القناع الخفي _مافيا الحي الشعبي _

اقتباس

#اقتباس_من24
ملحوظة دا الا بيحصل بالافراح الشعبية 😂😃😁

ولج ضياء ويوسف للمنزل بتعبٍ شديد فأرتمى كلا منهم على الأريكة بأهمال ليتمتم بألم :_أنا مالي بأم الجوازة دي ..مش حاسس برجلي زي ما تكون أتقطعت من اللف ...
شاركه ضياء بهمس :_لو جدك سمعك هيعلقك ..
رمقه بنظرة محتقنة :_أكتر من كدا ! ...من الصبح بنلف عشان نعزم الناس على العزال وكمان يوم وهيرميلك بطاقات الدعوة ويقولك المهمة التانية ...أنا بكره نفسي أني الصغير لو كنت زي ولاد عمك كان زمنا مترفين ..
:_بتقول حاجة يا يوسف ؟
صوت النمر القاطع الذي كان كافيل بجعله يسقط أرضاً من الصدمة لينهض سريعاً قائلاٍ ببسمة واسعة :_ولا حاجة يا نمر دانا بقول لو مش هنتعب ليكم هنتعب لمين ! ..
ضيق عيناه بمكر بينما كبت ضياء ضحكاته ، ولج أحمد للداخل قائلاٍ بغرور :_كله تمام يا نمر جبت راجل ركب النجف فى الشقق وعبد الرحمن هناك مع بتاع الستاير بس أنا كنت حابب نعملها مش بحب الجاهز ..
ضياء بسخرية :_ياعم بعد الفرح أبقى أعمل ما بدالك غيرك مش طايل لا نجفة ولا ستارة !...
تعالت ضحكات أحمد ليجذبه أدهم بنفس لهجته :_أه وأنت بقا مستعجل على الجواز من دلوقتي ؟! ..
إبتلع ريقه بخوف شديد :_لا والله أنا مستعد أتجوز في سن ال40 معنديش أيه مشكلة ..
تركه قائلاٍ بمكر :_كدا تعجبني ..
تعالت ضحكات الجميع ليقترب يوسف  من أدهم بمرح :_بمناسبة العزال وأننا هنشيل لما يتهد حيلنا
قاطعه أحمد بسخرية :_متدخل فى الموضوع على طول من غير شرح ..
رمقه بنظرة محتقنة ليكمل :_مفيش أزازة برفان ولا أيه حاجة من الخاصين بالنمر ..
ضياء بغضب :_نعم ياخويا الحاجات دي بتكون ورث لاخو العريس
يوسف بسخرية ؛_وأنا إبن خاله مثلا مأنا أخوه ...
تعالت ضحكات أحمد فأبتسم النمر قائلاٍ بثبات :_أبقوا قسموا مش هنفترق ..
أحمد بصدمة :_أنا مشترتش حاجة جديدة للفرح
أدهم بسخرية :_وأنا يعني الا جبت ما الحال من بعضه ..
ولج عبد الرحمن بغضب :_ وهنجيب أزاي ما أحنا أتفاجئنا بالا حصل ..
ضياء بضحكة مرتفعه :_البنات الا ما شاء الله كل يوم يرحلوا الشنط كأنهم معدوش هيشتروا حاجة بعد الجواز أنا حاسس أن أعمامي قربوا يأعلنوا أفلسهم ...
تعالت الضحكات بينهم ليرفع النمى يديه على كتفي عبد الرحمن :_مش مستهلة العصبية دي هى حاجة العريس أيه دا هما كام طقم والبرفنيوم ..
أسترسل أحمد الحديث بسخرية :_وأبقى قابلني لو لقيت مكان  تحط فيهم حاجتك ...لأن فى الأخر الشقة والدولاب والتسريحة  وجيب الزوج وجميع ما سبق من حق الزوجة يعني سيادتك كنت عايش فى بيت أهلك ملك فى عش الزوجية بقا بتشيل هدومك وما يخصك على درعك ما تلقيش مكان ولو صغير تحط فيه ولو لقيت فأعرف أنه مش هيدوم الله أعلم بقا هتخده الزوجة ولا أطفال المستقبل ..
يوسف بصدمة :_كل دا ! ..
عبد الرحمن بزهول :_أشيل هدومي !!! ...
ضياء بصدمة :_عقدتنا فى الجواز لا أنا كدا بيس ..
رمقهم النمر ببسمة ساحرة ثم صعد للأعلي قائلاٍ دون النظر إليه :_جاهزوا نفسكم هنخرج نجيب اللبس ..
عبد الرحمن بغضب :_لا أنا منسحب من الحوار دا ..
أحمد بضحكة سخرية :_أنشف ياض أحنا فى الأخر أحفاد طلعت المنياوي يعني هنأخد دلفة دولاب ونص التسريحة بعون الله ...
ضياء بمرح :_والله مأنا خايف الا عليك ...
جذبه أحمد بغضب فشاركه يوسف السخرية :_كلام فى الفاضي وأول ما بيشوف الموزة بيسرح فى ملكوت الله ..
جذبه أحمد بغصب :_تصدق أنك حيوان طب أنا واحد وبسرح أنت حاشر نفسك ليه ؟
ضياء :_وتسرح قدامنا ليه يا عم أحنا لسه المشوار ورانا طويل لما نوصل لمرحلة النجف والستاير هنكون نص أبيض ونص أسود دا أذا كان جدك لسه على قيد الحياة أصلا ..
تصنم أحمد ويوسف محلهم بينما أنسحب عبد الرحمن للأعلى بصمت ،بينما تيقن ضياء بنظرات صدمة أحمد ويوسف من يقف خلفه !...
#########