فصلية الشيخ حسن
ابونور: ام نور تعالي وراي للغرفة اريد احجي وياج على نفراد
ام نور: ياستار يارب
جاية وراك ابو نور
نور: رجع بابا من اهل الولد بس مبين ضايج حيل كال الماما تعاي وراي للغرفة مادري ليش راحت ماما ورا اني رحت كعدات على التلفزيون تقريبن نص ساعة وطلعت ماما من الغرفة بس شنو وجهة اصفر ليشوفهة يكول واحد ضاربهة على راسهة رحت يمهة وكلتلها
نور : ماما اشبيج ليش وجهج اصفر
شو راحت وكعداد على التخم وصافنة بس الدموع تنزل على وجهة
طلع بابا وكال
ابو نور: ام نور اشبيج عود راتج ساعديني شو انتي يرادلج واحد يساعدج
نور:بابا شكو احجولي ماما ليش تبجي احمد بي شي
ابو نور: لا باباتي مابي شي اخوج بس اريد احجي وياج وانتي اخذي قرارج بكيفج انتي كول اي او لا
نور: شكو بابا احجي على شنو اقرار
ابو نور : بس اريد اكلج احنا مانجبرج خليهة ابيالج
نور: اي بابا ادري حباب احجي
ابو نور: بابا نور احنا رحنة لبيت الشيخ اهل الولد وكنالهم شيريدون احنا جاهزين بس مارادو فلوس (اخذ نفس اطويل وتنهد وكال) رادو فصلية
نور : شنو يعني فصلية بابا
ابو نور: يعني ياخذون مرة لو يكتلون اخوج وانتي قراري بعد واتاكدي اني ماجبرج اذا كلتي لا يعني لا وشريدون اسيون خلي اسون
ام نور: ابو نور انتة شتحجي اني ماضحي بواحد من جهالي خلي اني انكتل ولا اضحي بواحد
ابو نور: سناء لا زيديهة علية اني مشلوع كلبي
نور: اني من كلي بابا الفصلية يعني مرة ضليت صافنة يعني اذا اخذوني فصلية راح اشوف البساتين والاهوار ومو بس اشوفهم لا راح اعيش يمهن يايي باواعت على ماما اشلون تبجي وبابا يحجي وياهة اني كلتلهم بسرعة
نور: بابا اني موافقة اروح فصلية
ام نور : انتي شتحجين شبيج ماما شنو تروحين فصلية تعرفين شنو يعني فصلية يعني خدامة ومالج حقوق
ابو نور: بنتي انتي متاكدة تريدين اتروحين انتي بس كولي لا واني اتصرف
نور : اباوع عليهم وبداخلي اكول هسة شلون اقنعهم صفنت اشوية وكلتلهم
نور: ماما بابا اذا ما رحت اني راح يموت احمد واذا رحت راح يبقى عايش واذا علية اني لاتخافين فترة ويرجعوني وهمة الممنونين ويكولون الكم اخذوهة مانريدهة بس تلغي اخذوهة الكم شورطنة واخذناهة
ابو نور وام نور : رغم حزنهم ونكسارهم بس نور ضحكتهم
🚧🚧🚧🚧🚧🚧🚧🚧🚧🚧
بيت الشيخ حسن بعد الكعدة
ابو الشيخ حسن: حسن ابني ليش طلبت فصلية ابني شنو ذنبهة هية
الشيخ حسن: شنو اتشكون بقراري
ابو الشيخ حسن : ماعاش اليشك بقرارك بس منو كال يطون فصلية مبينة بنتة الوحيدة شفتة كال ماعدنة فصلية منو يكول ينطي واذا نطونة الفصلية المن نطيهة انتة مزوج و اخوك مريض ومال نطيهة لولد عمك كطنة وشيلهة من اذنك مانطيهة يروحون يسون شي بلبنية
الشيخ حسن: لا ينطيهة اذا مانطاهةراح ينكتل ابنة وماعندة خيار ثاني ولاتخاف مانطيهةلولد عمي ولا اني اخذهة راح ياخذهة اخوية سجاد لحد من يضل مامتزوج واذا مايريدهة بس يعقد عليهة ويخليهة تخدمة
ابو حسن: منو كال يقبل سجاد
الشيخ حسن: اني احجي ويا
صحت على سجاد واجة وكال
سجاد: ها خوية امر صحتني
الشيخ حسن: اي تعال اكعد اهنا
شوف سجاد انتة تدري احنا طلبنة فصلية حتى يوكف بحر الدم البيناتنة والفصلية انتة راح تاخذهة وبدون تناقش
سجاد: بس خوية اني ماريد ازوج انتة تدري بوضعي
الشيخ حسن: اي ادري بس اعقد عليهة وخليهة تخدمك احسن نطيهة لولد عمك انتة اخذهة
سجاد : والله مادري شكلك ياخوية
الشيخ حسن: لا اكلاك ولا اتكلي هاهية انتة تاخذهة
سجاد: هاهية اني اخذهة خوية هسة منو يكول ينطونة فصلية
الشيخ حسن: لا ينطوهة ماعدهم خيار ثاني
سجاد: انشالله اترخص
الشيخ حسن: مرخوص
🚧🚧🚧🚧🚧🚧🚧🚧🚧
بيت نور
نور: بعد ماقنعت ماما وبابا تعبت وصعدات لغرفتي بدلت ولبست دشداشة قصيرة ورحت على الجرباية او السرير وضليت افكر يعني بعد اسبوع راح اروح اعيش بلجنوب يم الاهوار والبساتين نمت والضحكة على وجهي
كعدات الصبح غسلت وفراشت اسناني ونزلت لكيت ماما اسوي ريوك رحت بستهة وكلتلها
صباح الخير على اجمل ام بلدنيا
ام نور: صباح النور على اجمل بنوتة بلدنيا
نور: وين بابا
ام نور: تنهدات وكالت كاعد بال هول يريد يخابر اهل الولد ويكلهم احنا قابلين على الفصلية
ماتغيرين رايج ماما
نور: لا يعني لا مااغير
رحت يم بابا لكيتة هستوة سد التلفون
نور: بابا شنو كالو
ابو نور : كالو بعد اسبوع انتي يمهم
نور: مايصير باجر اروح
ابو نور: شنو
نور: لا هيج امشي نتريك
ابو نور: ام نور اليوم اخذي نور وجهزيهة جهاز عروس
ام نور: بحزن انشالله
🚧🚧🚧🚧🚧🚧🚧🚧
شنو رائيكم استمر☺
باي😙👋
