الجزء الثالث عشر
❤️#نوى _#القلب❤️
~Nour _Ahmad~
تتقلب القلوب كما يشاء الله
(الحب الكراهيه الامتنان )ماهي الا مشاعر تظهر حقيقة الانسان قد ياتي يوم وتحب شخصه بعنف وبعدها تجد نفسك تكرهه وقد تكره شخص كرها شديدآ وبعدها تحبه
المهم بالموضوع هو وجود مشاعر تجاه هذا الشخص سواء كانت مشاعر الحب او الكره فوجودها امرآ مهمآ حتى تعرف اذا كان هذا الشخص يعني لك شيء.
الكل جان فرحان بالطلعه وسعيد الا جهينه بعدها تعاني بصمت ووحده قاسيه تحس بنفسه غير ضروريه شعور مؤلم جدآ من انت باجمل فترات حياتك بس مجاي تستمتع بيه بالشكل الصحيح
جهينه
اشوفهم يضحكون ويسولفون واني بعيده عنهم شكد ما اكابر وشكد ما احاول ابين نفسي قويه واحاول انهض من جديد بس هم تجيني اوقات احس بتعب وملل من محاولاتي المتكرره اليأس يتسسلل لروحي بسهوله حالتي مثل العطشان وكدامه المي وميكدر يشرب
جنت سرحانه بافاكري وسمعت شهاب يكول
جهينه وين صافنه يالله نزلي
هااي اي نازله هيج سرحت شوي
نزلت من البلم بعد ما وعيت عليهم الكل نازل واني صافنه وشهاب يباوعلي بتدقيق اخوي الحنين ماعبرت عليه حالتي الحزينه رحت تمشيت ليم البنات ومشينه ورى الشباب راجعين كلنه للبيت
ورجعت لصفنتي البنات يحجون بكلشي ويضحكون واني بالي كله يم علاقتي بعادل صعب اكدر اغيره عادل شخص عنيد جامع بين العصبيه والبرود مشاعره مايظهرها متعب واني انسانه بسيطه حيل صعب اتقبل التعقيد الي بشخصية عادل افندي والمصيبه ماعندي احد اكدر اخذ رأيه غير طيبه الي نصحتني اصير مرنه ومطيعه وياه قررت اجرب نصيحته وامري لله جنت امشي وراهم بخمس مترات تقريبآ وممنتبهه على نفسي امشي بطيئ بحيث سبقوني فزيت من شرودي على صوت صياح نوى وحازم واحد يقسم للثاني ياستار هذول شبيهم اتجهت ركض عليهم
أنت تقرأ
نوى القلب(باللهجه العراقيه)
Romanceقصة عراقيه اجتماعيه تميزها العاطفه والحب تتمحور احداثها حول التكاتف الاسري في المجتمع العراقي بحيث تظهر العائله العراقيه بحقيقتها البسيطه متعددت الابطال والشخصيات نوى القلب نيه مانواها لاحد غيرك نوى القلب يمشي لك على السمع والطاعه
