متردين بعد شسوي يلا حنزل بدلي هل نطلع ضايج
ومشطي احب شعرج سرح بزونتي ماشي هسه ابدل
نزلت شويه ونزلت رؤئ عين النبي عليها
لابسه بنطرون نيلي وستره طولها وسط
لبسها حلوو ومكياج خفيف بس لحمره لونها طوخ
هاا يلا نطلع كملتي... يي يلا
مع السلامه عمي عمه مانتأخر انشالله
اوليدي بعد هيه مرتك براحتكم تونسو
هيه تريد تصعد وره ضحكتني
رؤئ يمي عيب وآه شنو تصعدين... هاا ماشي
وين تحبين ترحين... بكيفك
لا انتي بكيفج... وديني لمرسئ العطيفيه حلوو
اوك تونسنه حيل اول مره العب الألعاب
رجعتني طفل هههه لعبنه كومة العاب
وهيه بحضني جعصتني جعص لانو بطرف
اني وهيه توكع عليه لحد مادخت كتلها بعد ماكدر
اصعد اي لعبه كعدنه نشرب عصير
احس بيها برائه طفل وتضحك للهوه الطاير
طبعهاا حلو من تمشي متباوع لأحد عينها بلكاع
اني كامش ايدها احسها ترجف
فهيه دتحجي شافتني صافن جان دكلي
تخاف أني اطلع مثل مرت ابوك
اني نصدمت رجعتني لهواااي سنوات وأيام عذاب
عفتهاا وكمت أحاسب فلوس العصير محجيت
بس كتلهاا يلا امشي نروح هيه سكتت
صعدنه بالسياره شخطتهاا مثل المخبل
لوماهيه تنتبهه للطريق جان طبيت بنص الصبه
هاي ليش تسوق اني شسويت وهيك تسوي
مجرد كتلك هيج لانو اعرف بيك تحس هيج
واني ردت اساندك موضدك
كلمه ثانيه أجرم بيج ااااسكتي
سكتتت
انطيني رقمج بليل نتخابر ونحجي
وصلتها للبيت ورجعت للبيت
صح غلطت هيه محجت شي واني كبيت عليها
بس ماعرف نار بكلبي احس شعلتهاا
بليل دكيت عليهاا لكيتها مشغول تخبلت
رجعت دكيت هم مشغول
من سديت الفون لكيت مكالمات منهاا طلعت
جاي ادك عليهه واني ادك عليهاا
لطرفسن يطلع مشغول
رجعت دكيت جاوبت
الوو شلونج رؤئ
تمام وانته... زين بشوفتج
اني اسف رؤئ رغم رجعت لابويه وحالي تحسن
بس الماضي مديتركني اخاف اتعلق بيج مثل امي
وتركيني واخاف احبج وتطعنيني
اخاف اتعود عليج وانتي متريديني
واني خايفه تأذيني سجاد
باعي رؤئ اني ماريد غير دارين ابويه
واني ومنقصر وياج بشي ودوام مااسمه رجال
وطالع من ضهر رجال ذا ماخليج تحققين احلامج
وتوصلين لتردي وتحملين بيه حته ذا جهال
متردين موافق من تكملين دراسه
نخلف بس اتحمليني بكل عيوبي
واني هم اوعدج متشوفين الاذيه مني
اني هم حكون الك ام وزوجه وأم اطفالك
يلا ناني عيونج الاحبهن ليذبلن
ماشي تدلل تصبح ع خير بأي سجودي
بأي بزونتي رتاحيت من حجيت لبكلبي
الها حسيتها فاهمه وعاقله مراح زعلني
ولا راح ازعلها الشهرين مرن بسرعه
اتفقنه بالحنه نلبس نفس الون
هيه لبست بدله بيضه وبيهه بنفسجي
واني لبست بنفسجي قميص وي القاط اسود
كتلها شعرج فتحي ع طولج احبه
مقبلت اسوي أشقر بقته اسود يخبل
بلون اليل ومكياج خفيف مخليلها
تخبل طالعه ردت اشرد بيها والغي العرس
بالحنه كومونه نركص وهيه تخجل مني
من طلعت خالتي دكول ذبت لحم هههه
بلركص وي صديقاتها تكفيني برائه طفوله
لعدها بليل بقينه ل3بليل نتراسل
ههههه مشتاق احضنهاا
يمكن اول مره اعيش الحب والحمدالله
حبيت حلالي ومضحكت ع بنيه بعمري كله
ثاني يوم جنت مشغول حيل
