أحببته اربعيني 🌏

البارت الثالث عشر

مابية ..
گلب للشوگ مابية
احن .. واتلهف .. واشتاگ .. مابية
ولا بية ..
اصافح من جديد اچفوف
باعت واشترت بية
ولا بية..
ارد اردود اخاوي اوجوه
ما بلّل گصصهة المستحة شوية ..

||غانم الفياض||♥️

..... برهان انته هنا معقوله مجاي احلم مووو
برهان جنت بلموصل بقيت هناك سبع شهور محبيت ارجع ابد تمنيت هناك الله ياخذ روحي بعدين ماتو أصدقائي واحمد راح مني تبهذلت احوالي كرهت الحياة كرهت كلشي بعدين تصاوبت بصدري واخذوني على المستشفى رادو يتصلون على علي مقبلت بقيت هناك بلمستشفى 4 تيام بعد مكدرت كلت ارتاح بلبيت وبعدها ارجع التحق دخلت للبيت وجاي اصعد بلدرج شفت غرفتي مشتغل بيها الضوه اني عبالي واحد بالغرفه لان ما اقبل احد يتقرب منها رحت فتحت الباب بعصبيه وشفت اروجتي بقيت مصدوم وهي هم نصدمت
.... بببلوة گلبي شجابج هنا
اريج شفته كبالي رحت عليه وحضنته بعدين دفعته وكلت اله
... وين جنت هااا وين تعرف شنو صار بغيابك تعرف شسويت بيه انته لولا رحت وشمرت كولشي وراك ولا كأنو عندك عائله (ببجي وصياح)
... اشششش اشش اهدي اهدي بس اهدي
.... تريدني اهدأ هممم تريدني اهدأ واني يوميه اموت الف موته واكول من ورايه عاف اهله وهجمت بيته
.... لججججج بابا تعبان بس خليني ارتاح والله مالي خلك ارحميني
كعدت على ركبي وخليت ايدي على وجهي وبقيت ابجي بعدين كال تعبان ونبرة صوته مختلفه مال واحد مريض ومختنك نقهرت عليه
... ااا تمام ارتاح ابقى يم ابنك راح انزل اجيبلك مي
... انتي هنا شتسوين مَو نهيتي كولشي ورحتي
.... اجيبلك مي وشي تأكله وبعدين نحجي
ردت اطلع من الغرفه وماحسيت اله جرني على الحايط وصار قريب ياربي شكد مشتاقه اله
.... لججججج اني ميت من جوه انتي موتيني والله لتشوفيني هيج بس جسد يمج ماريد لا مي ولا اكل بس جاوبي ليش هدمتي كلشي مو جنت شاريج مو فديتج بدمي وروحي
... ببرهان كافي تحجي عليه اعرف هدمت كولشي اعرف بس الي سويته بيه مو قليل
... لججججج ليش حرمتيني منج  ع الاقل  جان عاقبتيني بكولشي اله روحتج
ديحجي ونزلت دمعته اول مره اشوف دمعته بقيت اباوع عليه بدون ما احجي لان اعرف اني الي عذبته هل شكل وكفت على أطراف اصابعي (لان هو أطول مني) ومسحت دمعته بيدي وبسته من عيونه وكتله
... اسفه والله جان غباء مني جان تهور انانيه اسفه

برهان بقيت اعاتب بيها وبدون قصد نزلت دمعتي لان ماحب انزل دمعي كدام احد مو طبعي بس ماعرف شلون خانتني دمعتي ونزلت يمها وبعدها باستني من عيوني حسيت الزمن توكف
... اروج تعرفين انتِ موتيني
... اششش (خليت ايدي على حلكه) اششش لتكول هيج
من خلت ايدها على شفتي بقيت اباوع بعيونها والدموع بيهن وخشمها احمر من البجي قربتها عليه ولزمتها من خصرها وبستها من شفتها بقيت ابوس بيها لحد ما حسيتها ختنكت بتعدت عنها
... مشتاقلج (بلهثه) مشتاق للسانج لغيرتج لكلشي بيج
نزلت خليت راسي يم ركبتها بقيت ابوس بيها وهي بس تون حسيتها ذابت لوما لازمه جان وكعت بعدين جريتها للجربايه وبقيت ابوس بركبتها وشفتها لحد ما حسيت ألم بصدري عفتها بعدين تذكرت هي متزوجه كمت من الجربايه بعصبيه