أحببته اربعيني 🌏

البارت التاسع

احبيهم على مهل
وكوني حرة العقل
وخوضي العمر خاليتاً
وعيشي دهشة الطفل
ولا تبكي على احداً
ولا تسعي إلى الوصلِ
وإن أذوكِ فأبتسمي
واخفي الدمع بالكحل
__________________ 

.... مفهمت شنو قصدج. شنو زوجته
.. مثل ما سمعتي اني زوجته ومن زمان مزوجين
... لججججج انتي صدك تحجين برهان مستحيل يفكر بغيري يعني ما اصدك مزوج
... واجهي وشوفي شنو يكولج اني حبيت اساعدج
.. لج انتي تردين تخربين بينه وبعدين منين جبتي رقمي
... حياتي انتي بس كولي لبرهان منو اسيل واكيد مراح ينكر ولا ينكر الي ب بطني

سدت الموبايل واني بقيت مصدومه معقوله عمو يطلع مزوج زين اذا مزوج شيريد مني ياربي يوميه اكتشف بيه شي يصدمني دخيلك ياربي خابرت  على
عمو انو يجيني
برهان
جنت بلكهوه يم  صديقي نسولف وخابرتني اريج تريدني بموضوع مهم ستأذنت منه ورحت على اريج
نزلت دكيت الباب وطلعتلي
... ها حبيبي صاير شي
... لا ابد بس ردت احجي وياك بموضوع بسيط
.. شنو هو لموضوع يخص منو
... يخص مرتك
.. يخص مرتي اممم وشبيها مرتي
.. يخص اسيل والي ب بطنها
.. انتي شجابج على اسيل وشدراج بيها
... حلو الي هامك شلون وصلت الها وميهمك انو كذبت عليه
... اريج حبيبي اني مكذبت عليج بشي بس
... بس شنو شلون راح تبرر موقفك لك انته عندك مره وحامل وجاي عليه حتى تخرب حياتي من بعد ما خربت حياتها هااا
... نجبي اخرب حياتج شنو بس اني من تزوجتها زواج مؤقت لان ماردت اروح بطريق كله حرام واني مقرر اطلكها بس اروح للبصره
.. مقرر زين والي ب بطنها شلون تكدر يخلي ينكر أصله
.. اني َمجبرتها عليه هي الي رادت هل شي
.. انته شنو من بشر شلون راح أأمن على نفسي وياك
.. اريج انتي واعيه على نفسج
... عمو ما الك حق تبرر اي شي انته خنتني لك انته عندك مره شلون تسوي هيج
... حبيبي
.. لتكول حبيبي اني حبيبة نفسي وبس لو ما اخاف على سمعة اهلي جان نهيت كولشي بهل اللحظه هذي
انته واحد جذاب ولو ادري بكل هذا اموت وما ارتبط بيك
دا احجي والراشدي اجاني معدل
.. اشششششش شنو تنهين كولشي هااا باعي باجر عرسنه وخليها تعدي على خير بس بس لتحلمين بعد الي سمعته اخليج تصيرين مره اليه لا تحلمين
.. هذا الي كدرت عليه فوك غلطك تمد ايدك عليه
.. نطيتج مجال هواي هواي يا ست اريج بس راح اخليج تعرفين قدرج عندي بعد
... ياريت لان ماريد اكون مهمه عندك لان واضح جنت تضحك عليه
دا احجي ولزمني من جتفي ودفعني على الحايط
.. شنو اضحك عليج كدامج مراهق اني لو عبالج من ذول الشباب الطايشين ترى بنتي بكدج واخاف على بنتي قبل لا أخاف عليج
ديحجي وعيني بلكاع
... عوفني ده تأذيني
... رفعي راسج وكولي قصدج اني العب عليج مووو (بصياح)
.. لعد الي سويته شنو هااا شنو
.. لججججج لو اضحك عليج مجان باجر عرسنه انتي غلطتي ويايه انتي هنتي رجولتي بكلامج هذاااااا بس اراويج منا وهيج اله اخليج تبجين دم
... لتظن انزل دمعه وابجي كدامك مثل كل مره وياريت تبقه على كلامك وابقه متذكر متتقرب مني تكدر تروح خلص كلامي
...لج  شهل الغرور الي عندج اعترف اني غلطت  وتزوجت بس من طلبت ايدج ثقي ما وصلت الها لان انتي دنيتي تتوقعين اخونج
.. تصبح على خير
خليت ودخلت جوه صعدت للغرفه وبقيت ابجي صارت الساعه 3 لفجر واني ابجي
برهان
نصدمت من وين عرفت اريج بزواجي من اسيل وليش اله اليوم هي شلون اخذ فتره اخذت نظره عليه وهسه كملت خليت وخابرت على اسيل
.. الو
... هلا حبيبي شلونك
... انتي خابرتي على اريج
.. لازم حاجتك اي كلت الها اني خطيه نقهرت عليها وكلت خل تعرف زوجها المستقبلي عنده مره تشاركه بي مو بس الها يعني خليت عدها علم
.. انتي تعرفيني اني منو موو خل اجي للبصره واشوفج برهان على أصوله اذا ماندمتج على اليوم الي قررتي ترتبطين بيه ويايه بسيطه
خليت وسديت لموبايل منها واني افكر بأريج يارب عديها على خير