🔽
الحلقة 39
حسام بدا ينهج: اسيل..لا اسيللل
امير: حسااام اهدي ارجوك
حسام و دموع اول مرة تظهر:اسيل هتمووووت انا موتها بايدي يا امير...ضربتها و اهانت كرامتها.. خلاص بقت بتكرهني
امير: حسام بالله عليك اهدي و خلينا نتصرف
حسام: ولله بحبها و بموت فيها...بحبها...(قال باعلي صوت)سامحـــــيني
افتكر هي فين جري علي برا و امير وراه وهو قلقان موت فتح الباب بسرعة لقاها مرمية علي الارض و بوقها بينزف دم و لا حياة لمن تنادي💔
حسام هنا قلبه طلع من مكانه و منظرها شل حركته لقا رجله بتوديه ليها و نزل لمستواها و هو لسة علي اثر صدمته
قرب منها و مسك راسها و نيمها علي رجله و هو منهار في البكاء...عينيه مليانه بالدموع
صرخ باعلي صوت سمع جميع من في القصر: آسيــــــــــــل
امير اتصدم من منظرها: شيلها هنوديها المستشفي بسرررررررعة..عملت فيها اي يا مجنون
حسام فعلا شالها و مشي بالعافية للعربيه
مامته: يالهووووي بنتي...عملت فيها اي يا حسام انطق
توفيق: عملت اي فيهااااااا
حسام بانهيار: مش عارف مش عارف
امير بعصبية:اركب انت لسة واقف
ركب ورا و هو حاطت راسها علي رجله منيمها
حسام:قومي ارجوكي....فتحي عيونك الي بعشقهم دول..نفسي اشوفهم متحرمنيش منهم..متسبنيش ارجووووكي اصحي بقا
امير:يلا وصلنا
حسام و هو شايلها: دكتور هنا بسررررعة
الدكتور اول ما شافها: جهزوا غرفة العمليات بسرررعة
حسام قلق اوووي و رجليه مش قادرة تشيله
وقع علي اقرب كرسي و امير راح للدكتور: مالهايا دكتور طمني بس عمليات اي
الدكتور و هو بيلحق اسيل: انت جوزها
امير: لا ابقي اخوها
الدكتور:ادعيلها..هي واضح ان جالها نزيف داخلي اثر صدمة شديدة جدااا..ادعيلها
و دخل العمليات
امير:يارب تقوم بالسلامة طمني ارجوك
و راح قعد جمب حسام الي كان فعالم تاني
العيل كلها جت
عدي تلت ساعات علي نفس الحال و التوتر و الانهيار و الخوف
امير و هو بيطبطب علي كتف حسام: ادعيلها يا حسام هي محتاجة انك تدعيلها
حسام: انا هروح اصلي و جي
اوما له برضا
حسام ضلب و فضل كتير اوووي في السجود.... عيييييط كتير اوووي
فضل يدعي ربنا انها
ترجعله..تسامحه..تحبه تاني
حسام: ااااااه يا رب انا تعبت من الفراق بقا...انا حبيتها و غيرتي و غبائي عماني...رجعهالي يارب...رجعهالي بقا
خلص صلي و مسح دموعه و طلعلهم
الدكتور فنفس اللحظة دي خرج
الكل راحله ماعدا حسام الي كان مش قادر يتحرك من كتر الصدمة الي نزلت عليه
اول ما الدكتور اتكلم
الدكتور :للاسفـــ....................
قلبه وقف و رجليه مقدرتش تسنده و دموعه مقدرش يكتمها
الدكتور: انهيار عصبي شديد و قلبها وقف مننا مرتين بس ربنا ستر و قدرنا نرجعه..واضح انها بقا عندها عدم تمسك بالحياة..و النزيف الي جالها دا بسبب انها حصلها موقف زمان ماثر عليها لغاية دلوقتي..من الضلمة و الوحدة..سببلها انهيار عصبي و للاسف....... فقدت حاسة النطق
الكل لا يستوعب..متي.. كيف.. اين
الكل بص فجاة لحسام
امير وقف قصاده و دموعه خانته:...انت!.. انت استحالي تكون انسان...فاكر لما قلتلك هتندم..هتتنمي حرف منها و مش هتطول...(فجاة ضربه بقوة)اهو دلوقتي فعلا مش هتطول...بسببك بقت خارسة..ذنبها اي دي..هاااا انطق..سكت دلوقتي...ارتحت
حسام واقف و معالم الصدمة و الثبات مرسومة علي جهه
امير ضربه لكمات قوية جدا واحدة ورا واحدة ورا واحدة..
امير : فوقت ولا لسة؟؟؟
حسام وقع علارض بس فجاة بص عليه و اخيرا حس و قام...راحله و اداله ضربه ف وشه و هو بينهج و مش شايف قدامه غير صورة اسيل و هي مرمية علارض زي الجثة الهامدة
باباهم بعصبية: انت غلطان و كمان بتضرب اخوك يا حيوان
امير ابتسم بخبث: سيبه...هو كدا فاق..انا كنت عايزة يعمل كدا
حسام مسكه من قميصه بعصبية و انهيااار: مش هسمحلها انها تسيبني..مش هسمحلها...(فجاة سابه و حس بنفسه و كل وشه اتحول لدموووع و حزن رهييب) خلاص انا انتهيت..انا منغيرها اموت...حسام منغيرها يموت يا امييير..تفتكر هتسامحني..
