صاحب الغرفة

الجزء السادس

بعد كلام عبد المعبود عن الست لبنى وكلامها معاه ، دخل يوسف الاوضة بتاعته وبتاعت القتيل سابقاً ، وقعد يفكر كتير هيعمل ايه ؟ وفجأة قام وخرج بره الاوضه و وقف فى بلكونه كبيرة فى ممر البيت وقعد يبص يمين وشمال و فوق و تحت 🙄 عن مخارج تانية للاوضه غير الباب و الممر ده 🤔
لكن مفيش غيرهم ؟ بعدها فكر انه ينزل و يتمشى تحت البيت عن قرب و ماشى فى الممر عدى على اوضة لبنى الى كان باب الاوضة عندها مفتوح وتقريبا مش بيتقفل غير وقت النوم بس 🤔.
اول ما شافته لبنى نادت عليه : جابر .......
يااا جابر ، رايح فين كدة ؟!
يوسف : يبص ليها باستغراب و يقول ابدا هدور على شغل و زهقت من القعدة فى الاوضة الفقرية دى لوحدى 😰.
لبنى تضحك اوووى : ههههههه انت ملقتش غير اوضة فرج تسكن فيها يا راجل 🤔.
يوسف : اعمل ايه جنب واد عمى عبدالمعبود
نسلي بعض 🤔.
لبنى : دة عفريت القتيل الى هيسليك هههههه.
يوسف: عفريت ايه يا ولية بس والله انتى العفريت ههههه،
لبنى : انا بردوا ههههه دا انا قمر والله 😊
يوسف: هو الراجل الى أتقتل دة كان عنده تار مع حد ولا هو منين ؟
لبنى: لا مش تار لانه مش صعيدى زيك ،
دة اكيد وراه مصيبة كبيرة يا اخويا 🤔.
يوسف : مصيبة ...🤔 مصيبة ايه يعنى دا على حد علمى راجل كبير وعجوز هيعمل ايه؟
لبنى: معرفش بس ساعات كنت بحس ان فى ناس بتيجى ليه بالليل معرفش كان شغال معاهم ايه. او كانوا بيعملوا ايه 😏.
يوسف يبص و يركز اووى فى كلامها🙄،
يوسف: ناس مين مش يمكن اهله ؟
لبنى: اهله بردو. هيجوا بالليل و يمشوا !!
لا....لا..... انا قبل كدة اخدت واديت معاه فى الكلام ، وسألته عن اولاده. او مراته يعنى وكدة، قالى انهم مش هنا و مستنى فرصة يسافر ليهم 🤔.
يفكر يوسف فى كلام. لبنى اووى 🤔،
وبعدين علشان متحسش بحاجة يقولها : انا هنزل اشوف شغل بدل السيرة الزفت دى 😏
لبنى : طيب خد بالك من نفسك لحسن يضحك عليك من البنات هنا 😂😂.
يوسف ميردش عليها و ينزل ويقرر انه يروح لتهانى صاحبة البيت.
يوسف : اخبارك يا ست تهانى...... 😊
تهانى : اهلا يا سى جابر ..... عامل ايه😍
يوسف يتنهد ......😔 اهو عايشين و دايخين
تهانى : ليه بس .....مالك 🤔.
يوسف: والله بدور على شغل ومش لاقى شغل 😔 و عليا مصاريف كتير قوى 😔 بصرف على ابويا وامى و عيالى قاعدين معاهم 😔 ومفيش بيراعى عيالى غير امى 🙄 وست كبيرة .
تهانى : 😍 ليه وامهم. فين ؟
يوسف : امهم ماتت فى حادثة و سابت عيلين ليا 😔 يلا.....الله يرحمها .
تهانى تحس إن ده هو العريس الجديد ليها
تهانى: وماله يا اخويا هاتهم هنا اربيهم انا واخد بالى منهم ، دول ايتام😔.
يوسف يحس إن الطُعم أكلته تهانى يبص ليها ويقول : الله يبارك فيكى بس انا عاوز اشتغل الاول واجيب قرش للبيت 😔.
تهانى : سهلة متشلش هم 🤔 هشوف لك شغل متشغلش بالك انت 😍.
قعدوا يتكلموا، و شوية و جت بنتها و معاها جوزها ماهر الى كان متهم فى القضية 🙄.
تهانى بعد السلام والكلام بينهم تبص لماهر وتقوله : ماهر شوف شغل معاك لجابر ده ابن عم عبدالمعبود ، الراجل عنده بيت وعيال ولسه جاى من الصعيد عاوز شغل..... شغله معاك عند الناس الى شغال معاهم🤔.
ماهر يبص لحماته تهانى ويبحلق فيها بتحذير بالعين 😲،
ايوة يا حماتى بس الناس الى شغال معاهم مش بيشغلوا اى حد وخلاص 😏.
تهانى : لا اضمنه برقبتى جابر كويس وعاوز ياكل عيش ويشتغل اى حاجة👌.
يبص ماهر ليوسف اوووى : ويقوله انت بتعرف تشتغل ايه يا معلم ؟
يوسف: بشتغل اى حاجة يا معلم ماهر ، اهم شئ القرش الى يخش جيبى لامؤاخذة🤨
يبص ماهر كتير فى يوسف وبعدين يقول ماشي ربنا يسهل هكلم الناس الى معايا .
