رغد: عبود شكرا على كل شي، قبل ما تروح تحترك رتوجة اني رايحة، كذبت عليها بس حتى تدخل، و شكرا على الهدية
عبود: خرب يومج ولله ما صدكت، ليش مو جوعان حرام عليج، ما حاجة شكرا انتي بالأخص تدللين.
رغد: اكيد أحمد ينتظرك بصيدليتكم المجهوله، روح تغدا وياه
عبود: دقايق بس، شنو قصدج مجهوله؟
رغد: مو اختفيتو قبل سنه و عفتو هذيج الصيدلية، و اختفيتو فجأه سبحان الله
عبود: رغد لا مجهوله ولا شي حولنا بمكان احسن بـ.... اذا تجين تلكينا موجودين، و هاي صارت صدفة اكول لج غير مرة هسه روحي شوفي بنت اخوج لا يصير بيهة شي.
رغد: يي صدكت صدكت، شكراً و باي، سديت الباب و دخلت رتوجة عمو راح، هسه اجي اروح اشحن موبايلي بالغرفة و اجي نتغدى.
عبود: هاي عبالهة من اختفيت من حياتها غيرت مكان شغلي، و اني قبل كل شي غيرناه بس يلة الحمد لله كدرت انطيها الهديه، رجعت لأحمد و سولفت له كل شي صار.
أحمد: انت ما توب بصفتك منو رحت شنو خطيبهة؟
عبود: يي ان شاء الله، ليش لا
أحمد: ههه الله كريم تعال نتغدى متت من الجوع
رغد: تغدينا و رجعت ماما من السوك، و بابا و فارس رجعو اني بغرفتي صليت و بقيت اتصفح بـ موبايلي مشتاقة له، اجتي مريم
مريم: رغد تعالي ابوج يريدج
رغد: جاية بس لا ريتاج كالت لهم عبود جاي اليوم و اني فاتحة له الباب؛ و بابا كال موضوع يبقى بينة، هسه بس لا يفكر اني كلت له؛ او شنو ليش بس لا اكو بعد شي ما اعرف بيه اني؟ انزل على الدرج خطوة خطوة و كلبي بأيدي، نزلت شو ماكو اي واحد بالصالة رحت للغرفه هم محد اكو! خير ان شاء الله رحت للاستقبال و كوة اشيل رجلي و امشي ليش كلهم بالاستقبال شنو هذا الموضوع الي جمع العائلة؟!
فتحت الباب، و دخلت مسوين لي مفاجئة! بعيد ميلاد و اني راح كلبي عبالي اكو شي، كمل اليوم بسلام الحمد لله
رغد: مر شهرين نفس الشي ماكو شي جديد.
عبود: مر شهرين ماكو شي جديد، أحمد بعده ما تزوج ما اعرف شنو منتظر، و اني ما شفت لا رغد ولا اهلها بس اذا ابقى ما اسوي شي راح يبقى حالي هيج؛ بس انتظر لكن شنو الي انتظره و اني ما مسوي شي لازم اسوي شي، تذكرت ابو رغد قبل من كال هو يشتغل بالمستشفى و شايفني من توفى والدي يي المهم بعدين تعرفون شنو الرباط.
كعدت الصبح بـ٧ اتصلت على أحمد، الوو أحمد صباح المشمش
أحمد: هلا عبود صباح الصمون الحار، و مربت مشمش و كيمر عرب
عبود: الله صدك خوش ريوك، احمد انت اطلع للصيدلية قبلي اني اتأخر شويه، يلة كوم صوتك مال واحد نايم
أنت تقرأ
القلادة الفضية
Romansaطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
