حب مجهول

الاخيره

بعد ما بدا كريم الكلام مع لين
كريم: مالك
لين:مالي يا كريم منا كويسه
كريم: لا انتي مش كويسه يا لين انتي متغيره معايا ليكي فتره كبير ازاي جايه دلوقت تقولي كويسه
لين:انا كويسه يا كريم بس بدات افكر ف حياتي شويه بعد ما كنت انا حاسه انى تايهه ليا فتره
كريم:تايهه ازاي يا لين امال انا بعمل ايه ف حياتك ؟
لين:بص يا كريم انا كنت مفضلاك علي كل الناس الي ف حياتي وانت بكل بساطه رحت وطلبت حاجه من حد وعاوز تغير مكاني , وجيت لما عرفت الي  حصل قعدة تصالحني وتعيط وقلنا ماشي وسامحتك بس انا عمري ما نسيت الموقف الي حصل ولا عمري نسيت كل مره كنت بتهزر فيها مع صحابي وكنت بفضل شايله كل الحاجات دي جوايا وعمرى ما نسيتها انا جايز قولتلك سامحتك بس انا منسيتش
كريم:ياااه يا لين كل شيلاه جواكي طب ليه د انا عمرى  ما كنت بشيل اي حاجه من نحيتك و دايما بسألك فى اي حاجه مزعلاكي من طيب في اي حاجه شايلاها من نحيتي اكتر من مره بقيت اقولك بلاش تشيلي لان كتر التراكمات ممكن تخسرك اقرب ما ليكي
لين: اديك قولت يا كريم كتر التراكمات بتغير التعامل مع اي حد وانا بسبب كتر تفكيرى ف الي حصل و الي بيحصل انا رجعت لعقلي بعد تفكير طويل
كريم: يعني يوم ما ترجعي لعقلك اكون انا اول حد تتغيرى معاه مش معقول طب ليه كل ده هو انا مكنتش وحش معاكي بغض النظر عن الي عملته يا لين مفكرتيش ف اي حاجه حلوه كنا بنعملها سوا مفكرتيش انى عمري ما حبيت حد غيرك يا لين واني ندمت على غلطه انا عملتها بسبب انى كنت غبى وكنت هخسرك قولتلك  يالين انى مش هرجع تاني وهنبقي اخرنا صحاب عادى زي ما اتفقت معاكي هو انتى ليه بيعاني اووي كده هو انا مستحقش فرصه تانيه ليه ما كلنا بنغلط يا لين و ربنا بيسامح
لين:انا عارفه ان ربنا بيسامح اكيد وانا سامحت بس انا منستش الموقف ولا نسيت اي حاجه حصلت حتي لو كنت اتفقت معايا انك هتكلمها عادى صحاب فا انت لما اخترت كده انت مقدرتنيش
كريم:يا لين بس انتى وافقتي وقولتي تمام وكل حاجه هترجع زي الاول انتي ليه بتقولي الحاجه وعكسها انتى ليه بتخلقي من اي حاجه مشكله انا جيت واعتذرت بدل المره مليون يا لين سواء كان ب الكلام او بالفعل  كل ده منسكيش غلطه من كل حاجه حلوه انا عملتها انا الي اعرفه ان الي بيحب التاني ممكن لمجرد انو اعتذر ينسي كل حاجه بس انتي كنتى بتشيلي كل المواقف الي بتحصل بالرغم من اني قولتلك واتفقنا علي اني هصلح كل حاجه انتي جايه ليه بتغيرى كلامك يا لين طب فين الي اتفقنا عليه وفين مش هسيبك مهما يحصل انا عارف انى غلطت يا لين بس انا مسحتقش كل ده يا لين فكرى انا مقدرش اخسرك انا عمرى ما هحب حد زي مانا حبيتك

" هنا كانت صدمت كريم من رد لين والى خلي قلبه كان مكسور هو ان لين ردت

لين:كل ده بقي مجرد كلام يا كريم انا اديتك فرص كتير وانت ولا هنا
كريم: فرص ايه الي انا اخدتها ؟؟
لين:اه انا اديتك فرص كتير حتي بعد ا اتفقنا قولت يمكن يرجع و يبعد عنها بس لقيتك بتتعامل عادي انا اخترتك كتير و فضلتك ع ناس كتير بس لا المره دي انا هكون انانيه بس عاوزه اسألك سؤال
اختارك ولا اختار نفسي ؟
كريم:يعني ايه اختارك ولا اختار نفسي دى يا لين انا محتاج فرصه تانيه ايه الي انتى بتقوليه ده ؟
لين: مجاوبتش ليه ع سؤالى يا كريم اختارك ولا اختار نفسي ؟
كريم:با لين انا بقولك محتاج فرصه انا بحبك با لين انا مستحقش كل ده انتي بتعملي كده ليه يا لين انا محبتش حد زيك
لين:انا اجابتي انى هختار نفسي يا كريم هبقي انانيه وهختار نفسي ايه مش من حقي اختار نفسي
كريم: يا لين انا كل الي محتاجه فرصه تانيه انا بحبك
لين:انا مش هستني اوجع قلبي تاني انا اخترت خلاص
كريم:من صدمته بالكلام فضل ساكت مردش عليها  حس بضيقه وحس انو مظلوم لانو اعترف بغلطته  بس هي مديتهوش فرص بس كريم مبطلش محاوله لحد ما جتله فكرت  انو يخلي كينزى تكلم لين لان لين كانت بتعامل كينزي عادى جدا و دي الحاجه الي كينزى كانت مستغرباها بس كينزى مترددتش انها تساعد كريم و فعلا كلمت كينزى لين وكانت رسالتها "

