رواية توامتان غدرت بهما الحياة ¿¿للكاتبة اشعاع النور مكتمله

البارت ال 20

هلا قلبوشاتيي شلونكم شخباركم ان شاء الله تكونون بخير صوتو⭐ وتفاعلووو بليييز
قراءه ممتعه
#
#
#
#
#
#
#
#
الجد بتوتر وارتباك: مين
العم ابو فراس بهدوء : الريم اخت اريام
الجد وهو يبلع ريقه: متاكد
كان الكل ينتضر موقف الجد من هالخبر على احر من الجمر
العم ابو فراس: اي يبه شفيك انا متاكد اليوم اجت وكان الكل مجتمع على الفطور وشافها واخدت اختها وراحت لبيت ابوها
الجد: ايش قالت
العم ابو فراس : قالت شي واحد وراحت
الجد بقله صبر: شنو قالت
العم ابو فراس: قالت رح تندمون ورح ادفعكم الثمن غالي وقولو الريم ماقالت
الجد بهدوء: وخالد شافها او لا
العم ابو فراس: اي شافها واغمى عليه من صدمته فيها ماتتخيل شلون كانت فرحته بشوفه بنته وانت حرمته منها طول هالاسنين
الجد بندم وهمس : كانت غلطه
ماسمع هالكلمه الا العم ابو فراس عشانه كان جالس جنبه وانصدم من هالشي ماتوقع يكون ندمان وكان تفكيره طيب اذا كان ندمان ليش مارجعها طول هالفتره شنو كان ينتضر قطع قلب ابوها عليها من غير سبب يذكر ليكون كان خايف من هيبته تروح والا يمكن ندم بعد كم سنه من فراقهم وماعرف شلون يرجعها واختها كبرت بس كان يقدر يحط اعذار عشان الكل يصدق ايش وراك يايبه شنو اللي خلاك تسوي هالشي اكيييد وراك شي كايد وقاطع تفكيره شخص يحط يده علي كتفه
العم ابو فراس قال: هلا سلطان
العم سلطان: وين سرحان
العم ابو فراس : هاا لا ولا شي سلامتك
العم سلطان: ابوي يكلم فيك ليه ساعه وانت ماكنت ترد قلت اجي واشوفك
العم ابو فراس: ءء لا عادي بس سحرت شوي
العم سلطان: طيب بس شوف ابوي
العم ابو فراس: طيب ولف لابوه هلا يبه شنو كنت تقول
الجد: بدري والله
العم ابو فراس: والله سرحت شوي ماحسيت بنفسي
الجد اوما براسه بهدوء : كلنا مثلك
العم ابو فراس: اختلف عنكم
الجد: ف شنو
العم ابو فراس: شي بسيط مايحتاج
الجد: طيب طيب خلنا من كل هذا الحين وقولي
العم ابو فراس: امر يبه
الجد: شنو كان موقف خالد واريام
العم ابو فراس: اممم بالنسبه لخالد حكيتلك عنه انصدم وودوه للمشفى واريام اول شي انصدمت وصارت تبكي ماادري من ايش بالضبط من توامها او من ابوها او من الاثنين وراحت عندها الريم سولفت معها شوي وفجاه شفناهم طالعين مع بعض وقطت علينا الريم كم كلمه وراحت
تنهد الجد وسكت
وقال بعد شوي: مين راح مع خالد
العم ابو فراس: اخدوه الشباب كلهم ولحق مهند وراح معه طلال وكانت الريم بتروح معهم بس مهند منعها من هالشي
الجد باستغراب: شلون منعها
العم ابو فراس: اممم مادري والله بس كانت مصره تروح معهم وشفت مهند  يقول لها فكم كلمه وبعدها الريم وافقت انها تضل ماادري شنو قال لها تحديدا ومهند قال لنا انه بيتزوجها
الجد انصدم: متى صار هالشي وهي اليوم اجت متى شافها وعرفها وقرر يتزوجها متى
العم ابو فراس: هو يعرفها من ايام فرنسا
العم سلطان: شفيك يبه تذكر يوم انه العيال بيروحون لفرنسا عشان تعاقد ومدري ايش  مهند اتصل علينا من هناك هو والعيال وقالو انهم يعرفون عن الريم وهي بنت عمهم
الجد: شلون عرفو طيب
العم عمار: عرفوها عن طريق مهند حكى لهم السالفه
