نبض _ دافي
Nabà _ baqer
البارت الثامن ...
مرحبا ..
التصويت اولاً والقراءه ثانياً .. لطفاً وليس امراً ❤
___________________________________
... انا ...💜
اسمٌ وَ فَاعلٌ ومَفعول وَضَمير ،،🙊🌸
حرف يرفعني وآخر ينصبني ،،،
ولا شيء يكسرني،،،،،💜
__________________________________
الخميس يوم الخطبه وعقد القرآن ...
( كل احداث الخطبه اللي حتنذكر بهذا البارت هي احداث حقيقيه مرت بيها إنسانه قريبه علي واني جنت شاهده على كل شي ... للتنويه فقط )
نزلت نبض من السياره وهي ملفلفه وكلشي مشوف وجانت سوسن لازمتها تمشيها حتى لا تعثر بكعبها واخوها حسين جان شايل بدلتها من وره حتى لا تتلف من الطين الجان بالشارع نتيجه مطر ليله كامله بالأمس
دخلت للبيت وبدت الهلاهل تتسابق لمسامعها من بنات عمها وعماتها.. كعدت بالكوشه ورفعت الكبوس عن راسها وبقته على اكتافها لحتى يستر الطالع من جسمها
صارت كدامها امها وهي تحصنها وتبجي بدموع الفرحه واخيراً اجه اليوم اللي تشوف بنيتها وحيدتها كاعده بالكوشه وتتسمه بأسم اللي يستحقها ويكدر يحافض عليها ... نبض شافتها ودموعها نزلن وياها وسالن على
اخدودها وهنه ممزوجات بكحلها....
هنا النسوان كلها كامت تحجي وتطلب منها توقف بجي لان هذا فال مو زين حسب ميكولون وسوسن اجت انطتها المقسوم من الرزاله وهي ترتب بمكياجها
.... اششش كاافي كافي سديها الحنفيه شويه بسرعه برطمت وبجت ادري طفله شوفي شسويتي بروحج هسه خطيه العريس بس يشوفج يخترع ويشرد صرتي جنت السعلوه الجانت اتخوفنا بيها بيبيتي...
... نبض وهي منزله راسها وتمسح بدموعها《رحمه الله والديج 》
.. ووالديج الجنه حبيبتي صدك جذب يوميه تعاي ههههه اي هيج ضحكي وبلادموع يلاا شو شوفيني اسنانج خاف متلطخات حمره.. لا هاي مابيهن شي جنهن ليلو.. ضحكي يلا
ابتسمت نبض وبقت عيونها توزع نظراتها ع الموجودات
اشوفهن شلون كلهن متزينات ومتشيكات على آخر حبايه والضحكه تارسه وجهن وكل شويه وحده تجي يمها لو تسولف او تاخذ صوره وهي عليها اجامل وتبتسم وكأن موجات الخوف الموجوده جواها عدم وكأن التوتر والحزن متلاشيات من كيانها...
" وين المكان اللي يبيع ابتسامات
انا حزين ولازم اني اجامل !! 💔 "
بس اللي يعرفها يكدر يقره الخوف اللي تبثه عيونها ويميز رجفة اديها وهي تحاول اتخبيها بالمسكه الي بحظنها...
بعد مده تقريباً ساعه اعلنت صرخات الاطفال عن وصول المشايه ونترست المسامع باصوات السيارات اللي دخلن الفرع مايقارب بال ١٢ سياره كلهن حديثات الطراز يبينن يسر احوال العائله هاي....
أنت تقرأ
نبض دافي
ChickLit..هي فتاة عراقيه من بيئه شعبيه تعيش في ظل اخوتها الثلاثه... لتزهر كالورده... وترتبط بصاحب الجاه الرفيع والعيش الرغيد ثم تجد نفسها بين احظان الفقير وذو العيش البسيط... نبض دافي 🖤💔
