أحببته اربعيني 🌏

البارت الرابع عشر

يا من هــــواه أعــــزه وأذلـني
كيف السـبـيـل إلى وصـالك دلـنــي
     تركـتـني حيـران صـباً هــائمــاً
     أرعى النجوم وأنت في عيش هني

❤️❤️❤️❤️❤️❤️❤️❤️❤️🖤

... يلا كول وين ماخذني
... ماخذج حتى نعقد بالمحكمه
... شنووو 😳😳😳ليش مكتلي وبعدين مجايبه المستمسكات
.... لتخافين موجودات عندي كلت لطيبه تنطينياهن
... ععااااااااا ممصدكه
... ليش ولج  عبالج اضحك عليج😒
... اااا مَو قصدي بس فرحت والله
... هو شرايد غير اشوفج فرحانه
... برهان معقوله انته يمي لو دا احلم
تقرب مني وخله عينه بعيني وكال
... شتشوفين حلم لَو واقع
... مدا اصدك الايام الي عشتها بلاك مجان الها طعم
... اسألي نفسج منو لخرب حياة منو
.... امممممم اسفه والله ستعجلت
... اشششش حنبدي من جديد والفات مات

رحنه للمحكمه وعقدنه وبعدها رحنه للمطعم نزلنه اكل وخلصنه ورجعني للبيت
... يلا بلوة گلبي محتاجه شي
.... لا ابد دام انته صرت الي ماريد شي ولا راح اطلب
.... بس اني عندي طلب
... اذا اؤس موجود بالبيت الشال ميطيح من راسج
ََ.... اصلا مراح انزل جوه ابقى بغرفتي
.... ياريت والله لان ماريد يلمح خيالج
... اااابرهان فدوه ريحني وكول اسيل ترجعها لولا
.... لا حبيبي حاجيتها راح اطلكها
... زين وليوثي
... ليوثي يبقى يمنه
... صدوك والله فرحت
... هههههههه خبلتي
.... باي
... مع السلامه حبيبي
نزلت ورحت لأمي باركتني وخواتي ومرت اخويه هم باركتلي واجه عبدالله وعباس
عباس... ايي رجعتي لعشج لقديم
... ماعندي غيره شسوي
عبدالله... مبروك خيتي انتي
.. حبيبي عبدوش
صعدت للغرفه وخليت ليوث بحظني راد لموبايل نطيته اله وغفيت وكعدت لكيته نايم على أيدي بوسته وخليته على مخده اخذت لموبايل لكيت برهان داز رساله
... حبيبي حظري روحج الجمعه انتي يمي نرجع لبيتنه
من شفتها گلبي كام يدك سريع كلت خل احرك اعصابه شويه
... لااا مو كأنو استعجلنه على الجمعه خليها بعد وكت 🌚

دزيتها وره شويه دز رساله
... حتصل عليج فتحي كام
.... اوك
اتصل عليه وفتحت كام وهو هماتين
... اييي يا ست اروج بعد وكت مووو وستعجلنه نوب
... اي ستعجلنه 😐
...اروج اني عشيرتي مشتعله اريدج ليوم كبل باجر ونتي تكولين مستعجل ترديني ابتلي بيج
... ععااااااااا عليكيفك🌚اشاقه جنت يمعود
... ايي عبالي
جر نفس وكال
.... اكول اروج سؤال شاغل بالي جاوبي بصراحه
.... اينعم اسأل
.... ليش متزوجتي اؤس معقوله علمود ليث
  .... برهان صح تطلكنه بس والله لحظه مغبت من بالي ومن خطبني اؤس كتله ماريد لا عقد سيد ولا عقد محكمه هسه لان ادري بروحي مو اله فلذلك كلت اله هيج

تسريع الأحداث
بقينه اني وبرهان على اتصال وصار الخميس جنت بالمطبخ داسوي كاب كيك اجتي طيبه كالت برهان يريدج بل استقبال رحت للاستقبال