الجد وهو بينفجر راسه: ومهند شلون عرف
العم ابو فراس: مهند يعرف الريم من مده التقى معها مره بفرنسا واعجب فيها وحس انه فيه شبه بينها وبين اريام ولما دقق ف الموضوع هرف انها بنت عمه
الجد: راسي بينفجر وشنو صار بعدين
العم ابو فراس: اللي صار انه العذاري ونور يعرفون الريم من 4 او 5 سنين
الجد انصدم : وشووو
العم ابو فراس: اي يبه وهم كانو يعرفون انها بنت عمهم بس ماعندهم دليل وساعدو مهند وحكو لنايف وقالو لكل العيال بعدين
الجد: مو قادر استوعب ولا شي من اللي قلتوه
العم ابو فراس :وحنا كنا مثلك ماستوعبنهوشي بس بعد كم يوم رضينا بالامر الواقع
الجد: ليش انتو من متى تعرفون
العم جابر: من قبل شهرين او ثلاثه
الجد انصدم وبقوه وقال :اييييش ومااحد فيكم كلف على نفسه ويجي يحكيلي
العم ابو فراس: ماتوقعناهم يسوونها صدق
الجد بصراخ: وكاهم سووها لو قلتولي من فتره كان عرفت اتصرف وماانصدمت فيها الحين
اجاهم صوت وقال: وشلون بتتصرف اممم مثلا تبعدني عن توامي مره ثانيه ولا شنو حتسوي اذا خبروك يالله قول
ولفو وانصدمو باللي واقفه قدامهم وتتكلو وبكل قوه وجرائه ومو خايفه من احد
الجد بتوتر: انتي
الريم بثقه: اي انا ليش مستغرب ولا منصدم
الجد يحاول يتمالك نفسه ومايبين توتره: لا هادي ولا هادي
ضحكت الريم بسخريه: هههههه صدق وراحت جلست على الكنبه وحطت رجل على رجل وقالت الحين لازم اصدقك يعني
الجد : سمعيني يابنت هالـ......
قاطعته الريم باستفزاز: اسمعك قول اللي عندك
العم ابو فراس: الظاهر انك مستعجله ايش عندكم
الريم وهي تناضره بطرف عينها: اشغال لك عندي شي
العم ابو فراس بطوله بال : لا ابد ماعندي شي سلامتك
طنشته الريم وطالعت في الجد وقالت: اممم يالله قوول اسمعك شنو عندك
الجد وهو يتنهد وبقوه: سمعيني عدل انا مايمشي معي جو الدلع هذا فاهمه ومو اذا رجعتي تتمصخرين علينا وانا اخدتك وبعدتك عن اللي مايتسمى مو معناها تنفخين حالك علينا وتصيرين تهددين مايعجبني هالشي انا ويناضرها بحدها فهمتي
هنا الريم انفجرت ضحك: هههههههههههههه ياويلي انا هههههههه من جدك تتكلم ولاتمزح ووقفت قدامه بكل قوه وقالت بحده: واللي مايتسمى على قولتك تاج راسك فهمت ولا اعيدلك
الكل شهق من الصدمه 
وكملت: وانت حسبالك اني رح اسكتلك على عمايلك تو تو تو مو انا اللي اسكت عن حقي واذا كنت كذا فانا مو بنت ابوي فاهم وانا بتمصخر وبطنز وبسوي اللي يعجبني عجبك هالشي اهلا وسهلا مااعجبك طق راسك بالطووفه اظن كلامي واضح
الجد انصدم ماتوقعها بذي القوه وقال: نشوف مين حيطق راس الثاني
الريم: هههههههههه لاتتحداني فاهم ترى انت الخسراااان انا مااخسر قدام احد لو مين مايكون مايهمني وسكتت شوي وقالت اسمعني زين اذا قلت كلام عن ابوي مو زين او عن اختي حطت يدها على رقبته وقالت بحده وهمس ذي شايفها ارميها وراء الشمس اذا سويت شي مايرضيني واذا كانت نيتك اني رح اسامحك او اغفرلك فانجوم الظهر اقربلك من هالشي فهمت
وقبل مايتكلم قالت: ماابي اسمع صوتك نهائيا فاهم
ورح تندم صدقني رح ابكيك دم رح احرق قلبك مثل ماحرقت قلب امي وابوي لو اطر اذبح كل هالبشر اللي قدامك مارح تهتزلي ولا شعره وانا بنت ابوي وراحت وقفلت الباب بكل قوتها
