نبض _ دافي
Nabà_ Baqer
الجزء العاشر....
مرحبا
_ اعطوا هذا البارت حقه بالتصويت والتعليق حتى انزل بعد واحد لان النت وقته محدود عندي شويه ويخلص وبعد ماكدر انزل واضطر انتظر لحد ميجيني مره لاخ وانزللكم...
ومن هسه اكلكم الاحداث بهذا البارت كلها حقيقيه لهذا بدون تجاوز لطفاً وليس امراً ❤
______________________________________
" لا يِحطمنّكَم سُليمان وجنُوده... "
آلله يُسجِل فِي كِتابه مَخاوف نَمله
هَل تظنهُ يجهل مخاوفك؟؟ ...
🖤 🔕🔇
_______________________________________
بصوب يرجف ومستحي اول مره احجي ويه ولد
احس ثكل بالساني وقلبي يتقلص بشكل احسه راح ينمرد من الخوف وادي ترجف كلت ...
الو
.
.
الو الو
..نبض وياي اسمعيني
ايي اسمعك ... احم هف ياربي ساعدني كمت اهفي على وجهي اريد الحراره نخف ماكو احس عبالك صرت بتموز من الخجل اسمعه يسولف ويصح
الو اسمعيني
واني اريد اطلع الكلمه ما أكدر احس الساني انربط
... تنهد وحجه أحد يمج
جاوبته ب تؤ
زين شبيج يابنت الناس ساعه اصيح الو وانتي ماكو كاطعه النفس...
بقيت محتاره شأكله وشلون ابررله خجلي وهاي أني اول مره احجي ويه أحد
من صنف آدم غير اخواني..
بس هو المفروض يعرف ويقدر...
قطع علي سرحاني صوته وهو يكول
... شلونج
..زينه!!
...ادري خجلانه لان اول مره تحجين ويه ولد واني بصراحه حاب هاي الخصله بيج واللي هي خجلج
بالرغم انتي طالبه جامعيه والمفروض عادي عندج بحكم الاختلاط الموجود بالدوام بس انتي غير ..
غير عن كل البنات برائتج وخجلج كلهن نادرات وقليل موجودات بهذا وقتنا...
...خجلني بكلامه وخلاني انلصم بالزايد وحتى النفس صرت اجره بصعوبه...
أسامه يكمل كلامه....
ولو اني زعلان وكلش ضايج من تصرفج والمفروض هسه اعاتبج حتى بعد لا تعيدينها بس قلبي ماينطيني
اقسي عليج...
... عقدت حواجبي من سمعته زعلان وكعدت اذكر شنو سويت حتى يزعل مني...بس من كمل كلامه فهمت السبب
... بالله اكو وحده تكعد كدام رجلها مثل الخطار حتى بالصدك بالجذب ماسألتيني شلونك لو ما اني سألتج جان اصلاً ماحجيتي ولا سمعت صوتج اللي جنه صوت ذبانه
.... شهكت على تشبيهه وهو سمعني
وهو كام يضحك علي لدرجه كام يكح من كد ماضحك من قلبه
... ذبانه... اني صوتي يشبه صوت الذبانه ؟؟؟حجيت والدمعه صارت تلمع بعيني وماتحملت ضحكه المستمر ردت اسد الخط بوجه وبعد ما احجي وياه بس اللي صار غير مزاجي ....
أنت تقرأ
نبض دافي
ChickLit..هي فتاة عراقيه من بيئه شعبيه تعيش في ظل اخوتها الثلاثه... لتزهر كالورده... وترتبط بصاحب الجاه الرفيع والعيش الرغيد ثم تجد نفسها بين احظان الفقير وذو العيش البسيط... نبض دافي 🖤💔
