حب مجهول

1

المقدمه
لكل واحد كان وحيد فى يوم من الايام خليك دايما عارف انك مش هتفضل وحيد طول حياتك
خليك علي يقين ان ربنا دايما شايلك كل الي تحتاجه واوعي تيأس لو سابك صاحب في نص الطريق
بعد ما كنت اتعودت علي وجود دايم منه أنت مش عارف ايه هي الحكمه فى ان الشخص ده يسيبك في
الوقت ده بالتحديد خليك علي يقين ان ربنا هيحفظ علاقتك بالناس الي تحبك .
__________________________________

الفصل الاول: حب مجهول
بقلم/عمر حمام

دايما كان لوحده من وهو صغير بس كان غاوي مزيكا وانه ينظم الحفلات فضل لوحده لحد ما كبر و دخل الجامعه وبدا يحضر حفلات وينظم بس برضو وسط كل الناس الي موجوده حوليه برضو نفس احساس الوحده مسيطر عليه مش عارف يلاقي الصاحب المناسب عدت الايام وبقي ف نص الترم بقي معروف عنه انه بينظم حفلات في الجامعه و معروف كمان انو بيعرف يجذب الناس ويكسب اهتمامهم في اي حاجه بيعلن عنها بسبب اللباقه ف كلامه مع ابتسامته الخفيفه وروحه الحلوه وكان معرف عنه دايما ان دمه خفيف و ف يوم من الايام قررت الجامعه تعمل حفله وكلفت كريم انه صاحب التنظيم و الدعايا طبعا كريم كان طاير من الفرحه لان دي اول حاجه هيعملها بأسمه ابتدى ينظم وجهز تذاكر العرض و ابتدي يروح لاصحابه يعرض عليهم الفكره وفعلا قدر يقنع ناس كتير بأنها تحضر الحفله بس جه في يوم من الايام حصلت حاجه غريبه جدا وهو واقف مع مجموعه من الناس بيتكلم معاهم عن الحفله شاف واحده حلوه بملامح هاديه وملائكيه وقرر انة يروح يقولها علي الحفله الي كان بيجهزلها , بالرغم انو كان بيكلم اي حد و كان جريئ بس قلبه كان فى شوية ارتباك وحاجه بتشده نحيتها فعلا خد خطوه و التانيه لحد ما قرب نحيتها طبعا بدء الكلام زي ما كان متعود يقدم نفسه لاي حد بطريقه لطيفه عشان يقدر يكسب اهتمامهم بس المره دي حصلت حاجه غريبه وهو بيتكلم اول لما بصتله ابتدي يتلغبط ف الكلام وكأنه اول مره يتكلم قدام حد طبعا هي كانت واقفه مستغربه لحد ما قاطعته بسؤال
'' هو انت متلغبط كده ليه ؟ ''
رد عليها بكل تلقائيه وقلها حقيقي انا مش عارف انا اول مره يحصلي كده بس انا حبيت اقولك ان الجامعه بتاعتنا عامله حفله ردت بكل بساطه حلو جدا
''انا اول مره اعرف ان الجامعه بتاعتنا بتعمل حفلات''
كريم: لا مش اول مره بس تقريبا انتي الي مش متابعه و ابتسم ابتسامه خفيفه .
البنت: '' طيب لو حبيت احجز اوصلك ازاي ولا هلاقيك فين ؟ ''
كريم: ممكن تاخدي رقمي لو حبيتي تحجزي بصتله و لسه هتتكلم قاطعها
'' انا مش بعاكس انتي خدي الرقم انا مش عاوز رقمك لو حبيتي تحجزي كلميني وابتسملها وقفل الكلام وقلها سلام ''
.. بس الغريبه انه وهو ماشي مكنش عاوز يقفل الكلام و كان دايما بيفكر كتير فيها عدي اليوم الاول و التاني ..لحد ما شافها تاني بالصدفه ف الجامعه .. حس بأحساس غريب اول مره يحس بيه وفاجئه راح كلمها و لتاني مره يحصل انو ميعرفش يتكلم قدامها بس حاول انه يجمع كلامه بسرعه وهو مرتبك قلها فاضل ع الحفله يومين مش هتحجزي استغرب من جواه ازاي قال كده لانه عمره ما سأل حد السؤال ده
البنت: انا كنت هحجز بس ضيعت رقمك بتقولها ف خجل
كريم خدها فرصه وقلها فداكي انا موجود بنفسي مش الرقم مع ابتسامه خفيفه حب يقرب شويه المسافه الي بينهم بسبب الاحساس الي كان جواه
فطلب منها انها تديلو رقمها وهو هيكلمها .
البنت:
تفتكروا رد فعلها هيكون ايه ؟

رائيكوا يهمنى اكمل ولا