العم سلطان: الله يستر من الايام الجايه
ناضره الجد وقال: ليش لذي الدرجه خفتو منها يعني
العم سلطان: شنو ليش ماشفتها وسمعت الكلام اللي قالته وبعدين هالشي مو خوف كل مافي الموضوع انه مانبي مشاكل ووجع راس والواضح انها مارح تخلينا نرتاح
الجد: اي سمعته بس خل نشوف شنو حتسوي وبيني وبينكم مارح تقدر تسوي شي والمشاكل رح تجي الحين او بعدين بس خلوكم معاي
العم سلطان: ليش مارح تسوي شي
الجد : هي بنت مهما كانت قوتها مارح تقدر تسوي لي شي او تاذيني او اتاذي اي شخص ثاني
العم ابو فراس : لا غلطان حتسوي اذا ماكانت تقدر
ماتكلمت بذي الطريقه ووو بالنسبه لكلامك الاخير ماعجبني
الجد: اي كلام
العم ابو فراس: لما قلت خلوكم معاي
الجد: وين المشكله في الموضوع
العم ابو فراس: حنا مالنا اي دخل في اللي سويته اول وجالس تسويه الحين وانا سبق وقلتلك هالشي
الجد: يعني
العم ابو فراس: يعني اذا فيه احد بينسجن فهو انت مو حنا اذا فيه احد بتصيرله مشاكل فهو انت مو حنا
وسمعتنه ماضيعها الا انت وانت اللي طول عمرك تقول الا السمعه ماابي تتشوه سمعتنا وسمعتنا وسمعتنا ومااخرب سمعتنا الا انت  ورح تتحاكم انت مو حنا
الجد كان يدري بهالشي وانه هو اللي بينسجن عشانه هو اللي سوه هالجريمه وهو معترف بينه وبين نفسه بانه اللي سواه غلط ولازم يتعاقب عليه بس هيبته وكرامته تتحكم فيه ويخليه احيانا ينكر هالشي بس ماتوقع يواجهونه ويقولون له هالكلام في العلن
الجد: ادري بهالشي وانا ماقلت لكم اخدو عني السجن او شي ثاني ولازم تحترموني وغصب عنكم فاهميين وبحده واشوف احد غيكم قلل من ادبه علي ليندم طول عمره
العم ابو فراس: حنا ماقللنا ادبنه عليك يبه بس فهمناك هالشي
الجد بحده: اعرف ومايحتاج لاتشرحلي الموضوع اكثر
وانا مو بحاجتك لا انت ولا اخوانك
العم سلطان: يبه الله يهداك بس شفيك قلبت علبنا ماسوينالك شي واخوي ماغلط معك
الجد: الا غلط ونص اجل انا يكلمني بذي الطريقه كااني بزر عنده
العم ابو فراس : لا يبه محشوم انا ماقلت عنك كذا
الجد قاطعه: خلص اسكت ماابي اسمع صوتك
العم ابو فراس : حاضر يبه رح اسكت
الجد بعصبيه: يكون احسن بعد
وطلع وترك الاغلبيه متوتر واللي مو مهتم كثير
#
#
#
#
#
#
#
#
#
#
نرجع لوراء شووي قبل لاتدخل لريم لبيت جدها
عند الريم واريام
صحت الريم قبل اريام وقامت تروشت وصلت فرضها وغيرت ملابسها وتمشت شوي في البيت واتصلت على راكان مارد واتصلت من جديد ورد
الريم: الووو
راكان: ياهلا والله بهالصوت وراعيته
الريم: ياهلا فيييك شلونك وشلون اخواني وشلون امي ابوي وشلون العيال
* على فكره بس العيال هم فواد وفادي وابراهيم اخوياي ريان ومتعب وناجي اخوياي راكان وهم يعرفون الريم من سنين وعلاقتهم معها كثير حلوه *
ضحك راكان وقال: هههههه الحمدلله كلهم بخير
الريم: ليش تضحك
راكان: اضحك عليك والله
الريم: ادري علي اجل على مين بس ليش
راكان : ماتركتي احد ماسئلتي عليه شوي وتسئليني على اخبار الجيران ههههه
الريم: هههههههه نذللل
راكان: ادري خلينا من كل هذا وقوليلي شلون ابوك وتوامك طمنيني شلون صارت المقابله
الريم: الحمدلله كل شي كان تمام وابوي في المشفى اغمى عليه وتوامي نايمه الحين
