف
لأول مره نزلن دموعي حسيت الغصه لبداخلي راحت
سلمت عليه لانو هوه خفاره رجعت للبيت احس
ملكت الدنيا من حضنت ابوي كتله حضر
نفسك اجي اخذك لبيتي ثاين يوم
خابرته طلعلي بلباب لام ملابسه وغراضه قفل
البيت وصعد وياي احس الدنيا بدت تضحكلي
صح من جنت ازغير اتأذيت بس هوه ابوي
والاضفر ميتبره من لحمه شماسوه بيه
ابقه ابنه لازم اطيعه وابر بيه وصلنه لبيتي
اني خليت خالتي تنضف الغرفه
الجوه لبابا خطيه مقصرت نضفت وطبخت وراحت
كعدنه الصبح اني وابويه نسولف
يمكن احلا يوم جان بعمري
هوه من ضلينه الصبح نحجي ونضحك
أبويه اموت عليه احسه طيب وموهوه السبب
بلصارلي مرته الغيرته عليه
بديت احضر للخطوبه اني ردتها خطوبه ونيشان
أخذت خالتي وشترينه ذهب
اجه يوم الخطوبه لبست بنطرون اسود
وستره وقميص شي رسمي ومرتب وعطر هادء
رؤئ بيوم الخطبه تخبل
لابسه نفنوف زيتوني غامق وشعرها ع طولها
مصدكت هاذ شعرها الا خالتي كالتلي
جمالها ميتقاوم بس يبقئ الماضي يئثر عليه
لبستهاا لذهب وعقدنه سيد
خليتها غايب 10وحاضر10
همه مطلبو عمي كال انته بكيفك
شرطهم الوحيد الدراسه وقبلت لانو احب مرتي
