فصلية الشيخ حسن
الشيخ حسن : صعدت و ياي بالسيارة عيوني لا ارادين تروح عليهة نعست شفتهة كامت تثاوب
خلت راسهة على جتف سجاد
بس شبت بية نار ضليت استغفر
وصلنة وهية نزلت اباوع على الشباب اكلوهة اكل بعيونهم بالكوة سيطرت على اعصابي
رحنة للمكبرة رحت بعيد عن الكبر وضليت ابجي اي ابجي لان اخوي حزام ظهري لمحتهة تباوع علية خلصو ورحنة للامام علي (علية السلام) زرنة
وضليت واكف شفتهة طلعت بس عيونهة تلمع جنة باجية
اجت و ركبنة بالسيارات و توجهنة للعمارة طلعنة من النجف الساعة 1:30 وراة الصلاة الظهر و صلنة تقريبا الساعة 6:00 العصر
كلهة تعبانة من الطريق كلهم راحو نامو اني رحت سبحت و صليت و خليت راسي على مخدة واجتي البلوة مالتي ردات ابعدهة من تفكيري بس ماكدر نمت و هية بالي
نور : وصلنة و اني متكسرة تكسر من الطريق رحت رائسن بدلت و نمت نومة مال موتة يعني لو يصير انفجار يمي ماكعد
* (بعد مرور اسبوعين )
نور : بهذي الاسبوعين ما صار شي بيهن
الى ان صار اليوم المشؤم الي هو .....
مريم كالت روحي غسلي الحوشة ونظفي الديوان كلتلهة ماشي جان ماكو احد بالبيت بس احنا النسوان
اني جنت لابسة دشداشة مخصرة علية و شايلتة منا و منا و ما لابسة حجاب شعري شايلتة بهمال
رحت نظفت الديوان و
وطلعت للحوش فتحت البوري اني بية عادة اذا اغسل الطرمة ابلل روحي فاتبللت
شو شوية و شفت العكرة اجة اني من شفتة رائسن نزلت الدشداشة
جان اجة بتجاهي و سطرني راجدي بحيث كلت خدي طار من قوتة داحجي جان جابني بالثاني و كعني بالكاع وضل يغلط ساق.....ة ما تستحين ادب سزز اتي بس دموع تنزل على وجهي ضربني الثالث جان اسمع صوت سجاد و هو يصيح
سجاد : حسن منو سمحلك تمد يدك على مرتي
نور : اني من شفت سجاد كمت بسرعة و ركضت حضنتة وبجيت و هو هم حضني ضل يمسح على راسي كال
سجاد : ممكن تطيني سبب يسمحلك تضربهة بهاي الطريقة
الشيخ حسن : اليوم اني جنت يم بيت عمي
اكو و احد من ولد عمي ما رتاحلة عوينجي و نسونجي اجة يمي و كال شيخ عندي موضوع و ياك كتلة شنو احجي .
كال اريد الفصلية ام عيون الحلوات شو مخليهة هيج يمكم سجاد مامعتبرهة مرة الة اني اريدهة مرة الية