راكان: طيب الله يشفيه ان شاء الله احكيلي بالتفصيل بسرعه
الريم : ان شاء الله طيب اسمع .................. وحكت له على كل شي صار  من اول مادخلت للحين
راكان انصدم شوي وقال: ريم ليش حكيتي كذا مع جدك وعمك
الريم بلامباله : عاااااااديي جدا مافيها شي
راكان: شلون مافيها شي لازم تحترمينهم ياريم كذا مايصير
الريم بنرفزه: نسيت اللي سووه فيني وفي توامي وابوي وموت امي مو كان بسببهم مو كان بخوفهم مو كلوشي صار بسببهم هم
راكان يحاول يهديها: صح كلامك ياريم بس امك مو ميته لاتنسين
* الريم قالت لراكان وريان وابوها بروحتها لامها *
الريم: مو ناسيه بس انت معي ولا معهم
راكان: انا ماقلتلك حبيهم غصب وامشي تحت شورهم بس يكون فيه شويه احترام متبادل ولاتنسين انه عمانك مالهم اي دخل بالموضوع وانتي لازم تخلينهم بصفك
الريم: انا مو بحاجتهم وماارح احترم احد اللي يحترمني احترمه وماابي اي احد يدخل في اي شي اسويه
راكان: اذا مااحترمتيهم شلون يحترمونك
الريم: ماطلبت من احد يحترمني وكلن ورغبته
راكان: الكلام مايفيد معك وعلى راحتك سوي اللي تبينه مااحد رح يوقف بوجهك
الريم: طيب
راكان: الا بقولك
الريم: قول اسمعك
راكان: الا امك متى رح ترجع لكم او شنو حالتها الحين
الريم: اطمن امي بخير ومافيها الا العافيه ورح ترجع قريب
راكان: ان شاء الله ترجع لكم بخير وسلامة
الريم: ان شاء الله
راكان: لاتقسين على اهلك كثير وتذكري انه ماكان بيدهم شي
الريم: احاول والحين استاذن منك بروح للعذاري شوي
راكان: طيب روحي بس لاتنسين تزورين ابوك في المشفى فاهمه هذا ابوك لو مهما يصير بينكم لازم تروحين
الريم: اي بروح بس خل تصحى اريام
راكان: طيب يالله مع السلامه وانتبهي لنفسك
الريم: مع السلامه وسلملي علي الكل
راكان: ان شاء الله يالله باي
الريم : باي
وقفلت منه الريم ولبست لثمتها وراحت لبيت جدها عشان العذاري وفتحت باب البيت وماحد انتبه لها
وسمعت كلام الجد
(مالا داعي اعيد الحدث اللي صار مرتين )
بعد ماطلعت الريم من بيت جدها بعصبيه خفيفه راحت لبيت ابوها على طول وشافت اريام جالسه في غرفتها وماسكه كتاب وتقراء فيه
الريم: السلام عليكم
اريام: وعليكم السلام
الريم راحت وجلست وقالت: شتسوين
اريام: اقراء في روايه
الريم: اها تدرين اني مااحبهم
اريام: ليش انا احبهم كثير
الريم : يعني هم زينات بس انا مو فاضيه لهم وماجربت اقراء
اريام:  ليش شنو عندك
الريم: ماعندي شي بس ابي اركز على دراستي وبيني وبينك ابوي خالد كاتب لي شركه باسمي وانا اروح لها بين فتره وفتره
اريام : اها بخاطري اروح لشركتك عشان اشوفها
الريم: طيب الحين قومي غيري ملابسك عشان نروح عند ابونا في المشفى وادا ضل وقت نروح للشركه
اريام ابتسمت على كلمه ابونا وقالت:  طيب حاضر الحين بقوم
وقامت اريام والريم جلست تراسل في مهند
وراحت الريم واريام مع مهند للمشفى وجلسو عند ابوهم شوي وخالد كان فرحان فيهم كثير وكل شوي يرجع يعتذر من الريم والريم تقوله عادي ماصار شي واحيانا ترد هالكلام مو وقته الحين وبعد شوي طلعو من عنده وراحو للشركه وتمشو فيها وراحو للمولات وماتركو مكان ماراحو له وبعدين راحو لمطعم تعشو فيه ورجعو للبيت على طول نامو من التعب