برهان رحت لبيت اريج دكيت لباب طلعتلي طيبه كلت الها اريد اريج وصاحتلياها دخلت عليه لابسه تراك بنفسجي وشعرها رافعته ونازله خصل منا ومنا على ركبتها
.... بربج هذا شكل وحده باجر زواجها
... يا حبيبي  يا عيني سوينه عرس مره كافي باجر احظر غراضي واجي وياك مالي واهس للدك والركص
... امممممم
تقربت عليها وشميتها من رقبتها
... يعني متردين عرس مووو
... لااااااا اقصد ااااي مماريد
... شبيج متلبكه
جنت احجي وياها وشفتي قريبه على شفتها
هممممم احجي ليش متلبكه
.... ااابربك بعد شويه وتدخل بعيوني متريدني اتلبك
.... هههههههه لتخافين حبيبي مراح اسويلج شي بس جنت مشتاقلج مووووت وجيت اشوفج
.... اممممم واني هم
حجيت هيج وخليت ايدي وره رقبته وتقرب مني وفجأه دك للتليفون جر نفس طويل ومسح شعره  وجاوب
.... اشتعلت عشيرتك لؤي مو وكته كلش
... يمعود تعال منتضريك خل نطلع للصيد
.... بربك صدك تحجي خرررب جايك جايك
سديت لموبايل وبست اريج من راسها وكلت الها
.... باجر حبيبي الكاج مجهزه نفسج ماشي واي شي لتجيبين نروح سوه نشتري غراض
... اوك حياتي
... باي
... بايات
رحت للصيد وصيدنه وخابرني مصطفى
مصطفى.... هلا يابه شلونك شلون الصحه
.... هلا والله مصطفى انته شلونك
... الحمد لله يمعود متجي للبصره والله مشتاك لكعداتنه وضحكنه
... والله مجاي الحك شغل ومنا لبيت تعال انته مر عليه خل ادللك شويه
... والله يا برهان عندي موضوع وياك من اجي اسولفلك
.... يخص منو؟
.... يمعود يخصني اريد تشوفلي بنت حلال لان مليت عايش بوحده
... صدك تحجي ولك ماعشكت ابد
... يمعود شلي بسوالف العشك انه
... تعال وتدلل عساك على مره
... طيب وابن طيب مو بيدك
صار ثاني يوم ورحت لبيت اريج و وياي ختام حتى نعقد سيد عقدنه وسويته حفله بسيطه بس جانت طالعه تجنن والعطر الي خالته سطرني سطر اخذت اريج وختام للبيت وليث طيبه كالت خلي يمي وباجر تعال أخذه تشكرت منها وطلعنه وشغلت السياره ودخلنه للبيت
... تعالي يا ست اروج رجعتي لبيتج ولحظن برهان
... احم احممم اجيت 🎑
... مبروك اروجتي سمعي قبل كولشي اريدج تغمضين عينج وتكولين اليه مراح تعوفيني ماتحمل بلياج
... ياروح اروج ليش اني أكدر بلياك
... حبيبي انتي تعالي مشتاقلج مووت مووت
تقربت منها وصرت اشتم برقبتها
... مشتاق لصوتج لخجلج كدامي مشتاق لطفلتي القديمه اروج وعد مني مراح امنعج لا من شغل ولا من أطفال واذا تحبين نسويهم درازن
... امممم موضوع الأطفال اكيد حنسويهم درازن بس الشغل ماريده
... شعجب😳
... هيج دام انته موجود ماريد الشغل
... لعد وين جان عقلج من توسلت
... امم الفات مات حياطي😌
عشنه يوم مثل الحلم
بعد مرور اسبوع
مصطفى... يمعود اني بكراج بغداد وين صرت
... جايك دقايق تاني دادور على المطعم الي واكف يمه
... يلا متانيك بسرعه ابوي
... صار صااار هااا هذا انته خل انزلك
... هلا والله هلا بلي نور بغداد بوجوده
... الدار تنور بأهلها
سلمت عليه وأخذته للبيت وكعدنه نسولف واجتي اريج سلمت عليه واجه ليوثي كعد يمنه واكلنه وخليت اروج وميس يحظرون الغرفه وحظرنها وخليته يرتاح بيها وصعدت فوك لكيت اريج دايره وجها على الكنتور دفنت راسي برقبتها ولزمتها من خصرها
... اممم مشتاقلج بلوتي
... واني بعد تصدك ماكدر اكعد بلبيت اذا مو انته بيه

