للكاتبه Wk
الحلقه 10
أحمد .. تعالي ميسم نتمشو عالبحر
ميسم .. مخاطريش
أحمد .. تمام نمشي نقول لي ساره
ميسم .. مش ملاحظ انك تستفز فيا بي كلامك اوكي عندك وحده تحبها هدي مشكلتك مش مشكلتي لكن ديرلي اعتبار اعتبرني راني مرتك مش صاحبتك
أحمد .. كلمتي
ميسم .. اهاا
أحمد .. تمام انتي قلتي الحكايه يلي في قلبك توا جي دوري
أحمد .. احلى حاجه في الموضوع انك اعترفتي انك مرتي وين حقوقي اني نعرف انه الزوج والزوجة عندهم حقوق على بعض؟ ولا خالي ومرت خالي معلموكش اوكي خلينا منه هدا عمرك من نهار تزوجنا سالتيني بالك مضايق ؟ تعشيت ؟ يمكن تبي حاجه انتي ماتحسسيش فيا انك زوجتي اصلا يلي درته اني ميجيش ربع يلي انتي درتيه نسيتي قصة الصور والرسائل ندكرك راه گان نسيتي ميسم بجد اني تعبت خلاص كل واحد منه يمشي في طريقه وإني نوعدك انه من اليوم مش رح نجي جيهتك بكل
ميسم تبكي .. آخر كلام
أحمد .. اهاا وناض من جنبها
أحمد .. اني وعدتها وعد ومش عارف هل حانقدر نوفي بي وعدي أولا لكن كنت مجروح وقلبي ينزف دم
ايه .. هل الغبي يسحابني منسمع كلامه بعدين شن وله هل الحقير التافه
لكن خاطر نخش البحر اووف نخاف بروحي خلي نمشي لي مهند الصقه وخلاص
ناضت ايه غيرت حوايجها ولبست بدلة السباحه وطلعت لقت مهند مقعمز
ايه .. مهند تخس البحر معاي
مهند بفرحه .. وعلاش لا
حشو البحر ولقو أنس يضحك هو وسلسبيل ولما شافهم بدي يشبحلهم
ل
ايه .. راه مانعرفش نعوم راه
مهند .. مش مشكله نعلمك .. وقعد يناشب فيها ويمش في يدها يبي يغرقها
ايه .. خلاص يابارد
مهند .. مستمر
ايه. . خلاص مطلع مصارليش
مهند .. خلاص معاش نمسك اقعدي
جي أنس
أنس .. شن قلتلك اني
ايه.. اووف حرام يعني وزيني زيك منعوم وبعدين شن دخلك انته
أنس .. راك تنسي انك جايه معانا وأي حاجه تصيرلك في رقبتنا
ايه .. حاضر ياحنينا
سلسبيل .. خلاص قوتها انوسي
ايه ..وانتي التانيه مادخلكش عليك حاله وخلاص
طلع أنس وهو طيرتله من ايه
عند أحمد كان يفكر في الكلام يلي قاله لي ميسم ناض و ومشي لي الشاليه
خش أحمد وقعد يسمع في شهقات ميسم تبكي
رفعت ميسم رأسها جت عينها في عين أحمد
مسحت دموعها وناضت خشت الدار
خشت ميسم دارت دوش وطلعت ليست سروال واسع أسود وبلوزه بيضه وطاقيه ( ولا مش عارفه شن تقوللها ) لونها اسود ودارت شوي مكياج ودارت صنه وركبت السماعات في ودانها وطلعت
خشت لقت العيله مدايرن شوا وسلايط وجو وأحمد كان يشوفلها من فوق لا لوطا
امي .. تعالي بنيتي تغدي
ميسم .. لالا مخاطريش
امي .. كيف بتقعدي هكي بلا غدي
ميسم .. اما نجوع والله إلا ماناكل
امي .. على راحتك بنيتي
ابتسمت ميسم وطلعت تتمشى عالشط
نست روحها وبعدت هلبا عالعيله
ميسم .. خافت وخاصه أن كان في هلبا أولاد ومافيش عائلات لأن كان وقت غدي
الولد .. بس بس ياحلوه
ميسم .. زادت السرعه وشبه تجري
الولد .. غير عدلي علينا وقعد يلحق فيها نين مسكلها يدها
ميسم .. حاولات تفك يدها منه
الولد .. اووف طرف
ومن غير سابق إنذار يجيه بكس يغيرله ملامح وجهه وطاح فيه ضرب على ضرب قريب مات الولد تحت يديه
طبعاً هذا أحمد كان يتبع في ميسم من دون ماتعرف
ميسم كانت خايفه وتبكي جت حظنت أحمد وهيا تبكي
أحمد .. آشش معاش تبكي
بعدها من عليه
زادت ميسم في البكاء خاصة بعد بعدها أحمد من عليه هكي من دون تردد
عند ايه كانت تضحك وتاكل مع مهند وفي حد تاني قريب يطربق يلي هو أنس
عند اني كنت مكسده اني وعمران وأمه قلت خلي نكسد عليه
اني .. عمران
عمران .. نعم
اني .. قربت منه ولصقت فيه وقعدت تمس في عضلاته وأمه تشبح وساكته
اني .. توا هدوم حقيقه ولا حديد
عمران .. آيات فكينا من البراده
اني .. أممم حطيت يدي على لحيته
اني .. به هدي كان تنحيها تولي زي الوزه المزلطه مفيكش منظر
عمران .. ههههه بارده
عمران .. نسي أمه وقعد يقرص فيا
اني .. هههههه
أمه .. خزي جبل معاش يتحشم
اني .. واسيت تقعميزتي
اني .. عميمه احكيلنه على قصة حبكم انتي وعمي الله يرحمه
أمه .. خزي على هل الأشكال معاش تتحشم وناضت
عمران ... هههه تحشمي
اني ... آووف كساد امتا منروحو ليبيا قريب يجيني التوحد
عمران .. يومين
اني .. تقصد شهرين
عند العيله ♥
أنس .. والله إلا ماتندمي يا ايه
بدي يخطط لي ايه
أنس .. ايه
ايه .. نعم
أنس .. آسف صح مبكري مدخلتيش فيك
ايه . . لا عادي
أنس .. أممم تعومي معاي
ايه .. به عادي
حشو لبحر وقعدو يقدمو وايه خايفه لأنها متعرفش نعوم
ايه .. خلاص أنس اني منعرفش نعوم
أنس .. أممم امالا انتي اقعدي هنا اني منزيد نقدم
ايه .. شاده في رقبته
لالا امالا طلعني
أنس عجبه الجو وقعد يغرق فيها
ايه شربت نص المياه
طلقها في المياه وهو يضحك
فجأة ايه .. ........
أنس ........
يتبع
أسفه عالتاخير بس نكتب وقت نفضا والله
تفاعلكم بنات
♥♥
