فارس: عديم الشرف عبود جوارينهم، و احنا ما صدكنا خلصنه منه.
رغد: على منو قصد عديم الشرف، شنو عبود! يعني اكو شي صاير انا ما اعرفه، و ليش فارس كال عليه عديم الشرف؟؟
ابو رغد: شنوو يعني شلون سالفة، ما راح نخلص منه و اذا شافته رغد ما راح تعوفه، و اذا نكول لهة الحقيقة هو حلف يسوي شي، حسبنا الله ونعم الوكيل
رغد: شنو حقيقه، شنو يسوي عبود، بعد ما ستحملت و بقيت ابجي و وكعت الصينيه من ايدي، و تكسرت الكلاصات اجوي بابا و سيف كلت لهم شنو الشي الي ما أعرفه صار سنه، و انتم تعرفون مكان عبود طول هاي السنه و تعرفون هو بخير، و ما طمنتوني ولا حجيتو عفتوني مثل الخبلة.
ابو رغد: بابا ماكو شي روحي.
فارس: بابا اسمح لي، رغد تردين تعرفين شنو صار قبل سنه
رغد: يي فارس كول؟
فارس: رغد انتي رحتي و حجيتي مع عبود و عندج وياه علاقه و احنا ما نعرف؛ يعني لو كايلين لج عوفيه هم بدون ما ندري ترجعين تحجين وياه، رغد صديق عبود احمد صديقي مرة نسولف اني وياه على صديقة عبود، و كال عليه ما يثبت على بنت ابد و يحب عشرة بوقت واحد، و بقينا نضحك كال هسه طبع له وحدة عن جديد اسمها رغد، اني شوي تحسست من الاسم كلت مستحيل انتي! لحد ما قبل سنه بيوم كنتي انتي و امي يم المصور و اجيت اخذكم، شفتج وياه عبود نفسه اني كلت لبابا كل شي، و شلون عبود انسان عديم شرف ياريت يحب و يخطب و يتزوج، مثل ما يحب وحدة يحب عشرة وياهة، بأول يوم الج دوام احنا طلعنا الصباح اني و بابا، اني رحت حاجيت احمد و كلت له اذا بعد اشوف عبود يم رغد لو اسمع بيه اقتله فوراً بدون تفكير، و بابا راح لعديم الشرف يهدده ردنا يبتعد منج حتى تكدرين تحققين حلمج، لكن انتي شنو سويتي هدمتي احلامج كلها و صارت بيج حالة نفسية بسببه، هاذ الي صار قبل سنه يا رغد ارتاحيتي.
رغد. هزيت راسي لفارس يعني يي، افكر عبود ضيع لي احلامي و كنت مفكرته يحبني و هو ما حبني و لا راح يحبني؛ هو طلع كذاب يعني اني كنت عايشة بوهم وهم ضحكت بعدين بقيت ابجي.
فارس: شفنا رغد هيج انطيتها حبوب منوم، و صعدتها لغرفتها، رغد لا تهتمين هو كذاب ما يستاهل دمعة منج،
رغد، ابجي على احلامي الي ضيعتها، و على نفسي ههه اني شنو سويت بنفسي
فارس: صارت رغد مو طبيعيه، نامت و نزلت كلت لأبوي عن حالتها، تصلت على دكتورها و كال ضروري باجر تروح يشوف حالتها.
رغد: الصبح رحت البيت عبود، دخلت كان گاعد بالهول،
عبود: رغد!
رغد: لا شكل رغد بس، رغد القديمة راحت هاي غير الي تعرفها، طلعت مسدس
عبود: شنو تسوين؟
رغد: انت قتلتني بالحياة و ضيعت رغد، و خليتني اصير مجنونه، هسه اجة دوري، لو نسيت قانونا اني وياك، وحدة بوحدة، مو صح
عبود: لا رغد لا تتخبلين، و اني ما كلت لج صيري مجنونه، انتي غبيه ليش صدكتي بيه و حبيتيني.
رغد: صحيح اني غبية لئن حبيتك من كل گلبي، و فكرت انت تختلف عن كل الرجال، بس طلع غلط تفكيري ماكو واحد يختلف، و انت اكثر واحد حقير بيهم، أطلقت عليه، وگع على الأرض و ما تحرك، معقولة مات! عبود، عبود تقربت منه ما بيه نفس، عبود مات -صدمه- كعدت يمه و احجي وياه و ابجي، عبود لا تموت اني ما أريدك تموت، بس ردت تتألم، لا تموت صحيح كل الي سويته بيه بس اني كنت أحبك، اكعد و وعد تنتهي قصتي وياك هنا مثل ما انت ما حبيتني اني راح اطلعك من قلبي، عبوود.... دنكت و بقيت ابجي، فتحت عيني شفت فارس واكف! فـ ا ر س قتلتة «كوة احجي لئن خايفة»
فارس: شنوو؟ منوو
رغد: عبدالله، قتلته.
فارس: رغد الساعة بـ٩ صبح و انتي كنتِ نايمة، هذا كابوس
رغد: اهاا صدك؟ انتبهت صدك اني بغرفتي، الحمدلله ما صاير هذا الشي، بس مو معناها ما اريد اروح اشوفه.
فارس: رغد تحضري نطلع اني وياج
رغد: وين؟
فارس: تحضري و معليج
رغد: تحضرت و نزلت طلعنا اني و فارس بس ما اعرف وين؟
فارس: اول شي نروح للدكتور شوي و نروح بعدين للسوك
رغد: اووف اني ما بيه شي، و بعدين مو كال بعد لا تجين.
فارس: بقت تحجي و تبجي، رغد ما نبقى بس شوي و بعدين نروح للسوك
رغد: ماشي -عبست وجهي-
فارس: وصلنا و دخلت للدكتور نص ساعة و خلصت جلستها، رغد روحي للسيارة هسه اجي،
رغد: يي طلعت، كلت للدكتور اني ما بيه شي، بس لئن البارحة ضجت فكروا رجعت حالتي، و بقي يسألني لكن حاولت اكون هادئة حتى من يسأل عن عبود.
الدكتور: لا ما رجعت مثل قبل، لكن شوي متعصبة بهذاك الموضوع، و ذهنها مشوش،اكو شي ببالها؟، ديري بالكم عليها اذا رجعت حالتها، احتمال هاي المرة ما تصير زينه.
فارس: ان شاء الله ما ترجع مثل قبل، و احنا وياهة، طلعت شفتها كاعدة بالسيارة و صافنة دخلت بالسيارة و هي ما لاحظت! هاا رغد وين نروح للمول لو للبيت؟
رغد: للبيت
فارس: اهاا شعجب
رغد: شنو شعجب مو انت كلت نروح للسوك او للمول
فارس: يي بس انتي تردين للبيت؟
رغد :اهوو فارس، ماتريد نروح لا تكول اني اكول
فارس: لا اشاقة وياج اني كلت- نصدمت- هسه نروح؛ رغد حالتها راح تتراجع مثل قبل.
رغد: يلة للمول اريد اشتري مكياج، ههه
فارس: شاطرة بس باللبخ ههه
رغد: نزيد جمال شويه عادي، حركة طفولية طلعت لساني، ههه
عبود: رجعت البارحة من الصيدلية متأخر، كعدت الساعة بـ١٢ هاي شنو باقي نايم لحد هسه، اتصلت على أحمد اليوم ما اطلع شوي تعبان، يمكن بدايت انفلونزا، بقيت بالبيت تغديت اني و امي
ام عبود: عبود اريد اخطب لك بنت.
أنت تقرأ
القلادة الفضية
Любовные романыطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
