يالها من صدفة جميلة 💛💙{باللهجة الجزائرية}

💛البداية💙

اسينات:بيسان بنتي حلي لباب تعيشيلي بنتي حلي واش صرا  لبنتي حلي 😭😭
عمار:بيسان حلي ل باب لا نكسرو حليي
حلت بيسان لباب و عينيها حومر رايحين يطرشقو و شعرها مخبل . حضنتها مها (اسينات) و هي  تبكي
اسينات: واش بيك بنتي واش صرالك ڨوليلي ماما واش بيك ني هنا اناو باباك هنا كاش ما بيك واش صرالك ڨولي .
بيسان: والو ماما تقابدت مع سيليا برك
عمار:سيليا سيليا خي ڨوتلك متزيديش تدوري بيها طفلة هاديك
اسينات : خلاص بيسان عمري خلاص اصلا هي مكانتش مدايرتك صحبتها كانت على جال مصلحتها
بيسان : داكور ماما سيبون خلاص
مسحت دموعها و حضنت ماماها و هي تڨول في قلبها(ااه يا ماما لوكان تعرفي واش بيا صح ااه)
عمار: ايا خلاص روحي اغسلي وجهك و ارواحي نتغداو قتلتينا بالشر
بيسان: هههه(ضحكة مصطنعة) داكوغ بابا اهبطو نتوما دوك نجي انا.
......................................................................
                       💜 الشخصيات 💛
بيسان: البطلة طفلة زينونة عندها زين وحدو لاطاي منحكيوش كامل يتمناوها (Pinaza 😂) handballeuse  وكاتبة مبتدأة في عمرها13سنة   هي وحيدة ماماها و بباها عندها صحبتها وحدة مي دوماج خرجتلها لفعة

اسينات :ماماها تاع بيسان بنتها لوحيدة و كبدتها ي تموت على جالها عقليتها اوفاغ فوور خلاص استاذة جامعية
عمار: اب اسينات يحبها يموت عليها و موفرلها كلش لي تطلبو يحضر هي غير تطلب . يخدم مدير شركة تصدير و استيراد مواد حديدية (نخرط😂🐸)
ايهاب  : مع الوقت تعرفوه صديق بيسان المقرب المستقبلي كي خوها لي مجابتوش مها تحكيلو كلش و يحكيلها كلش باباه صاحب باباها في عمرو 17

مروة : طالبة عند ام بيسان و ام بيسان تحبها بزااااف و تعتبرها كي بنتها لدرجة انو داتها ل دارها عرفتها على عايلتها و ولات صديقة بيسان و مام بيسان تروح عندها ل دارهم

اويس:  البطل خو مروة 😌 يخطف لعسل من البقلاوة عايش في غير ولايتو صاحب ايهاب يعرفو بعضاهم من الصغر .اويس سنة ثانية طب في عمرو 20 سنة  handballeur
......................................................................
هاالاااااو حابيباااتي جيييت و جبت كرونيك جديدة انشاء الله تعجبكم هاد بارت خفيف ضريف باه برك نبذاو لحكاية و غدوا نزيد نحط بارت و الى لڨيت التفاعل نحط 2🌸🌸😌💜

HbQom wrdatTy 🌸💙