فصلية الشيخ حسن
............................
الشيخ حسن: من كال الدكتور الباقية بحياتك مادري اصار بية نهد حيلي كمت ماكدر اسيطر على روحي يعني اخوية احزام ظهري رحت لزمت الدكتور من ملابسة وكتلة
الشيخ حسن: ششننو شتحجي انتة اخوية مايموت تفتهم مايموت لك هذا روح البيت مالتنة مايموت (بصياح وغضب ونكسار )
يعني من صدك انكسرت اني الشيخ حسن الي كلهة اتخاف مني كمت ابجي كعدات بلكاع وخليت يدي على راسي وضليت ابجي
اصدقاء اخوية كلهم يبجون
اني من خابرني صديق اخوية وكلي راستن خابرت عمامي ولد عمامي وكلتلهم لحكوني
🚧🚧🚧🚧🚧🚧🚧🚧
نروح لبيت ابو نور
ابونور : من كال الدكتور مات الولد كلت بكلبي الله لا ينطيك احمد سويت بروحك رحت للشيخ كتلة احنا شتريدون جاهزين كال
الشيخ حسن: انتو اخذتو اعز شخص بلبيت شوف راح شسوي بيكم مو هسة من تخلض الفاتحة
( بغضب وحقد)
ابو نور :مثل ماتريدون مر خصتك
رحت ال احمد كال
احمد: ها يابة اصار
ابو نور: غضب الله عليك الولد اتوفة
احمد : شنو الله يرحمة
شنو سواو اهل الولد من وبن همة
ابو نور: اهلة من العمارة واخو شيخ معروف هناك وكال من تخلص الفاتحة نسوي كعدة
احمد: يعني عشائر مايسويهة بلحكومة
ابو نور: اي عشائر يلة اني اروح
رجعت للبيت اول ماطبيت ام نور كالت
ام نور: ابو نور فدوة احجي اصار ابني وين
ابو نور: ابنج بلسجن والولد مات
ام نور: يمة ابني راح يروح بيهة
نور: ماما تفائلي لا تحجين هيج
ماما هدئت وراحت ترتاح وبابا هم اني رحت للغرفتي ماكدرت انام ضليت اتكلب منا لمن نمت
🚧🚧🚧🚧🚧🚧🚧🚧🚧🚧
الشيخ حسن : سوينة الفاتحة جانت ضخمة حيل لا ابن شيخ واخوية بس اني باثناء الفاتحة وكلت واحد من جماعتي الي بغداد يستفسر على عائلة الولد الي كتل اخوية
مرت ايام الفاتحة وخابرني الولد وكال
الولد: شيخ العائلة متكونة منو الاب اسمة علي يشتغل ضابط برتبة عقيد والابن اسمة احمد هم يشتغل ضابط برتية ملازم اول والام اسمهة سناء وعدهم ابنية هاي المدللة مالتهم واعز وحدة بلبيت ويحبوهة كلش يعني اذا تريد تكسرهم تاخذ بتهم فصلية
الشيخ حسن: اشكراك تعبتك
الولد: ولو شيخ انتة تأمر
الشيخ حسن :مع السلامة وسديتة
وكلت مثل ماخذتو اعز شخص من عدنة راح اخذ اعز شخص من عدكم
حددنة موعد الكعدة واجو اهل الولد
ابو نور: اجة موعد الكعدة ورحنة اخذت اخواني وشبخ عشيرتي استقبلونة بس كلهم الشرار يطاير من عيونهم فا الشيخ مال عشيرتي كال احنا جاهزين اشكد ماتريدون احنا ننطي حجة الشيخ حسن وكال
الشيخ حسن: احنا مانريد فلوسكم ماماحتاجين احنا انريد فصلية
ابو نور : فصلية من وين اجيبلك ما عدنة فصلية
الشيخ حسن : افا عليك ابو نور اشكبرك وجذب وحسب معلوماتي انو عندك ابنية واسمهة نور وعمرهة 16 سنة لبش اتكول ماعدنة فصلية واذا ماتطون الفصلية اعتبرو ابنكم ميت
ابونور: بس بنتي بعدهي اصغيرة وماكدر انطيهة
الشيخ حسن: القرار قرارك يا تنطي فصلية يا نكتل ابنك
ابو نور: مرة خصتك نفكر ونرجعلك خبر
الشيخ حسن الكم اسبوع اذا الفصلية مااجت اعتبر ابنك ميت
ابونور :طلعنة من البيت مال الشيخ حسن طول الطريق افكر اشلون اضحي ب واحد يعني لو بنتي لو ابني
وصلت للبيت وتلكتني ام نور وكالت
ام نور: احجي علي اصار شنو كالو
ابو نور:...........
🚧🚧🚧🚧🚧🚧🚧🚧🚧
شنو رئيكم بلقصة 😙
باي❤👋