ده تحجي و ويه كل كلمه تطلع منها  اطبع بوستي على رقبتها  بعد جريتها وكعدتها وخليتها على رجليه
... اروج حبيبي باجر نروح للأمام الكاظم حظري نفسج اني، وياج وصديقي
..... بس راح تجي طيبه يمي
.. عادي خل تجي ويانه هو مراح نطول هواي
... تمام لعد
.....اروج اريد انام اريد ارتاح
.. بس الدنيا ظهر شعندك نايم
... تعبان والله نوميني خل انام على عطرج يلا تكومين
خليت ايدي وره رقبته وطبعة بوسه خفيفه على رقبته

برهان جنت دا احجي ويه اريج وفجأة باستني من رقبتي شعلت نار بگلبي
... لججججج انتي البديتي
اخذتها وصرت اتفنن بيها وهي ويايه  بكلشي بعدها خليتها على صدري ونمت

زوزه.... سيف حبيبي ممكن تذبني على اهلي صار هوايه مرايحه
... تمام حبيبي بليل اجيبج بس
... لا شسالفه ابقى هناك وباجر ارجع
... شنووو اطب للبيت وما الكاج انتي وبنتي صدك تحجين
... تمام وديني ورجعني

عذور... نمير لخاطر الله لتلح ماراح افكر هسه بطفل لان اني الي اتعب وينكسر ظهري
نمير.... لج اريد أطفال منج بابا افهمي اريد طفل 😑😑
... بعد وكت الله كريم نفكر عود
... هسه مو عدنه شموس تسوه لدنيا😒
...ايي اريد سند الها يا عيني فكري
... امممم ان شاء الله عود الله كريم 😎

ختام ... سامر كلت ما ارجع روح للي جنت واكف وياها ودزتلي صورتك انته وياها
... لج بابا والله طالبه عندي لتقدم ولا تأخر
... سامر حاليا راح ابقى هنا تصبح على خير

صار ثاني يوم واجتي طيبه وكلت الها تروح ويانه هي وختام للأمام الكاظم ختام رفضت وطيبه اول بدايه موافقت لان ويانه صديق برهان بس من كلت الها انو هو اطرش واخرس😐وافقت وكلت لبرهان انو جذبت على طيبه حتى تجي ويانه بقه يضحك لمهم حظرنه نفسه وطلعنه للسياره برهان جان يسوق وصديقه بصفه وحنه وره برهان جان مخلي المرايه عليه

طيبه.... اكول اريج هذا صديق زوجج فد شي بس ناقص اخلي شواربي فوك شواربه يطلع توب
كالت طيبه هيج وجان صوتها شويه عالي باوعت على برهان بلمرايه وهو هم باوعلي وطكاها بضحكه واباوع على مصطفى كوه صابر باوع على برهان لان هو كايل اله انو اني كايله لطيبه أخرس وصلنه للأمام الكاظم عليه السلام زرنه وطلعنه

مصطفى زرنه اني وبرهان وطلعنه وشفت اريج واختها من طلعنه من البيت منتبهت الها بس من شفتها واكفه ويه مرت برهان سبحان ربي الخالق بقيت صافن عليها بعدين نزلت راسي وتذكرت كلامها نوب برهان كولساعه مذكرني ويضحك بقيت اخنزر عليها
طيبه... اكلج اريج شو هذا يخزرني شبي
... اااا مدريني يمعوده غلسي
رحنه للسوك نفتر ودخلنه لابو الذهب وبقت طيبه ومصطفى برا
مصطفى جنه برا اني واخت مرت برهان وجانو اكو شباب ثنين يعاكسون بيها شفتها ضاجت خليت وكلت الها
... تعالي منا ديري وجهج على المحل

طيبه
جنت واكفه برا المحل واكو ثنين ولد يباوع ويأشرون ضجت منهم وماحس اله حجه بقيت مصدومه وره شويه تذكرت كلامي بالسياره ولطمت على حلكي
... يعني انته مو أخرس ولا اطرش😳😳😳
... لا مو اطرش ولا أخرس
... خو ماسمعت شي بلسياره
... لا ماسمعت غير الشوارب
... اني داخله يم اختي تصيحني

اسفه البارت قصير بس ضروف ادعولي دعوة الغريب مستجابه 🤲
اتمنى يعجبكم💋

لايكات وتعليقاتكم🌷🌷🌷😍