حب مجهول

2

الفصل الثاني: حب مجهول
بقلم/عمر حمام

وافقت بعد محاولات كتير من كريم انها تديلو الرقم بس كل ده كريم مكنش عارف اسمها ف سألها عن اسمها
البنت :‘‘ اسمي لين‘‘
رد كريم مع ابتسامه خفيفه عاشت الاسامي يا لين , قفل الكلام معاها وهو من جواه قلبه بيرقص من الفرحه بس برضو كريم كان مستغرب وبيسأل نفسه
‘‘ هو انا فرحان كده ليه ؟ ‘‘
طبعا سجل الرقم ومشي وعدي اليوم بفرحه جواه غريبه محسش بيها قبل كده جه تاني يوم بيكلمها و قلبه بيتمني انها تحضر الحفله كلمها   طبعا عرفها بنفسو تاني لان الرقم كان اتمسح من عندها وسألها
كريم: ‘‘ ها حابه تحجزي بقي للحفله ؟ ‘‘
بس كان ردها كسر حاجه من الفرحه الي كانت جواه
لين: ‘‘ انا اسفه مش هقدر اجي تتعوض في مره تاني ‘‘
كريم رد عليها وبان ف كلامه الضيق و الزعل بس حاول يداري بانه يقولها  اكيد هتتعوض اكيد في حفلات اكتر ان شاء الله ‘‘ و جه يوم الحفله طبعا كان بيدور عليها وسط كل الوشوش رغم انو عارف انها مش هتيجي

_ اليوم التاني كان كل الي ف الجامعه بيحكي عن الحفله و قد ايه انها كانت جميله كريم كان فرحان بالمجهود الي قام بيه في تجهيز الحفله و ان الناس الي كانت موجوده كلهم خرجو مبسوطين كريم شاف لين ف الجامعه للمره التانيه صدفه بس ف المره دى جت بدأت الكلام معاه
لين:‘‘ سمعت ان الحفله كانت حلوه جدا وكل الناس بتحكي عليها ‘‘
كريم: ‘‘ اه بصراحه فاتك نص عمرك كانت حلوه جدا بس كانت نقصاكي ‘‘
كان رد فعل لين انها كانت خجوله وابتسمت ابتسامه خفيفه وردت عليه ‘‘
لين:شكرا جدا ده زوقك عن اذنك لازم امشي‘‘  طبعا ابتدي كريم يدور علي كل حاجه تخصها علي السوشيال ميديا بس للاسف معرفش يوصل لحاجه  بس لما سجل الرقم لقي انها بتفتح ‘‘الواتس اب‘‘ كتير جدا وعرف انها بتحب الحيوانات و الاكل جدا ابتدي يتابع لحد ما جه ف مره و قرر يكلمها وحب يقرب لشخصيتها اكتر عدت الايام واتخلقت بينهم علاقه صحاب قويه جدا لدرجه ان الناس بقت عرفاهم ..
كانت لين اقرب ليه من اي حد حتي مامته وباباه في حاجات مكنش بيحكيلهم عليها زي ماكان بيحكي للين كانو دايما مع بعض في كل حاجه بس لفت الايام وكان في احساس غريب جوا كريم بيزيد كل يوم اكتر من ناحية لين بس حاول يخبي لانه دايما كان بيسمع ان الحب بيضيع كل حاجه حاول يخبي كتير بس دايما ردود افعاله و تصرفاته بتفضحه قدامها لان الغيره ابتدت تدخل قلبه عليها من اي حد لين بدأت تلاحظ ان كريم تصرفاته اتغيرت كانت مستغربه بس لقيت ان التصرفات دي ابتدت تعجبها لحد ما جه اليوم الي كريم كان لازم يعترف فيه بحبه للين وهما بيتكلمو زي عادتهم مع بعض بيحكوا تفاصيل اليوم قاطعها ف الكلام
كريم: ‘‘ لين انا كنت عاوز اقولك ع حاجه مهمه جدا انتي احلي هديه ربنا عوضني بيها بعد طول السنين الي كنت فيها لوحدي انا حابب اقولك اني انا حبيتك من كل قلبي انتي جدعه جدا و قلبك طيب جدا وانا دي اول مره اقول لحد كلام زي كده صدقيني ‘‘
سكوت من لين مافيش اي رد كريم بدأ يفكر هي زعلت قعد يعتذرلها كتير وانه مكنش يقصد يزعلها
لين:‘‘متتأسفش يا كريم دي مشاعر في القلب مش بأيدينا سكتت ‘‘
كريم في ضيق: ‘‘ انا عارف انها مشاعر بس كلامك معناه انك مش موافقه اتمني ميكونش كلامي زعلك انا بس هقفل دلوقت محتاجه اي حاجه ؟
لين: اه محتاجه حاجه يا كريم محتاجه اني اقولك انا كمان بحبك و اني بحس نفس الاحساس من نحيتك كمان بس كنت بحاول اخبي
كريم: رد عليها هو انتي بتتكلمي بجد انا مبسوط اوي من الي بتقوليه ده

وفعلا يومها محدش نام من الفرحه الي جواهم وفضلو سهرانين للصبح عدت الايام و الشهور
لحد ما فى يوم لين كانت مع اصحابها وهما ‘‘ كينزي و جينا ‘‘ ف كريم شافها وراح يسلم عليها صحاب لين لما شافو كريم عجبتهم طريقتوا و اسلوبه زي ما اي حد بيعجب بيه طبعا بما انهم  صحاب قريبين جدا  من لين قرروا يبقوا شله صحاب طبعا لين مكنتش حابه الفكره بس كانت مضطره توافق عشان صحابها ميزعلوش ويفتكروا ان في بينهم حاجه لانهم مش قايلين لحد انهم بيحبوا بعض عدت الايام بقيوا صحاب جدا كلهم وكانو دايما مع بعض خروج وسهر وسفر بس ابتدت لين تحس بحاجات غريبه ما بين صحابها و كريم
مع ان كريم كانت نيته دايما كويسه بس لين كانت بتفكر بطريقه غريبه من نحيته هو و اصحابها ودخلت الغيره قلبها من ناحية اصحابها وخصوصا كينزي علي كريم لحد ما جه اليوم الي شافت فيه لين بعنيها لما  صحبتها نسيت موبايلها مفتوح عندها ودي كانت صدمتها
--------------------------------------------------
رائيكوووووا ضرورى
توقعاتكوا لين شافت اي
منتظره تعليقتكوا 💙💙