مشغول لانو حاجز قاعه وفندق وهيثم وابوي
خطيه مقصرو وياي تعبتهم حيل
عماتي وخالتي هم كلشي عفت عليهن
من ترتيبات العرس وكذا
هيثم راح هوه وريم راحو جابوها من الصالون
ادك عليها مقبلو اجاوب ولا خلوني اشوفها
كتلت روحي ومقبلو خبثااااء
وصلو للبيت ب4من الصالون
احنه رحنه ب4ونص اول مادخلت انصدمت
بجمالها البدله ملكيه ولشعر مرفوع
والطرحه ع جتافها بدله تخبل
بس كولشي طالع خنزرت عليها يلا قبلت
تخلي الطرحه ع صدرها همزين طويله
زفونه القاعه يمكن ثاني اسعد لحضه
بحياتي من كومونه نركص بطيئ وحاضنهاا
حسيت ملكت الدنيا كلساع اكلهم ابقو بالقاعه
واني وياها للفندق اروح ههههه مستعجل
ع مريتي تعشوو واكلو كيك وهم بعدهم لاطشين
بينه آخر شي اخذتها من ايدهاا وكتلهم باتوو
بالقاعه ههههه مرتي واريدهاا همزين اقتنعوو
وزفونه للغرفة اول مادخلت للغرفه بقيت صافن عليهاا هيه ترجف الا شويه وتبجي
صح معروف بعصبيتي وغثيث
بس ماحب ازعلها حرام عليهه
بزونتي... هاا عتوي... احبج عيونج مدمعات ليش
خايفه... مااسمه رجال إذا اجبرج ع شي بحياتي
وبكيفج فصلي واني البس
وهسه تعالي نتعشه شنوو من اولها اموت من جوع
هاا مااشتهي لا لازم تاكلين حدخلين حرب عالميه
الثالثه ومتاكلين تموتين انت تخوفني لو تهديني
جاي... الإثنين بنفس الوقت تعالي ادللج واوكلج بيدي
اتعشينه وخليتهاا تنسئ اليوم ليلة الدخله
تضحك وتشاقه ونكت واحد يحشش ع ثاني
آخر شي ماتحملت كتله شنوو مناويه تنامين
اليوم... هاا نام انت منعسانه
من بدايتها حطفرين مني
تقربت منها وحضنتهاا طفل وحضن أمه
هيج هيه بستها من راسها وكتلها اني سندج
بعد ابوج بالحياة يااحلا شي صار بعمري
تم كولشي البنيه حبيتها حيل متعاند
أذيتها بس عدت اليله ونومته بحضني
ثاني يوم رجعنه للبيت بابا جان رايح لبيت عمي
حتئ عود ناخذ راحتنه خطيه
حياتنه هادئه وماكو ثنين مزوجين
متخله حياتهم من مشاكل مرات تعاند واني اعاند
ونتكافش بس محد ينام بعيد عن حضن ثاني
مرتي وأم جهالي
كملت دراستها اول سنه مقبلت نسوي اطفال
لانو تعب عليها دوام وبيت ورجال
ثاني سنه متحملنه هههه ردنه زعطوط بحياتنه
الحمدلله صار عندي أحمد واديان جهالي
طالعين ع امهم يخبلون
أبويه شفتله دكتوره وياي خوش مره وزينه
واتزوجها وراح كعد بيته
اني مقبلت ارجع بقيت بيتي اني ورؤى
عايشين عيشه حلووه
جهال ودوام وكل اسبوع نطلع ممخلين
نفسنه ملتهين بس بلشغل
هيه كملت كليه وكعدت مقبلت تتعين علمود الجهال
حينه كبر وصار عشق ابن العم لبت العم
الله وفقني بعد طول الانتضار
ووفقني بمره يحلم بيها الف رجال
أدب وأخلاق وعفه وسلوب حلوو
#النهاااااية
اليوم لقصه رجل لايعرف الحب
تحجي عن الكفاح وعذاب مرت الاب
واليتيم بدون ام ترا اليتيم الحقيقي
هوه الفاكد أمه موابوه وشون سجاد
يكدر يحقق طموحه بوكت كلهاا
تخلت عنه حتئ ابوه
فعلاا سجاد مثال الشاب الطموح
وهاي نهايه حلوه وخلوها عبره لكل شاب
لا تيئس من رحمه الله
أن مع العسر يسرر شكد مضيق تفرج
❤️في امان الله❤️
