رواية#أختناق_الندم💔😢للكاتبة#Fatmaالجزءالاول⬅الجزء الثاني (مكتملة)💚

8

#أختناق_الندم
(((الحلقه الثامنه)))

ماما: ايوه؟؟؟
ياسر: اهلين كيف حالك؟؟
ماما: الحمدالله بفضل ربي كيف حالك انت وكيف حالك هلك؟
ياسر: بخير الحمدلله كيف حال ساره؟؟^^
ماما: قاعده تفرج علتلفزيون كويسه الحمدلله
ياسر: ممكن نحكي معاها؟؟
ماما: تبي تحكي مع ساره (تسمع فيا)
انا: (شيرتلها بصبعي بمعني لالا) :3
ماما: هاك اهيا معاك ^^

انا: ....
ياسر: الو
انا:........
ياسر: الو اهلين كيف حالك؟
انا: الحمدلله
ياسر: كيف حالك توا كيف تحسي في روحك؟ :/
انا: كويسه
ياسر: صحتك تمام؟
انا: تمام
ياسر: باه تعشيتي؟؟؟ :/
انا: اها
ياسر: به منبش انعطل عليك سامحينا ع ازعاج؟^^
انا: اوك  :3

صكرت في وجه :3

ماما: يسأل عليك؟^^
انا: ارتبكت ليش تعطيلي فيه -_-
ماما: الراجل صبي معاك وساعدك مفروض شكرتيه -_-
انا:.....
ماما: كان خليتيني نحكي الفاتن وجت تو تزعل :(
انا: منبش انسببلها مشاكل اكثر مع عمتها خليها

كنت خايفه نرقد لان مخذيتش الدواء خفت نحلم بكوابيس ونوض
مخنوقه ومفجوعه

ماما رقدت ونا خايفه معرفتش شنو اندير
غفيت ........

قاعده في مكان فاضي طريق طويله كنت لابسه لبسه
ضيقه واجد شعري طويل واجد انحس في حد
ورايه يكرلي فيه يوجع فيا راسي نفس ينقطع عليا
معندش جهد نكر روحي حد يكرلي في شعري
ويحولي في دبشي خايفه مرعوبه
منو هضا عليش هكي

ماما: ساره نوضي نوضي
انا: نعم
ماما:نوضي يامي اشربي ميه
انا: شعري :'(
ماما: انتي كويسه خلاص :/
انا: الساعه كم؟
ماما: 7 توا شويه اخري بيمر الدكتور^^
انا: باه
ماما: تخشي للحمام؟
انا: به

قعدت شويه وجابو فطور فطرت نا وماما
وجاني الدكتور:

الدكتور: كيف حالك ساره؟
انا: الحمدلله
الدكتور: شنو اسم الدكتور اللي صارفلك دواء؟
انا: دلال #@$
الدكتور: انتي شنو تحسي في روحك؟؟
انا: تمام
الدكتور: شنو الحاله اللي تعاني منها؟؟
انا:............
ماما: تشوف في كوابيس واجد تخاف تقعد بروحها
مش اجتماعيه انطوائيه واجد
الدكتور: لاباس عليها بس نبيك تراجعيها انها تخففلك الدواء اكثر
جسمها ميتحملش وعندك نقص فيتامينات حنعطيك مكمل غذائي
ماما: شكرا يادكتور
الدكتور: العفو تقدري تطلعي توقعيها ع ورقة الخروج
ماما: كم مصاريف المستشفي
الدكتور: عدي للاستقبال بره تو يقولولك
ماما: به بارك الله فيك
الدكتور: فيك بارك الله

طلع وعدا للمكتب

الدكتور: من امتي تراجي؟؟
ياسر: ههههه ولا يهمك انا اللي جاي بدري كيف حالها؟
الدكتور: تمام مافيها شي  :*
ياسر: مقالتلكش شنو سبب الدواء؟
الدكتور: قالت والدتها انها تشوف في كوابيس وانطوائيه
ياسر: وسبب الهبوط؟
الدكتور: من دواء هيا تعالج عند دكتوره نفسيه
ياسر: وين عنوان الدكتوره؟
الدكتور: اسمها دلال #@$ بس اسمها مش مار عليا ومقدرش نسال علي عنوانها اكثر