فارس: جبت مريم من أهلها و رجعنا للبيت، و دا نتعشا خلصنا عشا بابا بس عندي وياك موضوع.
ابو رغد: خير ان شاء الله جيب جاي و تعال للاستقبال.
رغد: اني و مريم بالمطبخ مريم انطت الجاي الفارس و راح، مريم ما تعرفين فارس شنو يريد من بابا؟
مريم: لا قبل شوي اجيت، ما لحكت اسولف وياه و اعرف شكو ماكو بس اكيد يسولفون على الشغل، بعد ما اعرف
رغد: يي احتمال، و احتمال رجع اتفق هو وعبود على شي، مو اليوم عبود سأل عنه؟ خير ان شاء الله اول و تالي اعرف لو شكد ما يضمون.
ابو رغد: يي فارس خير ان شاء الله شنو الموضوع؟
فارس: بابا احنا اذا كرهنا عبود او حقدنه عليه لئنو غلط بحق رغد لكن، ما ننسى وكفته ويانة، وهو تغير و صحيح مبين عليه لئن هو يعترف كان غلطان اعتقد لازم ننطيه فرصة؟
ابو رغد: منو هذا هيج يحجي فارس! و انت شنو مذكرك بيه و ليش هيج تكول عنه انت مو تكرهة!
فارس: بابا اني ما اكرهة، بس لئن غلط بحق رغد بس هو مبين متندم، و هو حاجاني يكول يريد يخطب رغد، اني اكيد اريد لاختي السعادة و ما كرهت عبود الا من غلط بحق رغد، بس هو مبين يحبها و شاريها و رايد سعادتهة.
ابو رغد: ههه عبود يريد يقوي علاقته بفارس محاجية ما سواهة صدمه له من خلالي «ذكي»؛ كلامك صحيح يعني هسه هو يريد يجي يخطبها
فارس: يي بابا و منتظر الرد
ابو رغد: اكيد نسأل رغد اول مو صح.
فارس: اكيد بابا اخذ رأيها اني لو اكول لماما
ابو رغد: بكيفك لكن دير بالك تضغط عليها برأيك، ان كان يي او لا، «اني اعرف رأيهة شنو»
فارس: بابا اني اضغط على رغد«بعتب»
ابو رغد: ضحكت إحتمال
فارس: يلة عن اذنك
ابو رغد: فارس حتى لو عرفت رائي رغد اليوم لا ترد عليه، اريد اشوفه يرجع يسأل، لا
فارس: صار بابا مثل ما تريد، طلعت رحت شفت رغد هي و مريم يسولفن احجي وياهة هسه، لو اكول لماما
مريم: هاا فارس ليش واكف ادخل، ولو احنا هم عندنا مواضيع خاصة مثل بعض ناس، مو صح رغد
رغد: يي طبعآ ليش لا، لعد بس ذولاك الناس عندهم مواضيع خاصة.
فارس: هااا منو هذول، منوو؟
مريم: يعرفون نفسهم
فارس: تردون تعرفون شنوو
مريم: يي ليش لا؟
رغد: بكيفك؛ بس اذا انت تريد تكول عادي نسمع
فارس: تعاي رغد عندي موضوع وياج، موتي بحسرتج مريم -ضحكنة-
مريم: بسيطه فارس
أنت تقرأ
القلادة الفضية
Romanceطيبة القلب و طفلة من الداخل لكن قوية، ماذا أن وقعت بحب شخص متكبر لعوب جريئ ولا يعرف الحب هل ستقع بجنون الحب. حب، فراق، حقد بعده لقاء، ما أحرگ القصة عليكم، اغلب التفاصيل مذكورة بالحلقة المنشورة ..... تابعوا و اعطوني رايكم بالتعليقات و رأيكم هل ي...