#
#
#
#
#
#
#
#
#
#
#
#
#
في صباح يوم جديد
صحت اريام وماشافت الريم موجوده قامت تروشت وغيرت ملابسها ونزلت تحت لصاله دورت عليها مالقتها وجهزت الخدامه لها الريوق وقامت تريقت واتصل عليها احمد
ردت: السلام عليكم
احمد: وعليكم السلام شلونك اريام
اريام: الحمدلله بخير وانت شلونك
احمد: بخير اذا انتي بخير
وكمل شلون الريم
اريام: الحمدلله بس اليوم صحيت ومالقيتها ليش تسئل عنها
احمد: ليش وين راحت من صباح الله خير
اريام: مدري والله اذا رجعت رح اسئلها بس يمكن تكون في الشركه
احمد: يمكن الا اريام بقولك
اريام :قول اسمعك
احمد : اليوم رح يرجع عمي من المشفى وابيك تحذرين الريم لاتكون قاسيه في معاملتها له او كلامها اريام :لا اطمن الريم تعرف تتصرف حتى امس ماوجعت ابوي بكلمه وحده
احمد : اي ادري بس ذكريها
اريام: طيب
سكتو الاثنين وبعد شوي
احمد: اريام
اريام: هلا
احمد :انا رح اطلبك رسمي من ابوك بس تهداء الاحوال شوي
اريام: طيب بس لا تستعجل
احمد: والله مناي اليوم قبل باشر بس شسوي الاوضاع الحين ماتسمح يمكن بعد اسبوع حتكون الخطبه وبعد اسبوع الملكه والعرس في نفس اليوم
اريام انصدمت وبقووه: اييش بذي السرعه يااحمد مايصير
احمد: ليش شنو اللي مايصير
اريام بهدوء: انت تعرف اوضاع البيت الحين
احمد: اي اعرف بس توامك ومعك وابوك مافيه الا العافيه وبيطلع اليوم وشنو اللي مصعب عليك الوضع
اريام: ابي اتعود على الريم ابي اجلس معها اكثر انحرمت منها سنين
احمد ببتسامه :ادري بس خطبتك وخطبتها مع بعض
اريام : ادري بس
احمد: لا بس ولا شي ماقدر اتحمل اكثر واتوامك مارح تبتعدين عنها هي الحين بس خطبه
اريام: على راحتك
احمد بفرح: الله لايحرمني منك
اريام : ولا منك
احمد: اريام الحين استاذن منك لازم اروح وارجع عمي من المشفى
اريام: اذنك معك
احمد: انتبهي لنفسك يالله سلام
اريام: وانت بعد سلام
وقفلت منه اريام ودخلت بعدها لريم وقالت: السلام عليكم
اريام: وعليكم السلام وين كنتي صحيت مالقيتك جنبي
الريم: رحت لشركه وبعدين رحت لمشوار بسيط ومهم رح تعرفينها مع العايله الكريمه بعدين
اريام: اها احمد بقيقول انه بيروح ويرجع ابوي من المشفى اليوم
الريم ببتسامه خبيثه قالت: اها اجل يناسب اليوم
اريام: يناسب ايش
الريم :ولا شي رح تعرفين بعدين انتي والعايله الكريمه
اريام: طيب متى
الريم: لما يرجع ابوي
ابتسمت اريام وقالت : طيب
#
#
#
#
#
#
في المشفى
عند خالد جهز ملابسه وكتبو له خروج وطلع مع احمد ومشعل وسامي وراحو للبيت ووصلو لبيت الجد وقال خالد: اخدوني لبيتي
احمد: بس ياعم .....
خالد :قلت اخودني لبيتي واللي يبي يشوفني ويطمن علي وعلى بناتي بيتي مفتوح له
احمد: خلص رح ناخدك لبيتك ياعم ومايصير خاطرك الا طيب
واخدوه لبيته ووصلوه عند الباب وفتحت لهم الخدامه وهم راحو لبيت جدهم
راح خالد وشافهم في الصاله جالسين جنب بعض ابتسم على شكلهم من قلب واتمنى ماينحرم من هالشوفه
وقال: السلام عليكم
رفعو راسهم الاثنين وقالو وهم مبتسمين: وعليكم السلام
وقامت الريم وراحت باست ايده وراسه وقالت :تفضل اجلس وهو بدوره حضنها بقوووه
وراحت اريام سلمت على راسه وايده وهو حضنها اكثر وصار يبكي ويعتذر منهم
