الجزء الثالث والعشرون
#نوى_القلب
#Nour Ahmed
حازم
الساعه 12:00 الظهر الكل حاضر حتى نروح لبيت دكتور عثمان
ممصدك بيني وبين حلمي اربع ساعات بس اريد الوكت يمشي حتى اوصل وامتلك نوى گلبي احس الدقايق صارت ساعات والساعات ايام
اخ لو بس الله هاديه وناطيتني رقمها على الاقل اصبر نفسي بصوته اوووف هاي شبيك حازم اثكل حصير مضحكه من ورى هالقزمه ام عيون غزلان
جنت صافن وسمعت صوت شهاب وراي
هاا ولك اشو تحوس اركد يول لاتصير خفيف مو انوب تسوك عليك
اكول عيني شوشو وفر نصايحك لنفسك اني اعرف ادير اموري البيته من كزاز لايشمر على الناس صخر
هههههه ولك شوشو شنو رجال طول بعرض وشوشو
بعد شسوي يابو الثكل والهيبه ما احب اكسر بنوره فكمت ادلعك مثلها
اهااا هنا الحجي
هاا شباب كملتوا ترى الجماعه كلهم كملو
ايمن ديحاول قدر المستطاع يبين نفسه طبيعي بس كلنه حاسين بيه هو وعمي ونحاول نخفف عنهم الصار وهواي توسلنه بعمي يرجع عمتي ويطلع ايه من المخزن مقبل قافل كلش وجدي كال بطلوا تحلون عليه
جاوبته واني احط ايدي على جتفه
كملنه خف على نفسك شوي انت ممجبور تتحمل شي فوك طاقتك ارحم نفسك ايمن البشر خطاء ميصير تعاقب نفسك انت وعمي على خطاء طايش انت تعرف النسوان شكد عقلهم صغير كافي السالفه فاتت يخوي
أنت تقرأ
نوى القلب(باللهجه العراقيه)
Romanceقصة عراقيه اجتماعيه تميزها العاطفه والحب تتمحور احداثها حول التكاتف الاسري في المجتمع العراقي بحيث تظهر العائله العراقيه بحقيقتها البسيطه متعددت الابطال والشخصيات نوى القلب نيه مانواها لاحد غيرك نوى القلب يمشي لك على السمع والطاعه
