#أختناق_الندم
الحلقه28
نزلت جنات تجري
عائشه: كنك
جنات: بنراجي ياسر بره
عائشه: كنك شن في تعاركتي مع عيسي ولا كنك؟؟
جنات: كني لالا سي غير مشغوله عليه مقفل
عائشه: حي عليا كان ماسافر وهرب من العرس
جنات:...........
سميه: سيارته وصل
عائشه: الحمدلله ياربي
جنات: ياسر واخير كنك مقفل؟
ياسر: شي
عائشه: انحطلك عشاء؟
ياسر: لالا
ركب لداره ولحقت عليه جنااات
عائشه: تعالي هنا يافرخه
ركب ياسر وصكر داره
جنات: نعم؟
عائشه: شن تبي فيه؟
جنات: نبي نحكي معاه يعني عارفه انتي من موقف رافع منحكوش مع بعضنا
عائشه|: كذابه اعترفي من مبدري وانتي ترجي فيه
جنات: بنحكي معاه عارفتيني منحملش زعل ياسر
عائشه: خليه متحكش معاه اليوم شكله متعصب
جنات: ..........
عائشه: عدي لدارك وارقدي
جنات: به
خلت امها ركبت لدارها وعدت دقت ع ياسر:
ياسر: منوو
جنات: جوجو
ياسر: شن تبي؟
جنات: ياسر ممكن تكرم وتفتحلي الباب؟
ياسر: ......
فتحلهاا
خش وخشت وراه وصكرت باب الدار..
ياسر: بنرقد احكي بسرعه
جنات: مزلت زعلان مني؟
ياسر: ...........
جنات: عارفه اني درت حاجه غلط بس هوا يبيني ويبي من بدايه يخطبني
بس انت عارف بابا كان مش قاعد وصارلنا ظروف
ياسر:..........
جنات: رد عليا بحت فيا؟
ياسر: ؟.............
جنات: ع العموم مش جايه نحكي عليا انت من قبل حكيتلي علي ساره
ياسر: .........
جنات: قتلي ان سيبت هلها صااح وعاشت ظروف صعبه ومكنتش تبي اتسيبهم
ياسر:.........
جنات: صارت حاجه ضروري ماتعرفها
ياسر: كثرتي كلام ونا راسي صداع اطلعي
جنات: باهي اسمعني
ياسر:.........
جنات: عيسي الشاب اللي خطبني وجاب اخته لنه؟؟؟ راجلها اسمه حاتم
تقريبا عنده اخته مسيبه هلها وهاربه وميعرفوش عليها شي
ياسر:؟؟؟؟؟؟؟؟؟؟؟؟؟
جنات: نا مقدرتش انتاكد وخفت نتصل ع نيروز اخت عيسي ونسئلها
معش عرفت كيف نصرف ورنيت عليك
ياسر: انتي متاكده؟؟
جنات: والله نا في البدايه مركزتش بس بعد قعدت نذكر في كلامها وكلامك انت
والبنت اللي تشبهها انت شفتها فاتاتك صح والله تشبهلها واجد انت لو شفت البنت
نسختها حسيته هيا بس خفت نستعجل
ياسر:؟؟؟؟؟؟؟؟؟؟؟
جنات: انا حكيتلك واللي عليا درته تصبح ع خير
ياسر: تعالي تعالي تعالي
جنات: نعم؟
ياسر: كيف كيف يعني؟
جنات: نا بروحي والله لعند توا مش متاكده يعني مرات عادي يعني
ياسر: لاللالالا مش عادي اسمعي نبي عنوانم
جنات: ياسر نا مش متاكده يعني قالت انها هربت من مدرسه ومعش ردت
يعني بس قصدي مرات وحده اخري
ياسر: لالا اكيده هيا باهي شنو قالتلك شن حكتلك ؟
جنات: قالت ان سيبت هلها ومعرفو ش وينها قالت ان هلها كويسين
وخوها اللي واخد اخت عيسي مش متقبل حتي سيرتها حسيت من طريقة كلامها
ان مستعرين منها
أنت تقرأ
رواية#أختناق_الندم💔😢للكاتبة#Fatmaالجزءالاول⬅الجزء الثاني (مكتملة)💚
Romanceرواية ليبية شرقاوية تحكي علي قصة بنت تعرضت لاغتصاب بسب غدر صديقتها وهربت وعاشت في الملجا ودخلت في حالة نفسية 💔
