الحلقه 2 للكاتبه #Wk نقل Maab Adel ♥♥
طبعاً عمران تاجر مخدرات وسلاح بوه متوفي وعنده أمه واخته متزوجه وخوه أصغر منه مش متزوج عنده بنت خاله قعده مع أمه
اسمها مروه مواليد 94 نكررررررررها قالتلي بكل وقاحه في بياني انه هيا تحب عمران وهو يحبها وتزوجها على خاطر مصلحه قلتلها عادي هو يلعب وإني نلعب وإني مكسده بروحي في الحوش على الأقل نغير جوي
قصفتها الحقيره تحسابني بنقول لا ونفسخ
هدا عمران والله ماهو محصل مني حاجه
يوي .. آيات مش غدوة توتي روحك خطيبك جاي بيجيب حاجات تقيسيهم
اني .. حاضر (طبعا قدامهم ندير في روحي نحبه ونبيه )
فات اليوم عادي روحت أسماء والكل مشي لداره واني نفكر شن بنلبس غدوه وهكي
ثاني يوم
نضت الصبح درت دوره عالحوش وبعدها خشيت دوشت وطلعت لبست قفطان واسع لونه أسود .. درت مكياج الحق شبحت لروحي في المراية كان شكلي مقبول نوعا ما بس مش زي باقي البنات تلبس في مركات وما يطلعش عليا
بوي
مشيت قعمزة عالصالون وكليت شوكلاته لين عييت
شوية نسمع في صوت عمران البارد جي واك كيف بنقابله بهل الشكل هدا الهم شوية وجي بوي
بوي .. اطلعي آيات خطيبك يستنه
اني .. به
امي .. ديري صنه
اني .. والله إلا درت شن منطلع صنتي صنان
امي اطلعي من غير براده
خشيت وإني كلي ثقه بوزني هدا ♥♥
عمران يضحك .. هههه قصدي قلت اكيد بتضعفي مش تزيدي تسمني ههههه وووك جنابي
اني .. بثقه نأكل في أرزاق بوك ولا عمك
عمران .. عقد حواجبه احترامي نفسك ومعاش تجيبي سيرة بوي على لسانك
اني .. محترمه مع المحترم
عمران .. شكلك زي البرميل هههه ولا قنطار خير
اني .. وانت شكلك زي تاجر المخدرات وغمزتله وخشيت
عمران بغضب .. حقيره
خشيت لداري ورتميت عالسرير وبديت نبكي معقوله في ناس هكي قصدي ربي هو الي خلقنا ومكتوب على الواحد كيف بيعيش حياته من بطن أمه علاش في ناس هكي بعدين جسمي ولا جسمهم شكلي ولا شكلهم به خلاص جيتي حلوه وضعيفه مفيش داعي تتهزي عالناس زي ماربي عطاك كل شي يقدر ياخده منك في ثانيه
بكيت بكل مافيا وجعني حالي
عند عمران
روح للحوش وهو يغلي
مروه .. مشيت للقنطار
عمران مش وقتك توا
مروه .. بالله امالا امتا وقتي
عمران .. مروه فوتيني خلوقي في حكه راه
مروه بدلع توا نمشي نديرلك قهوه حبيبي
عمران .. تمام
قعمز عالطاوله ومروه اديرله في قهوه
عمران .. وين امي
مروه .. راقده
عمران .. به
حطت القهوه وقعمزة جنبه
مروه .. قولي خيرك
عمران .. كان نعرف بس من الي قاللها اني تاجر مخدرات
مروه ابتسمت بخبت باكشي بوها ولا خوها
عمران .. مستحيل بوها ماعنداش في الدوه هيا وخوها يخدم في الشرطه كان يعلم بيا راه بلغ عليا
مروه .. مرات قالتها هكي وخلاص خلي الثقة في روحك
عمران .. زعما
مروه اكيد
( طبعا مروه هيا يلي قالتلي انه تاجر مخدرات )
مروه .. حطت يدها على رقبته بدلع
مروه .. استاحشتك
عمران .. وإني اكتر ياقلبي
مروه .. آوووف معاش يعجب فيا الجو هو امتا بتاخدني
عمران. . قلتلك ياعمري بعد ناخد آيات وناخد مصلحتي ونطلقها ناخدك
مروه قربت منه بدلع .. تحبني
عمران .. اكيد نموت فيك قرب منها على فمها وباسها
مروه.. بعد حبيبي توا تنوض امك
عمران .. ونزل على رقبتها قعد يبوس فيها
( حقير )
تاني يوم
نضت الصبح وإني جوي حلو نسيت كلام عمران وخليت الثقه بنفسي وان مستحيل كلام الناس ياثر فيا وقررت انه نضعف مش على خاطر عمران لا بس على خاطر صحتي ونفسي أهم شي
امي .. مشاء الله اليوم ناشطه
