الجزء الاول :
❤️نوى القلب❤️
للكاتبه *Nour Ahmed*
اليوم هو اول يوم اله بدوامه الرسمي كمعلمه باحد النواحي الريفيه البعيده نسبيآ عن مركز المدينه
بعد تخرجها من المعهد كعدت سنه كامله بالبيت تنتظر امر تعينها واليوم اجاها الفرج مثل متكول
وهاي هي كاعده بالباص مع المعلمات الي حيكونون زميلاتها
رغم هي ماتفضل الاختلاط بيهن
من البدايه بس يبين صحبتهم حلوه
راح تبات لاول مره برى البيت وبعيد عن امها واخته
وهذا بسبب بعد الناحيه
وصعوبة التنقل اليومي
فكرت بداخلها هذا افضل اله وللكل البعد مناسب اله وحيكون مناسب الهم لان وجوده بالبيت بشكل دائم بداء يضغط على اعصابها مشكلتها انها مختلفه
محد يكدر يفهم دواخلها
ولا حيفهمون شنو يدور بعقلها الفتاك
مثل متكول امها
تنهدت بصمت اه راح تشتاق اله
رغم التشتت بينهم والخلافات
بس حتشتاقله هي وساره الصغيره
انتبهت لتوقف حركة الباص وصديقته ايمان تصيح باسمها
نوى وصلنه يالله لازم نبدي انزل الاغراض
جاوبتها:انتضري يا ايمان راح يدافعن
هسه على الاغراض عبالك ديوزعون دجاج بالحصه
ضحكت ايمان من كلامها الي تنطق بي بشكل عفوي لاكن يبين للسامع شقى (مزاح)
عبالك هي من النوع الي يطلق النكات بشكل دائم
يالله يانوى ماعدنا اليوم بطوله لازم نستعجل لاتنسين لازم نلحگ البنات ونختار الغرفه المناسبه ونرتب اغرضنا باجر نلتحق بالدوام الرسمي
أنت تقرأ
نوى القلب(باللهجه العراقيه)
Romanceقصة عراقيه اجتماعيه تميزها العاطفه والحب تتمحور احداثها حول التكاتف الاسري في المجتمع العراقي بحيث تظهر العائله العراقيه بحقيقتها البسيطه متعددت الابطال والشخصيات نوى القلب نيه مانواها لاحد غيرك نوى القلب يمشي لك على السمع والطاعه
