فصلية الشيخ حسن
نور: مادري شلون وكع
الشيخ حسن : شنو مادترين شلون وكع انتي شوداج للمطبخ
نور : شوف اني جنت انظف ومريم كالت روحي شوفي المركة لا تحترك اني رحت اول مافتحت الجدر اندفعت على الطباخ و وكع علية الجدر
الشيخ حسن : اندفعتي على الطباخ
نور : اي
حسن جوعانة اريد حلويات
الشيخ حسن : اني سامع الجوعان يريد اكل مو حلويات
نور : اي ادري بس اني اريد حلويات اجيبلي لو انام جوعانة
الشيخ حسن : اي اجيب بس تاكلين اول شي
نور: لا ماريد اكل
الشيخ حسن : لعد ماكو حلويات
نور : كال ماكو حلويات تغطيت و نمت ضليت شوية شو مادري بروحي وغفيت ما حسيت بروحي الا الساعة 8:00 حيل هاي شكد نايمة اني كعدت بس ماكدر اكوم من الجرباية هسة شلون بالله اوف كلت خلي اصيح
نور : شيخ حسن ماكو صحت فاطمة هم ماكو شلون نوب صرت عصبية صحت
شششششيييخخخ ححححسسسسنننن
الشيخ حسن : شو هاي نامت كلت هسة تكوم ضليت شوية ماكو رحت يمهة لكيتهة نايمة بستهة من راسهة ونزلت تغديت وصعدت فوك يمهة نمت كعدت العصر وهية بعدهي نايمة نزلت جوة صارت الصلاة صليت وتعشينة شوية وسمعت صوت نور صيح اني بسرعة كمزت من مكاني وطفرت سويت الدرج خطوتين فتحت الباب كتلة بخوف
الشيخ حسن : شبيج نور صاير شي
نور : لا مابية شي بس صار ساعة اصيح وماكو احد ماتكولون اكو وحدة اهنا ماتكدر تنزل 😡
الشيخ حسن : تعالي اخذيلج راجدي بعد على كيفج انتي غير نايمة شنسوي نجي نكعدج
نور : 😡😒
الشيخ حسن : عيونج لا افكسهن
تعالي خلي اعقم رجلج
نور : وانتة منين تعرف تعقم
الشيخ حسن : ماريد اسمع صوتج افتهمتي
رحت علية وبديت اغير الظماد بس هية و لا سكتت كل شوية انتة منين تعرف و انتة منين تعرف موتتني اخر شي عطت بيهة
الشيخ حسن : كااااافيييي اني مو كلت ماريد اسمع صوتج
نور : لا صيح 😢😳 علية
الشيخ حسن : انتي سكتي واني ماصيح فتهمتي
خلصت تعقيم ورحت جبت شال الها وخليتة على راسهة وشلتهة من دون ماكلهة وهي عاطت
نور : عاااا نزلني وين ماخذني
الشيخ حسن : ...😑😑
نور : اوف ربي نوب مايحجي
نزلت جوة كال الاختة سوي اكل النور هية راحت وعمتي حجت
