نوى القلب(باللهجه العراقيه)

الجزء الرابع والعشرون

#نوى_ القلب
#Nour Ahmed

وكعت بحضني اني مصدكت حاوطت خصره بأيدي وقربته مني أكثر اباوع على خصره بين ايديه شكدوته رفعت راسي اباوعله عيونه تتهرب مني وايديه على ايدي تحاول تشيلهم عن خصره واني اشدد لزمت ايدي عليه تضايقت مني وكالت
حازم عوفني متفقنه هيج
اشششش خليني لتخربين احلى لحظات بحياتي

قربته مني اكثر وهي كل ماجاله تزيد مقاومته الي بس متكدر اني ضخم وهي جنه نمله يمي
نوى محسوي شي بداعتي خليني بس احضنج اريد اصدك انتي بحضني اريد احس بيج لاتبخلين عليه بس اليوم
هدئت ورخت ايديه حضنته قوي وشميته حسيته رجفت بيدي جنت اريد اطبعها بضلوعي اريده تحس بشوكي وحبي اله طولت واني عاصره جوه صدري حسيته تمللت بعدته شوي دنكت واني رفعت راسه
لدنكين خليني اشوف عيونج
جنت احجي همس وهي بس ساكته رفعت راسه وباوعت بعيوني هنا اني متحملت نضرته جانت عيونه ذابله وشفايفه مفتوحه على النص محسيت بنفسي اله واني ساحب راسه عليه واخذت شفايفه صح مو اول مره اضوك عسل شفته بس هالمره طعمها غير هالمره احس اني مأمن انو حكررها واعيدها لان صارت حلالي ماهديته اله من حسيت بيه اختنكت حاولت تدفعني وتكوم بس مسمحتله خليت كصتي على كصته وجنه ثنينه نلهث
نوى
نوى احاجيج
ههمم
اويلي الله لج حموت مدا اكدر ابتعد عنج شنو بيج سحر ليش هيج ترفه وناعمه ليش هيج صوتج لج شكد شايف بنات بس بحياتي مشفت هيج ترافه وين لسانج اليوم شو ساكته ممتعلم عليج عاقله
جنت احاجيه وكصتي على كصته رفعت عينه وخزرتني
شنو قصدك اني ملسونه
لا حشاج منو كال بس اني حبيت وكاحتج وجرئتج اشو اليوم بزونه مغمضه
حازززم كافي فدوه خلينه نطلع والله طولنه
ليش مستعجله محد سأل عنه من يدكون الباب نطلع
زين فدوه خلين اكوم والله دتحرجني بهاي الكعده
تعودي نوى هذا مكانج منا وجاي
اووو حازم والله استحي بس شوي خليني اكوم
جانت تحجي ووجه احمر محبيت احرجه اكثر صح اريده تتعود على جرئتي بس ميخالف شوي شوي هديته وهي راسآ طفرت وكعدت بعيد ضحكت على طفرته وكمت وكفت يمه لزمت ايده وفريته كدامي
لج شطالعه اميره نوى شدعوه هيج ملفلفه نفسج جان لبستي حجاب فد مره
لا شدعوه بس هي بس تلبيس حلاقات محبيت ابالغ باللبس
اممم يعني بيه امل نشوف خيرات الله
حازززم شلون وتالي
شنو شبيج غير اضمن حقي
اكول مو جنك زودته هاي عود كتلي لتخافين بس نتعارف ما اسوي شي يزعجج
جانت تحجي وتقلد عليه فكيت عيني عليه
هاي اني هيج كلت
لا امي كالتلي
هههههه طكيته ضحكه على حركاته وجه طفولي وتعفس بي جنه لعابه
لزمته من خدوده وكتله
اوووف ربي مال كرطط لتسوين هيج حركات كدامي بعد ترى اكلج
بتعدت خجلانه وكالت
هاا نطلع عيب طولنه
ليش مستعجله والله هسه الكل لاهي يسولف محد بحالنه
ميخالف خلينه نطلع
لزمت ايديه وكتله نوى هم يجي يوم وتشيلين هالحواجز الي بينه
باوعتلي بعيونه الي تسطرني سطر
حازم هاي تبقى عليك انت الي تكدر تشيلهم واني اكيد مراح امانع اني بس اريد اامن من ناحيتك وهو كلشي ينشال
بست ايده وكتله ان شاء الله ما اخذلج ولا اقصر وياج يالله حبي خلي نطلع
طلعنه ثنينه واحد لازم ايد الثاني واشتغلت الهلاهل رحت يم الزلم وشوي وترخصنه وطلعنه كبل للبيت مبتنه بالولايه