الجزء الثاني عشر
❤️ #نوى#القلب❤️
~ Nour Ahmed~
يوم الجمعه الصبح
مؤيد
بنفس اليوم الي شفته بي قررت اسأل عنه واجيب اصلها وفصلها وطلعت البنيه ذهب صافي عائله بسيطه واخلاقهم عاليه ومن اهل الله شريد اني اكثر من هيج قررت افاتح امي بالموضوع وبلغته اريد اخطب
يمه اني اريد اخطب وابالي بنيه معينه اريد تخطبيه الي
يا صلوات على محمد يمه يوم المنى منين هاي البنيه اعرفها من جماعتنه
لا يوم مو منا البنيه من الولايه تشتغل معلمه هنا جديده بالمدرسه شفته اكثر من مره متعديه وعجبتني سألت عنه وجبت اصلها وفصلها وطلعت من خوش عائله واريد اتقدمله
يمه مادامك سأل عنه ومقتنع بيه ورايده اني وابوك ماعدنه اي مانع هاي هي بس جيبلنه عنوانه ونروح نخطبها من اهله
اي يمه خليه يوم الجمعه مو هاي الورها ترحين وتشوفيها لان البنيه معزومه يم بيت ابو زهير اليوم مراح تنزل لاهله وانتي روحي شوفيه بس ها لاتحسسيه بشي لان هي لاتعرفني ولاتعرف بنيتي
جاوبته امه بمكر
لعد اذا هي ماتعرفك شدراك بيه معزومه يم ابو زهير اليوم
يمه مو البنيه تصير صديقة بنت الدكتور الي ساعد زهير بالتعين وابو زهير عازم الدكتور هو وعائلته وبنته معلمه وياها يرحون ويجون سوى فمن مانزلت بنت الدكتور البنيه هم منزلت فلايروح بالج بعيد اني منين اصلا سألت عنه غير عن طريق ابو زهير
أنت تقرأ
نوى القلب(باللهجه العراقيه)
Romanceقصة عراقيه اجتماعيه تميزها العاطفه والحب تتمحور احداثها حول التكاتف الاسري في المجتمع العراقي بحيث تظهر العائله العراقيه بحقيقتها البسيطه متعددت الابطال والشخصيات نوى القلب نيه مانواها لاحد غيرك نوى القلب يمشي لك على السمع والطاعه