لين مهما كان الغط الي بيحصل بين اى صحاب قريبين بس مينفعشتبعدوا عن بعض انتوا احسن صحاب ممكن يدخلوا حياة اي حد اتمني تفكري يا لين بلاش تخسرى كريم "

كينزي كانت بتتكلم ع انهم صحاب لان لين متعرفش ان كريم حكي لكنزى الي بينهم , بس كان رد فعل لين من الكلام البارد لدرجة انها قالتلها

كينزى: خلي علاقتك كويسه انتى كمان معايا انا هعمل الى ف دماغي انتى صحبتي الوحيده بلاش تخلينا نخسر بعض ,
كنيزي  كانت مزهوله من الكلام الي بتقوله لين ع  كريم حاولت كينزى تخبي الي قالته لين  وسط كلامها بس كريم ضفط عليها لحد ما حكتله الي حصل طبعا كريم كان مصدوم من الكلام وان لين عاوزه تبعد بالطريقه دى لمجرد انو غلط بس كريم استسلم بعد كل المحاولت وانه جه ع نفسه كتير عشانها عشان ترجع

بس للاسف عدت الايام ع كريم ولين وهما بعيد بس الغريبه ان لين كانت عايشه حياتها و كريم هو الى فضل زعلان

كلم كريم كينزى وقعد يسألها طب هي الحكايه كده خلصت ي كينزى انا كنت بحبها اكتر من نفسي ده لسه صورها هي ال (  الباك جراوند ) لموبايلي ولكل شات ع الواتس  معقول تبقي دى النهايه لينا يا كينزى "

كينزي:يا كريم اصبر اكيد فى حاجه هتحصل اكيد هتحن لين اكيد بتحبك زى ما نتا بتحبها بس اكيد محتاجه شوية وقت ترجع فيه كل حاجه لطبيعتها
كريم:ازاى ما هي عايشه حياتها طبيعيه انتى بتضحكي عليا بكلامك ي كينزي  لان الى بيحب حد مش هيستحمل يبعد عنه ومش هيبعد لمجرد انه غلط غلطه ممكن اي حد يغلطها بس الحقيقه انها كانت بتحاول تنساني وتبعد من ساعت المشكله ي كينزى
كينزى: فضلت ساكته مش عارفه ترد علي كلام كريم لانه ف الغالب كلامه كان شبه صح

وعدت الايام واتاكد كريم ان لين عايشه حياتها وهي طبيعيها و خسروا بعض مع ان هو لسه بيحبها بعد كل الى حصل فيه بس الحياه بعتت لكريم هديه وهي انه كسب صديقه كانت بتحاول بكل الطرق انها تساعده ,

كريم كسب كينزي كصديقه لي بس كريم كل تفكيره برضوا  كان فى لين

كريم شكر كينزي على كل المساعدات الي قدمتهاله و علي كل الي حصل بس كينزي كانت زعلانه علي ان قصة كريم ولين تخلص بالشكل ده
كينزى: حقيقي انا بتمني ان تحصل اي معجزه وترجعوا انتوا احسن اتنين شفتهم ف حياتي كريم:خلاص يا كينزى ملوش لازمه الكلام دلوقت كل حاجه خلصت "

بس كانت النهايه من اختيار لين بس برضو مكنتش الاسباب كافيه لكل الي حصل لكن هيفضل الموضوع واسبابه الحقيقيه جوه لين 
و هيفضل دايما السؤال موجود في تفكير كريم
هو انا ليه مستحقش فرصه تانيه؟؟
طب هي ليه اتغيرت بالمنظر ده معايا ؟

بس كل تفكيره ملهوش اي فايده لان الاسباب الحقيقه جوه لين وبقيت كل حاجه مجهول .

الروايه حقيقه أتمنى اعرف رائيكوا في لين وكريم وكينزى

الراوي " اتعلم دايما انك متشيلش المواقف جواك لان هيجي عليك الوقت الى تنفجر فيه ساعتها ممكن تخسراقرب الناس ليك حتي لو كان الموقف مش ف الاهميه الصراحه دايما افضل حل لو عاوز تحاقظ علي علاقتك بأي حد سامح انسي الايام الباقيه مش كتير ومتخلوش ساعت الخصومه بينكوا تنسيكوا الحاجات الحلوه الي عشتوها مع بعض "

                 النــــــــهايه