يوسف لماهر: هو لامؤاخذة انت شغال ايه؟
ماهر: متسألش يا عم جابر انت مش اهم شئ عندك يدخل جيبك قرش 🤔.
يوسف : ايوة طبعا انا عاوز ايه غير الفلوس.
ماهر: طيب انا هشوف الناس و هنشغلك.
يشك يوسف فى طبيعة شغل ماهر وطبيعة الناس الى معاهم 🤨،
وقال فى نفسه إن كان عنده حق لما حطه تحت المراقبة 🤨 .
ماهر ليوسف : انت قاعد فين فى البيت اى اوضة واخدها .
يوسف : الاوضة الى جنب عبدالمعبود .
ماهر : 😲🙄 ايه دة يا حماتى انتى ادتيه الاوضة !؟
تهانى : اه .... هو إحنا هنخللها وهو قال عادى بس اهم شيء يكون جنب قريبه 😂
ماهر: ماشي يا معلم جابر هاجى اقعد معاك شوية ، قريب كدة 😊.
يوسف يقوله تشرف فى اى وقت ، و يستأذن و يمشى ويرجع على الاوضه بتاعته, ويفكر فى طبيعة شغل ماهر والناس الى معاه🤔
ياترى شغالين اية....؟
وهل ليهم علاقة بقتل فرج ولا ....لا....🤨.
مسك يوسف فونه واتصل على الرائد اسامه يقوله يشدوا الرقابة على ماهر اووى لان وراه سر و ممكن يكون مفتاح للقضية كلها🤔.
وصل يوسف الاوضة بتاعته وقعد سرحان ،
مع مرور الوقت رجع عبدالمعبود من الشغل وكان جايب معاه عشاء. و نادى على يوسف علشان يتعشى معاه ،. اعتذر يوسف لكن اصر عبدالمعبود على انه يتعشى معاه،
قعدوا مع بعض عند عبد المعبود و اتعشوا
وشربوا الشاى وقعدوا يتكلموا على الاهل والصعيد ،و بطبيعة الحال كان يوسف عارف عادات الصعيد. لانه خدم فيها كتير ويعرف طبيعة اهلها وعاداتها ،
اثناء الكلام فتح عبد المعبود محفظته علشان يوسف يشوف صور عياله ، لكن لفت نظر يوسف وجود ثلاث ورقات دولار امريكى الورقة 100دولا يعنى 300دولار امريكى .
استغرب يوسف وجود الدولارات مع عبدالمعبود ، وجابهم منين لانه بائع بسيط ،
اتفرج يوسف على صور اولاد عبدالمعبود ، وقعد يسمع حكاياته عن اهله وعن مراته وبلده
كان يوسف سرحان فى كلام لبنى. وكلام ماهر وطبيعة الشغل ، وذاد عليه موضوع الدولارات بتاعت عبدالمعبود ، لكن قال إن اكيد عبدالمعبود بيغير دولارات كدة على قده.
مر اليوم.
تانى يوم خرج عبدالمعبود كعادته للشغل وبعد الظهر يبص يوسف يلاقى ماهر جاى ليه
يدخل ماهر ويسلم على يوسف ويشرب الشاى معاه وبعدين يقوله إن الناس وافقت على شغله على ضمان ماهر ،
يفرح يوسف اوووى. ويسأل عن طبيعة الشغل
ماهر: بص يا عم جابر الشغل بسيط اووى ،
هنديك حبة منوعات كدة. تبيعهم فى مكان هنقولك عليه .....ماشي ؟
يوسف يحس ان فى مخدرات وحشيش. لكن يعمل نفسه مش فاهم 🤨.
يوسف : منوعات ايه لامؤاخذة🤔🤔.
ماهر : اصحى يا عمنا كدة للكلام 🤨 منوعات شوية برشام على شوية حشيش على كام حاجة كدة وكل حاجة ليها زبونها ، انت هتقف بس والناس عارفة انت معاك ايه ،
يوسف مستغرب اووى 😲 و يقول : والناس هتعرف ازاى الى معايا.....؟!
ماهر : هتعرف من الشنطة بتاعتك و دة كمان مكان الرجالة بتاعتنا الى شغالة معانا ، وانا وقفت فيه كتير. وناس تانية ، خلاص اتفقنا ولا مش عاوز فلوس .....🤔
يوسف بسرعة : لا طبعا عاوز بس..... 😔
ماهر: بس اية يا عم...... اتكلم !!
يوسف بس لو اتمسكت من البوليس هعمل ايه
ماهر متخافش لينا عيون هتكون جنبك. وفى الطريق لو حست بشئ هتحل الموضوع وياخدوا منك شنطة البضاعة ويحطوا ليك شنطة سليمة فيها حاجات تتباع حلويات اى شئ كدة 🤨😂.
يوسف : يا ولاد الذين ......😂😂🙄.
ماشي هنبتدى امته الشغل ؟
ماهر : هعدى عليك بالليل ، عارف كبرى المحافظة ....🤔؟
يوسف: اه عارفه ماله؟
ماهر : هتقف عليه الساعة 7المغرب ،هجيلك انا و معايا البضاعة ،وبعد ما تخلص هجيلك اخد منك الفلوس واحاسبك...... ماشي🤔.
يوسف : ماشي اتفقنا يا معلم ماهر 😊🤨وفى نفس الميعاد يروح يوسف للمكان ؟
لكن حصل شئ قبلها ،
يا ترى ايه الى حصل ؟
وايه الى هيحصل؟
تابع