عبود: خلي اخلص منها، و انطيهة الكاكاو لئن اذا دخلت بعد ما اكدر انطيه لرغد طلعت الكاكاو، رتوجة هذا الكاكاو جبته لج و الرغد انطيهة خوش.
ريتاج: شكرا عمو بس، انت تعرف عمه رغد.
عبود: يبووو من رغد، لرغد بس تسئل، عمو روحي انطي الكاكاو لعمه رغد و بعدين روحي كولي لجدو؛ اكو خطار بالباب حتى من اجي غير مرة اجيب لج شنو تردين.
ريتاج: يي عمو اروح انطي الكاكاو لعمه، بعدين اكول لجدو اكو خطار بالباب، و من تجي غير مرة جيب لي آيس كريم بالكاكاو اني و عمه رغد ثنينة نحبها.
عبود يي موافق بس روحي يلة؛ ما شاء الله عليهة لسان، أضبط من عمتهة
رغد: دخلت ريتاج بيدها جيس، رتوجة منو بالباب؟
ريتاج: عمه هاذ الكاكاو حطيه يمج، جابها الخطار الي و الج هوة كال، و اني هسه اجي
رغد: منو الخطار حتى يجيب لي، و وين رايحة شو هاي؟ راحت ولله ست ريتاج صايرة شخصيه؛ ما تتحاجة
ريتاج: جدو جدو.
ابو رغد: هاا يا حبيبت جدو؟
ريتاج: جدو اكو خطار بالباب يريدك.
ابو رغد: يي جدو رايح اشوفه
عبود: اني واكف اجة ابو رغد، السلام عليكم شلونك عمي سلمت عليه.
ابو رغد. طلعت فتحت الباب هذا عبدالله، هلا وعليكم السلام سلمت عليه، «أفكر» الي سواه على مود رغد هو و أهله، مو حلوه بحقي أطرده
عبود: انطيت الغراض لأبو رغد و دخلنا
ابو رغد: دخلنا و يم باب الاستقبال ردت اسمع فارس، كولت اهلا وسهلا بـ خطارنا عبدالله
عبود: دخلت للأستقبل فارس كاعد على القنفة، احم السلام عليكم
فارس: و عليكم السلام ورحمة سلمت عليه، «أفكر» مضطر اتحمل وجوده لأجل الشي الي سواه، حتى الناس ما تطلع حجي على رغد، و ما يكولون عليه مجنونة، لئن محد يدري بحالتهة النفسية بس احنا.
أبو رغد: تفضل عبود ليش واكف.
رغد: رجعت ريتاج، هيي وين رحتي و اني احجي وياج
ريتاج: اهوو رحت كلت لجدو الخطار يريده، تردين تعرفين منو شوفيه من الشباك و انطيني كاكاو.
رغد: رحت اشوف منو بابا كال له تفضل نتبهت هذا عبود، شجابه للبيت الة ما رايد روحة و فارس موجود، رتوجة ما انطيج كاكاو كله لي، حتى بعد من احجي وياج تجاوبين عليه يلة تولين
ريتاج: ماااا، انطيني عمو كال الي و لج يعني بالنص.
رغد: ما انطيج شسوين؟
ريتاج: ماا، انطيني راح اكول لبابا عليج، اكول له عمو الخطار جابها النا بالنص و هيه اخذت كل الكاكاو.
رغد: تعاي تعاي انطيج، «أفكر» إذا يعرف فارس عبود جايب لي خصوصي هسه يشمره بالشارع، عاد شيء احسن من لا شيء؛ هاج و الله ياخذج
ريتاج: اله اكول لبابا تدعين علية
رغد: لا حبيبتي رتوجة ياخذكم للألعاب، انتي مو تحبين ترحين للالعاب؛ طفله تخليني اغير كلامي الله ياخذج ان شاء الله.
