نبض _ دافي
Nabà _ baqer
البارت الخامس ...........💮💮💮
بنات التصويت اول والقراءة ثانياً لطفاً وليس امراً 😘
**************
.... يبنيه يبنيه انتي زينه ..خووماتأذيتي ؟
..خويه رفعي راسج بيج شي ؟ انخبر الاسعاف تجي تسعفج !!!!
...رفعت راسي واني لازمته والدنياا تفتر بيه والشمس بعيني واحس روحي سايحه وراح اوگع
ردت اگعد ..اريد راسي يهداء ..اريد اشوف طريقي واعرف اني وين ؟؟ وشنوو صار ؟؟ ...
انرفعت من ايدي ونجريت واسمع صوت حسين يبعد الطلاب من الطريق واحسه صاير ناار ويزگح بكل علو صوته ...
فتح باب سياره جانت طابگه وصعدني وره وصعد هو گدام والسياره اتحركت ...
كل هذا واني امدنگه ولا رفعت راسي ...احس مطايقته ولا طايقه صوته ..الچذاب الغدار ..حسبالي صدگ راح ياخذ حقي مثل مگال
تاليهاا يشمت بيه اليسوه والمايسوه ..
وفوگاهاا حاطهاا وحاصرهاا بزويه وو ...
استغفر الله ربي وهي جنهاا ابو لهب تلعب النفس ...
بقيت امدنگه راسي ودموعي تتجاره وحسين احسه شاايط 🔥من الأعصاب علشنو ماادري عبالك هو اللي شايفني بوضع مخل مو أني ...هي يالله ..
سكت الهدوء صوت نبرته جانت مميزه ماعرف شلون اوصفه موناعم ولا خشن وبيه هدوء يريح الأذن
صوت عجيب ويسحر ..خلاني ارفع راسي وعيني اجت بعينه العاكستها المرايه ...
بسرعه نزلت راسي ومسحت ادموعي واذاني من وحدهن انفتحن وصارن يستمعن لهذا الصوت بكل تمعن ....
...صدگ جذب ابوالشباب شبيك حارگ روحك وعلى شنو ؟
...حقك أسامه حقك متعرف شي ..جاوبه حسين وبعدها التفت علي وحجه بنبرة واحد بالموت لازم نفسه لايرتكب جريمه ...اشجابج انتي هاااا شعندج طالعه من كليتج شكم مره نبهتج ممنوع الفره منا ومناا ...بس اضاهر انتي ماتجين إلا بالعين الحمره ودواج عندي ..سهله صبرج علي بس نوصل ...
ماتحملت حجيه رجعت ابجي واشهك بس هلمره بصوت عالي وشهگاتي تطلع من نص صدري وتشگگ بلعومي ياله تطلع ...
...صل ع النبي شبيك حسين صدگ تحجي ..بنيه لاحول الها هيج تعاملها ..لك لوماجانت اختك جان شسويت ..
...حسين صار يستغفر بصوت عالي وكل شوي يدير راسه علي واني ابد مارفعت راسي لحد ماوصلناا للبيت ..
بس شفت بابناا وحتى قبل لاتوگف السياره اني فتحت الباب من جهتي ونزلت اركض وهمزين باب بيتنا جان مفتوح فاتحينه الجهال وگاعدين يمه يلعبون دعابل ...
دخلت وگبل رحت لغرفتي قفلت الباب علي وگعدت ع فراشي اكمل بچي واسمع صوت حسين يرعد بره
وامي وسوسن يردن بس يسكتنه حتى يفتهمن شصاير ...
اتمددت وحطيت راسي ع مخدتي واني بهدومي وحتى حجابي منازعته وغمضت عيوني ودموعي بعدهاا تتجاره على خدودي ...
أنت تقرأ
نبض دافي
Chick-Lit..هي فتاة عراقيه من بيئه شعبيه تعيش في ظل اخوتها الثلاثه... لتزهر كالورده... وترتبط بصاحب الجاه الرفيع والعيش الرغيد ثم تجد نفسها بين احظان الفقير وذو العيش البسيط... نبض دافي 🖤💔