امير : و ليك عين تتكلم..تصدق انك تستاهل..انا هشجعها انها تسيبك اصلا
حسام بدموع و كانه طفل مش لاقي حضن مامته: لا اسيل هتسامحني لايمكن تسيبني
الكل عرف بالي حصل و الكل جيه
اسراء و سيف و ملك و يوسف و مريم رجعت من اسكندرية
بعد فترة
الدكتور: احنا عملنا الي علينا و هي بخير اتطمنوا بس محتاجة الراحة التامة و نقلناها اوضة عادية
حسام بسرعة: انا عايز اشوفها
الدكتور : للاسف مينفعش
حسام قرب منه و مسكه من قميصه: انت عارف انت بتتكلم مع مين..دخلني احسنلك
الدكتور: مع مين يعني
حسام و بقا زي البركان و امير الي بيقول ف سره(ربنا يستررر)
حسام :المستشفي دي اسمها اي
الدكتور بعدم فهم: مستشفي الشافعي
حسام: وانا ابقي حسام الشافعي
الدكتور بلع ريقه و قال بحرج: ح ح ححضرتك تتفضل طبعا بس دا خطر علي الانسة
حسام : اسمها مدااام..و انا لازم ادخلها..مش انت الي هتمنعني..عن اذنك ادخل لمراتي
الدكتور بفهم: معاك 5 دقايق و ياريت متفكرهاش باي حاجة مرت بيها مؤلمة
حسام بحزن: حاضر
حسام فتح الباب ب ايدي مرتعشة
قلبه مقدرش يتحمل منظرها..وشها بقا شاحب منغير روح ولا حياة..شفايفها تميل للون الابيض..جسد بلا روح
باصة علي الحيطة و عينيها مرمشتش ولا مرة و دموعها محبوسة
حسام شد كرسي و قعد جمبها
حسام بالم: انا اسف..انا اسف يا قلب حسام..اسف يا حبيبتي
و قرب ايديه عشان يمسك ايديها...اسيل بعدت ايديها بعنف شديد و لسة باصة قدامها
حسام بحزن علي حالهم: سامحيني انا كنت غلطان و غبي و استاهل..بس ارجوكي اتكلمي قولي اي حاجة..اتحركي..اعملي اي حاجة..قومي زعقي فيا..بهدليني..اضربيني..لكن متعمليش فيا كدا..متعمليش ف قلبي كدا
اسيل لا رد
حسام قرب منها اكتر و هو لسة بيعيط: ولله ندمان..هعملك كل الي تطلبيه..هعمل كل حاجة انتي عيزاها..بس ارجعيلي..اطلبي اي حاجة و هنفذهالك ..بس بلاش تبعدي عني انا منغيرك اموت..
اسيل منغير ما تبص عليه..باصة قدامة بثبات و قوة و الدموع متجمعة ف عينيها..
اسيل و بصوت متقطع: طـ لـ قـ نـ ي
حسام مش مصدق انه شاف شفايفها اتحركت و مستوعبش الكلمة : حبيبتي انتي اتكلمتي...طب طب انا هجيب الدكتور حالاااا
اسيل بغضب و صوت اعلي قوي: طلللللقــني
حسام وقف قصادها و عينيه لونها احمر و دمه نشف ف عروقه و كان جردل مايا ساقعة نزلت عليه
حسام مسكها من كتافها و فضل يهز فيها جامد: اسيل فوقي انتي بتقولي ايه..انا استحالي اطلقك..انتي بتعملي فيا كدااا ليه..انا منغيرك اموووت..حسااام منغير اسيل يموووت..انا بحبك..لا انا بعشقك يا اسيل بموت فيكي
دوت صوت صفعة قوية من اسيل
اسيل : لغاية هنا و كفايا..كفايا كدب بقا كفاايااا انت ايـــه يا اخي..مش هسمحلك تنطق الكلمة دي..لانك استحالي تحب اصلا..كنت بحبك و معتبراك قدوتي و كان نفسي ابقي مراتك و ام ولادك..بس دلوقتي كل حاجة اتدمرن..كله بسببك..و هتطلقني خصب عنك...عارف ليه
عشان انا بكرهك..بكرهـــك يا حسام بكرهكككك
حسام متكلمش و كان واقف مصدوم..مش عارف مصدوم من القلم الي خده ولا من كرهها ليه و كلامها...بس اكتشف ان كلامها كان اكبر صفعة يتلقاها في حياته
اسيل بعياط: امشي اطلع براااااا
حسام: اسيل انا بحبك ولله بحبك..انا اتغيرت ولله و ندمان..انا اسفففف..ولله اسف..انا مش بحبك لا ..انا وصلت لمرحلة العشق ...بقيت بعشق التراب الي بتمشي عليه..بحبك ولله بحبك
اسيل : براااااا..انت مش بتفهم..مش عايزة اشوف وشك تاني..اطلع برا بقااا..برااا..اطلع من حياتي ياخي..اطلع برااا
حسام خرج و بلغ الدكتور و الدكتور اداها حقنة مهدئة و نامت في وجعها و المها
الكل فرح انها اتكلمت بس زعلانين عليهم جدا و محدش فاهم اي الي حصل
حسام خرج و هو مكسور و حزين
_____________________________________
