#أختناق_الندم
الحلقه 19
خشت دلال ولقتني راقده نضتني وغسلتلي وجي.......
خفت منها لان انفجعت ...
طلعت وخشلي (ياسر)
تفاجات بعد ماشفته :o
بحت فيا وكان زعلان ومضايق ومقهور
دموعي نزلن..........
خشلي ....
قمعز ع كرسي اللي جنب سريري......
ياسر:كيف حالك؟؟
انا:.........
ياسر: مزلتي متبش تحكي ماملتش لك اكثر من شهر ساكته؟
انا:..........
ياسر: ياريتك حكيتيلي في اول مره شفتك فيها يمكن وقتها مخلتش روحي انتعلق بيك هكي؟
انا:..........
ياسر: (مسحلي دموعي)
انا: ............
ياسر: كيف صار
انا: .........
ياسر: كيف اغتصبك ووين ومن وامتي ومن هلك؟
انا: (نبكي بعبرتي) في رحلتي
ياسر: (استغرب اني حكيت)؟؟؟
انا: كنت ماشيه لرحله يومها (قعدت نبكي)
ياسر:.........
انا: (مسحت وجي) حطني خويا فلمدرسه
كان في بنت نعرفها كانت صديقتي ..
ياسر:؟؟
انا: (نبكي)
ياسر:.........
انا: كانت صديقتي قالتلي ان بتعدي مع صاحبها
ياسر.؟؟
انا: قنعتني ان نعدي معاها (نبكي)
مخذتش فيا وقت في اقناعي وافقت في لحظة طيش
في لحظة اهبال ....(نبكي)
ياسر: ..
انا: كان معاه صاحبه كان كبير في العمر يعني راجل الثلاثينيات
كاين وقتها شالونا لشاليه (نبكي)
ياسر: .........
انا: انا والله ماكنت نعلم علي حاجه انا انا انصدمت كنت كنت نبي انروح
والله كنت بنروح والله كنت بنروح بس بس مقدرتش
ياسر: .. شنو صار؟
انا: (نبكي بعبرتي)
ياسر: احكي متسكتيش احكي (كان متعصب وشوي يضربني)
انا: (نبكي)
ياسر: انتي متفهمش احكي؟
انا: وصلنا ونزلنا ..
ياسر: خشيتي معاهم؟
انا: أي خشيت ..(نبكي)
خشيت ووقعدت البنت مع الشاب يحكو بعدها طلعو
كنت بنطلع معاهم بس هيا هياا قالتلي بنقعدو برواحنا
.......
طلعو وقعدت معاه بروحي .. في بدايه ضحك عليا وقعد محترم معايا
ياسر: ؟؟؟؟؟
انا: ...نببكي...اغتصبني مقدرتش اندافع علي روحي وعيطت
عيطت عيطت محد سمعني (نبكي)
ياسر: وانتي برجليك عديتي؟
انا: (نبكي) والله كنت غبيه حماره مكنتش نعلم عللي بيضصير
والله مكنت نعلم انا انا والله ماهكي بلعك سنا عندي عيله
محترمه عندي حياه مش ناقصتها شي بس بس هكي صار
معايا ناه كي مكتوبلي
ياسر:.......
انا: متسكتش فش غلك احكي وهزب وقول اني فالته ومش تمام
ياسر: من هوا؟
انا: (نبكي) يعني لو عرفته بيتغير الواقع
ياسر: مش شغلك نبي نعرف من هوا
انا: هوا (نبكي)
ياسر: ......تي ادوي
انا: قال ان اسمه سمير هوا دكتور
ياسر: سمير من؟
انا: منعرفش
ياسر: سمير من؟
انا: والله مانعرف والله مانعرف
ياسر: دكتور شنو؟
انا: منعرفش عليه حاجه غير المعلومتين هذنه
ياسر: مذكره ملامحه؟
انا: (نبكي) هوا سبب كل حاجه دمرني وشردني وقتلني
مستحيل ننساه مستحيل (نبكي)
أنت تقرأ
رواية#أختناق_الندم💔😢للكاتبة#Fatmaالجزءالاول⬅الجزء الثاني (مكتملة)💚
Romanceرواية ليبية شرقاوية تحكي علي قصة بنت تعرضت لاغتصاب بسب غدر صديقتها وهربت وعاشت في الملجا ودخلت في حالة نفسية 💔