الريم: خلص امسح دموعك ماابي اشوفهم بعد اليوم
خالد :طيب
اريام :شلونك يبه
خالد: بخير بس ابيكم تسامحوني
الريم :مني مسامحتك دنيا واخره
اريام :وانا بعد مسامحتك
ورجع حضنهم من جديد وصارت يردد الله لا يحرمني منكم الله لا يحرمني منكم
بعد شوي جلسو مع بعض وسولفو ودق الباب قامت الخدامه تفتح
وكان رجال غريب واقف عند الباب والضاهر انه عسكري راحت الخدامه وقالت لهم عن الرجال راحت له الريم
الريم: هلا اخوي تفضل
الرجال: ياهلا فيك ابيك تدليني علي بنت اسمها ريم خالد عمران ال......
الريم: انا هي المقصوده
الرجال :تفضلي هدا ضرف من المحكمه ال ......
ودي الاوراق اللي طلبتيها
الريم: مشكور اخوي وماقصرت
ودخلت الريم والرجال راح وقال خالد : شنو هالاوراق اللي بيدك
الريم: هذا حقي وحق توامي
خالد: شنو سويتي
الريم: رح تعرف بعد شوي يالله قومو خل نروح عند بيت الجد وبيعرف الكل
خالد واريام: طيب
وقامو تجهزو وراحو لبيت الجد ودق الباب وفتح لهم مهند: ياهلا ياهلا تو مانور البيت ادخلو
خالد : منور باهله ياولدي
طبعا دخلو وقام الكل يسلمون عليهم ويتحمدون له بالسلامه بس عاملو الريم بطريقه مختلفه احترموها اكثر وكلموها باسلوب حذر شوي
ابتسمت الريم على طريقه سلامهم عليها وقالت بينها وبين نفسها * ماشفتو شي للحين *
وجلسو يسولفون شوي وقاطعهم خالد :يالله ياريم قولي اللي عندك يابنتي بروح ارتاح تعبان
ابتسمت الريم بخبث وقالت : تامر امر يبه
ابتسم الكل على كلمتها
راحت الريم ووقفت قدام الجد وقالت : هالاوراق تخصك انت وبس وحتعرف اني عند كلمتي
الكل بلع ريقه من كلامها وبالذات انه ملامحها ماتبشر بالخير ابدا
وراحت في نص الصاله وقالت: احم الكل يسمع  وفتحت الاوراق
وقالت تسر اداره محكمه العدل والقانون بان تقوم باستدعاء المتهم عبدالعزيز ال...... بتهمه سرقه الطفله ريم خالد وهي في سن صغيره ومن غير علم والديها وستقوم المحكمه بالتحقيق في هذا الامر بعد يومين من الان في يوم .../...../....
بعد ماخلصت كلامها قالت: هذا بس جزء صغير من حقي وحق ابوي واختي وكملت  جايكم يوم وانا بنت ابوي لبكيكم دم فيه وطلعت وتركتهم في صدمتهم
الكل في حاله صدمه
الجد بصدمه كبييييره ماتوقع تسوي هالشي وترفع عليه قضيه : ..........

                 وخـلـص الـبـارت

ع فكره يامتابعين ترى كذا مايصير لازم تتفاعلون معاي شوي وتصوتون ترى حرام عليكم احط ف كل جهدي وماالاقي عليها تفاعل تحطموني كذا البارت اللي طاف المشاهدات 75 والتصويت 24 كذا حرام والله
وكانت عندي افكار كثيره بس من تفاعلكم اختصرت الاحداث كثييييييير

شنو رايكم في كل الشخصيات بصفه عامه

تشجعوني اكتب روايه تانيه او لا

اتقبل النقد سوى فيني او في روايتي

ورايكم في الروايه يهمني

وترى ماضل عليها كثير يمكن 3 بارتات بس

شنو يسوي الجد

ايش موقف الكل من الريم بعد مارفعت قضيه

شرايكم في اللي سووته الريم

وشنو تتوقعون رده فعل خالد بيوقف ضد الريم  فهالشي او لا

متى رح تتطلع امهم

فيه شي في البارت القادم مشوووق جداااااا

تفااعلو بلييز عشان انزل

وتفاعلكم هو سبب لانتهاء الروايه

دمتم في حفظ الله

لـلكـاتـبـه: اشـعـاع الـنـور

meme ma