#أختناق_الندم
33
...
~
~
~
~
انا: طالع؟؟
ياسر: اها انحطك عند فاتن؟
انا: عليش؟
ياسر: منبيكش تقعدي بروحك
انا: لا عندي كم حاجه بنديرها في شقه
ياسر: متعبش روحك واجد عشاني؟
انا:؟؟؟اهاا ياسر شن صار في موضوع امك وابتسام؟
ياسر:امم تو نلقي حل مزال مفكرتش في موضوع
انا:...........
باسني وطلع؟؟؟
مشغوله وخايفه ومش قادره حتي انفكر
روح متاخر وكان مضايقه ومبش يحكيلي
رن فونه اول ماخش
استغرب من الرقم اللي رن عليه طلع ع طول لحقته
وقعدت نسمع فيه ومخليتش يلاحظ اني وراه
امه: الو
ياسر: ءؤؤؤؤ امي؟؟والله ماني مصدق
امه: كيف حالك يامي
ياسر: الحمدلله الحمدلله بخير
امه: كيف حال صحتك؟
ياسر: الحمد تمام كيف حالك انتي مرايف عليك ومرايف ع لمة يامي؟
امه: الله لا تسامحه اللي كان سبب
ياسر: اممم امي ياريت تحترمي اخياري كيف مانا قررت نحترم اختيارك
امه: مش موضوعنا عموما بكره غذاك عندي
ياسر: وشن المناسبه؟
امه: بكره ماشين لخالتك درت كم نوع موالح وحلويات وساعني خياتك
ونبيك تاخدها طاقم سمح ونردوها حرام توجع مكسور خاطرها
ياسر: اممم بكره؟؟
امه: بكره مالا امتي اسمع الموضوع كبر ومعش يتاجل
ياسر: به ضروري منها عزومة الغذا؟؟
امه: اكيده ولدي ومرايفه عليه وع لمتنا حتي خوك ومراته جاين
تعال ولا خايف مراتك تقولك لا
ياسر: لالا مش هكي بس مشغول؟؟ باهي خلاص تم تو نجي
امه: جيب مراتك تعدي تغذا معانه وشيلها لاخالتك بلمره؟؟شن رايك؟
ياسر: امي خلااص عاد
امه: باهي معناها تعال وانت ساكت؟
ياسر: حاضر تو نجي
امه: نجك ليا ربي مايحرمني من صوتك يامي رد بالك ع روحك
ياسر: حاضر هي تصبحي ع خير
امه: وانت من اهل خير
صكر خشيت ع طول عرفت من كلامه هوا ان امه اللي تصلت
وان عازمته غذا
نار ركبت في قلبي امه واعره وعصبيه ومستحيل تنازل ع قراراتها
يعني ياسر وافق يرد ابتسام عشان ترضي عليه امه...؟؟
خشلي:
ياسر: سريوا
انا: من اللي تصل بيك؟
ياسر: واحد صاحب ساكنلي يبي موضوع
انا: اهاا باهي تمام
ياسر: بكره بتعدي لمكان هلك اوو فاتن ؟؟
انا: عليش؟
ياسر: معزوم ع إذا
انا: من عازمك؟
ياسر: اممم خويا
انا: (نخنقت ودموعي خفتهن ينزلن)
ياسر: سارتي كنك؟؟
قرب مني
ياسر: نحنا م لنه ع بعضنا ؟؟ نحس في روحي مرايف عليك
انا: (خفت نبكي)
ياسر: مش مرايفه عليا؟
انا: نبي نعدي لحمام
ياسر: ونا نرجي فيك في دار :*
صبا من جنبي
وقلبي يدق يدق دق دق
نعي طنا شن ندير معش فهمت اللي قاتلني اكثر واكثر بروده
هذي اللي قاهرتني يعني كيف يرضاها عليا
هكي هوا الحب؟؟؟ هذا حده
الراجل ميقدرش يعطي المراءه اكثر من الزواج؟؟
خشيت للحمام وعديتله
وعدت ليلتنا يف أي 2 مجوزين
في صبح ادوشت وهوا وعي بعدي بشويه جهزتله فطوره
ادوش وطلع فطر معايه
ياسر: كنه حبيبي مضايق
انا: عادي
ياسر: هههههههه ع فكره انتي نكد
انا: والله؟
ياسر: ههههههههه والله
انا: باهي افطر
ياسر: بجد نك من امس سيتك زعلانه متعاركه انتي وفاتن؟
انا: الله يسامحها الوحيده اللي ماعمرها زعلتني عكس الناس كلهم
ياسر: اووبااا ونا؟؟؟؟؟ نزعل هك
انا: ........
ياسر: ساره انتي زعلانه مني؟
انا: انت درت حاجه تزعلني؟
ياسر: لا
انا: ولا حتدير حاجه تزعلني؟
ياسر: عمري انتي وغلايا عليش انزعل فيك؟
انا: اهاا
ياسر: احكي ؟
انا: شن بنحكي
ياسر: خليني نفطر را نشبع فيك
انا: ههههههههه
ياسر: ايواه اضحكي مش حلوه الراجل ينوض ع تكشير
انا: مضايقه شويه
ياسر: نشيلك لدلال؟
انا:,,,,,
(((دلال؟؟؟؟بيشيلني لدلال؟؟ معقوله ل المشاكل اللي يصيرن معايه سببها حالتي
نام زلت مريضه نا متعالجتش مثلا؟؟ يعني مفش انثي تضايق او تنقهر؟؟
معقوله فكر ان علاجي عند دلال ومش عنده هوا؟؟
انقوله؟؟اكيد لا ؟؟كيف تجي ونقولها لاه ؟؟))
أنت تقرأ
رواية#أختناق_الندم💔😢للكاتبة#Fatmaالجزءالاول⬅الجزء الثاني (مكتملة)💚
Romanceرواية ليبية شرقاوية تحكي علي قصة بنت تعرضت لاغتصاب بسب غدر صديقتها وهربت وعاشت في الملجا ودخلت في حالة نفسية 💔