عبود: شوي و جاوب لنا عصير، شلونكم عمي رغد شلون صارت
فارس. كعدت و بيدي الكلاص «كوب عصير» عبود اجيت و دخلت ببيتنا و سكتت لك لئن، الي سويته النا فضل منك، بس تسأل على رغد و كل الي صار بيها بسبب لو اني غلطان، لسانك لا تذكر بيه طاري اختي لئن اقصه لك
ابو عبود. فارس بس!
عبود: من رخصتك عمي؛ فارس اني ما اكول لك لا، و كل الي صار بسببي لكن و الماضي ما يتغير و انت اكثر واحد عرفت منو عبدالله بالماضي و شنو كان، و اني اعترف لكم انو اني كنت غلطان و مو بس بحق اختك هواي ناس لكن الماضي ما يتغير لكن اني عرفت خطأي، و غيرت حياتي عبدالله الي عرفت عنه قبل تغير، الماضي ما يتغير لكن اني الحمد لله غيرت حاضري و مستقبلي ان شاء الله، و اني اعرف اني غلطت و اريد اصححهة، انطيني فرصة احنا كلنا بشر ما معصومين من الخطأ لكن الخطأ لو واحد عرف خطأه و ما يصححة، و اذا يهمك تاخذ حقكم مني لا تهتم رب العالمين اخذ مني حقكم و حق غيركم، و اني عرفت خطأي و بعدني اصلح بيه الحمد لله لكن انت انطيني فرصة احسبني اخوك الصغير خطأظ تقتله لو تسامحة؟ و تساعده حتى يصلح كل اخطأه رحت وكفت يمه فارس اعتبرني صديق، أخ و انطيني فرصة وحدة وطلع رغد برا الموضوع اني اريد اعتذر لكل شخص أسأت بحقه او بحق فرد من أسرته.
فارس. اعرف كل الي صار بيك و راح انطيك فرصه من جديد، «أفكر» احتمال صدك يريد يعتذر خلي نشوف، و الله رقيب اذا كان ناوي غير شي هو ياخذ حقنا منه، اكيد رب العالمين ما يضيع حق شخص.
عبود: اذا عرفوني صحيح راح يغير وجهت نظرهم عليه؛ الله كريم و مديت ايدي حتى اسلم عليه اخوان ان شاء الله
فارس. يي ان شاء الله و سلمت عليه، بس بكلبي حقد عليه.
عبود: عمو عن اذنك ان شاء الله ازوركم غير مره، هسه اجيت بس على مود اجيب هذا المسدس، من يوم الحادثة بقى ببيتي ما صار عندي فراغ حتى اجيبه، انطيته لأبو رغد و سلمت عليه و طلعت.
عبود: بعد اسبوع راح احمد شاف البنت، و حدد يوم الخطوبه وهو اليوم، كعدت من الصبح و تحضرت و رحنا اني و امي، الساعة بـ١٢ الضهر
أحمد: هلا خاله هلا عبود تفضلو.
ام عبود: شايف كل الخير حمودي
أحمد: شكراً خاله، ان شاء الله يومها لعبود و تخلصين منه
ام عبود: اوو، عبود هذا هو حاجيه انت يسمع منك، اكول له اخطب لك حتى افرح بيك لو لمن اموت تخطب.
أحمد: لا خالة عمرج طويل ان شاء الله؛ عبود ليش ما تخطب هااا
عبود: هذا الموضوع منتهين منه، لو الي ببالي يصير لو يصير، ماكو اختياري ثاني.
أحمد. تفضلي خالة ليش واكفة، اني و عبود خلينا برة حتى اقنعه لج يخطب.
عبود: دخلت امي يم النساء؛ أحمد بعد ما بديت أرجع المودة بينه مصدك اخطب لو بعد سنه سنتين، انتظرهة
أحمد: ههه الله كريم، تعال ادخل ابوي و عمامي جوة للعصر نروح للناس نخطب.
أنت تقرأ
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
