الحلقه 8
للكاتبه Wk
عندي اني مشي الجو حلو طلعنا عمران دار بينا دوره وأمه متنكده كل شوي تسائل فيه على مروه مش اضايقني
روحنا أمه طول رقدة اما اني خشيت دوشت وقلت خلي نطلع نشوف عمران طلعت
وياريتني ماطلعت
عمران اتصل بسالم
عمران .. الو شن صار معاك
سالم .. نضمتلك الأمور واعتذرت من الرووس الكبار وفهمتهم كل شي وقالو عادي وشوفو عدوكم
عمران .. تعرف نحس فيها لعبه كبيره ملعوبه علينا
سالم .. توا المهم امتا بتروح مش منكملو الشغل
عمران .. تعرف انت هدي راه صفقه كبيره خفت مني اربعه شهور و بخوف وتدريق واستعملت اسم بو آيات وهدي مخاطره كبيره
سالم .. شن صار بينك وبين آيات
عمران .. اني فتحت صفحه جديده مع البنت وقلبي دق ليها
سالم .. كيف يعني
عمران .. اني معاش نبي نطقها اني تزوجتها على خاطر اسم بوها وخوها بس تو اني نبيها
سالم .. ربي يهنيك بس كيف نديرو في الصفقات الجاية
عمران .. زي مامشت الأولى يمشو التانيات
سالم . . تمام
عمران .. هي سلام
تلفت ولقاني واقفه وراه ومصدومه
عمران. . آيات انتي فاهمه غلط
اني .. لا فاهمه صح وإني الغبيه يلي مسمعتش كلام مروه بنت خالتك ياراجلي
عمران .. علاش هيا مروه شن قالتلك
اني .. قالتلي وقالتلي هلبا كلام بس اني قلت لا اكيده تكذب عليا بس للاسف طلع كلمها صح
عمران .. اششش خلاص اني آسف وعارف كل شي ندير فيه غلط بس انتي قوليلي شن المفروض ندير ورح انفذ من دون تردد
اني .. علاش مطلعش فلوسك بالحلال علاش متعيشش حياة حلوه بين أهلك وناسك علاش متصليش صلاتك وترضي ربك ♥.. انت كيف بتجيب صغار وانت في الحاله هدي ؟ قولي انت راضي على الي ادري فيه ربك راضي عن خدمتك بالحرام ؟؟ بوك مات راضي عليك ؟ قولي عمران
عمران .. اني عشت طول عمري الي نبيه ناخده بوي ملت وإني في وقت كنت محتاجله من كثر الصدمة معاش عرفت شن ندير خشيت في طريق السلاح والمخدرات من نبي فلوس لالا راه بوي عنده خيرات بس قولي مرض ماكانش عندي من ينصحني مكانش عندي من يقولي هدي طريق الموت هدي طريق العذاب في الدنيا والآخرة ااااه ياريت عرفتك من قبل على الأقل كانت حياتي تغيرت بس توا صعب والله صعب
اني .. مفيش حاجه صعبه انت بس قول بسم الله وربي معانا وخلي عندك اصرار وعزيمه انك تغير من نفسك صدقني كان عندك إصرار وعزيمه مايكون في شي صعب . انت شوف الدنيا شوف حني في بلاد اجنبيه بس في ناس مومنه وتصلي وتخاف ربي وفي ناس متع مخدرات والجو هدا انت بس تقدر تختار طريقك عمران توا نروحو ليبيا وابدأ من جديد أو خلينا نبدو مع بعض ♥ وانت خود قرارك اني مستحيل مقعد مع واحد قاطع صلاته وتاجر مخدرات