اني .. عيب عليك يومي اني ديما ناشطه
أنس .. واضح ياوخيتي
بوي.. غير قولو صباح الخير بعدين تعاركو
أحمد .. آيات نوضي ديريلي قهوه بسرعه منطلع
اني .. حاضر من عيرني
أحمد .. يسلمو عيونك السمونيات ♥♥
اني .. خزي
كملنا الفطور ضحك ولعب وبعدين
اني .. بوي منطلع
بوي .. وين ماشيه الساعه 11
اني .. بوي مندير دوره في السوق ونجي
بوي .. ديري بالك من روحك ومتعطليش ومعاك فلوس
اني .. بست رأسه .. أي بوي معاي ♥♥
بأي بوي
امي .. ديري بالك من روحك
اني حاضر ياعسل
حقا نسيت مقولتلكمش اني نسوق ياحنه وسيارة آخر موديل
درت بحت على نادي رياضي وطلعلي نادي قريب مشيتله
المدربه .. أهلا
اني .. اهلين بيك
المدربه .. تنزيل وزن
اني .. هههه اكيد متشوفيش في الشحم الي طالع
المدربه ههه عادي كل شي بالعزيمه يزول لكن عندك وقت معين ولا كيف
اني .. والله عرسي بعد شهر
المدربه .. مستحيل توصلي للوزن المطلوب خلال شهر لكن تقدري تنزلي كيلوات وتكملي بعد العرس شني رأيك
اني .. تمام امتا نبدأ
المدربه .. توا
مشيت خديت حوايج الرياضه ووليت للمدربه الحق كانت معاي كويسه وقعدت مدرب وهيا توري فيا كيف نلعب وعطتني ريجيم
تسريع في الأحداث .. مر وقت واسبوع وشهر
متبيش نحكيلكم على كمية الراحه لما اديري حاجه تحبيها ♥♥ قلت ياريت درت رجيم ولعبت رياضه من زمان لكن كل شي في وقته حلو
العيله كلها متفائجه بيا كيف قدرت نصبر عالاكل صح موصلتش للوزن المثالي لكن المهم بأن فيا وزني كان 120 توا ولا 100
نقصت عشرين كيلو في شهر جسمي ولا احلى وليت مربربه مش سمينه .. بس أهم شي جسمي مشدود وإنشاء الله نستمر عزيمه
جي أسبوع عرسي ماحسيت بشي كله عادي عندي
جي يوم الحفله والصاله مليانه ناس طلعت حلوه نوعا ما جي عمران والكل مستغرب كيف وحده بالوزن هدا تاخد واحد زي عمران طول وعرض ولحيه وعضلات كان طالع يهبل لكن ماعدلتش على حد وخليت ثقتي في نفسي كبيره
اول ماطلعنا بدي عمران في التسهويك
عمران .. والله إلا ضاعفه نحساب روحي واخد حاجه ماركزتش باهي
اني .. ياروحي عليك
عمران قصدي كيف هكي شن صار مش قررتي تضعفي اكيد على شاني ولله
اني .. مريض انتى قصدي اكيد قررت نضعف على خاطر نفسي وصحتي تمام حبيبي
عمران مشاء الله عالثقه
اني .. وانت وين حوشك في آخر العالم امتا منوصلو
عمران .. وانتي لسانك هدا منقصه
اني .. به انشاء الله
شويه ووصلنا خشيت لقيت أمه مديره دخول وجوه والناس كلها تشبحلي وتضحك خليت تقتي بنفسي كبيره شني نأكل من أرزاق بوهم
جت اللفعه مروه
مروه.. ألف مبروك يادبه
اني .. الله يبارك فيك يالفعه
مروه .. قليلة ادب
اني .. زيك ياحلوه
مروه مشت راقيلها الزيت
شوية وجي عمران رقيت لي حوشي
عمران .. خشي بالعرض
اني .. بارد
عمران ههه عارف روحي
اني.. واخد حاجه ولله
عمران .. شن ليك علاقه ياسمينه
اني .. ملياش علاقه ياتاجر
عمران بعصبية.. ضمي فمك
خشيت دوشت وليست ياحنه زي قفطان حناي
عمران. . حطي العشاء
اني .. حاضر ابن عمي
عمران .. ههه مبردك
اني .. عارفه
حطيت العشاء عالطاوله
اني .. تعال ابن عمي خدلك لقمه
عمران .. هههه بأي لغة هدي
اني .. سورية مع ليبيه
عمران. . هههه والله طلع دمك أخف من وزنك
اني. . والله إلا مانضعف وتوا تشوف
عمران .. به
شوية وجاته رساله
عمران. . اني طالع شوية ونجي
اني. . احسن
عمران. . قليلة ذوق
طلع عمران وإني نضت وقفت على بلكونة المطبخ وياريتني ماوقفت ..... ونشوف في ......
يتبع. ...
تعليق + تصويت
نحبكم♥♥
