أحببته اربعيني 🌏

البارت الحادي عشر

مقطع من قصيدة يحيى العلاق

روحي عقلت وختلف قانونها
العشره التعب بلاها ودونها
وياك كلش صار باهت لونها
ماتقدر غيرك يقدروها
منك انه شحصلت غير المرار
ودمعت عيوني وسواد جفونها
وحرك الأعصاب وسهر شذكر اوف
طلعتها وياي من ماعونها
هسه احس روحي مرتاح
لك ياحب ياغرام
شوف وجهي وشوف صحتي شلونها
أصدقاء وياي شبان وبنات
العنده ميت واحد يسلونه
على طول الوقت يحجولي نكات
روحي صعبه وعجزو يضحكونها
مدري بيه الخلل متعلم عليك
مدري هي الناس مدري شلونها
للكبير #يحيى_العلاق
_____________
هناء
جنه كاعدين نسولف وخابر علي على موبايل اريج رديت عليه
... الو اريج
... هلا يمه اني هناء
.. هلا خاله بس ردت احجي ويه اريج
... والله يا يمه اريج لا حس ولا خبر بس كاعده بالغرفه وتبجي
.... بس لازم احجي وياها لان بابا متصوب بلمستشفى هسه لازم تجي تشوفه
... يمه اسم الله الرحمن شبي خوما بي شي
... والله يا خاله تصوب بصدره وسوو اله  العمليه وطلعو الرصاصه بعد هسه متانينه يكعد
... يمه جايين احنه مسافة الطريق
سديت الموبايل من علي وكلت لعبدالله وعباس وصعدت على اريج لكيتها خالها راسها بين رجليها عبالي تبجي رفعت راسها  لكيته صافنه ومتغيره عبالك مو بنتي
... يمه صدك جذب كل هذا الي تسوينه ليش
(احجي وياها ومارد)  حظري نفسج نروح للمستشفى لان رجلج تصوب
نتظرت منها ردت فعل ماكو بقت ساكته
يمه صدك تحجين كافي عاد غيري من نفسج راح تتخبلين وين اوديج  نزلت جوه اخذت عباس وعبدالله ورحت على المستشفى

وصلنه هناك لكينه بنته وابنه وزوج بنته وبنت عمه بقينه 4 ساعات وكالو كعد
علي.... الحمدلله على سلامتك يابه
... الله يسلمك (بتعب)
ختام.... الحمد لله على سلامتك (ودايره وجها منه)
... يسلمج باباتي بعدج زعلانه من ابوج
.... بابا تعرف  ما أكدر على زعلك ارتاح هسه ريح نفسك
هناء..... الحمدلله على سلامتك
... الله يسلمج ام عباس الله يسلمج
بقيو يتحمدون اله بلسلامه
برهان
كعدت تحمدولي بلسلامه وشفت الكل عدا اريج
.. ام عباس اروج ليش ما اجت ردت شوفتها ليش ماكو
... والله يا يمه حاجيتها مجاي تحجي ويانه ولا ويه احد كلت اله برهان تصوب ما شفت منها ردت فعل
... يعني افهم من كلامج اريج مهتمت
... يمه ارتاح انته هسه اريج اني من اطلع للبيت اجيبلك مرتك
.....لا تجيبيها غصب عنها أريدها برضاتها
من كالت اريج ما اجت حسيت بنفسي ختنكت
.... اريد موبايلي
نطاني علي موبايلي وبقيت اتصل على اريج مترد بعدين اتصلت على اسيل ردت اسمع صوت ابني
حجيت وياها وسديت لخط منها  وصحت على علي ياخذني للبيت
... بابا مو هسه تطلع انتظر لحد باجر على أقل
... جاي اكلك اريد اطلع مالي كعده هنا طلعني بسرعه
حظرت نفسي وطلعت وصعدت للغرفه اول مدخلت الها روحي راحت مني
... يابه جان لازم تطلع اله داعي
... بابا صدكني هنا مرتاح
ميس... عمي والله ماله داعي بعدك مريض شلون اذا صارلك شي
... لتخافين بابا ميصير بيه شي بس نطيني شال اريج من الكنتور
... صار عمي
طلعت شال ونطتنياه خليته على صدري نمت
... علي والله مقهوره على عمي
... لعد واني عبالج فرحان بشوفته هيج
.... اووف حالته تقهر ليش متروح تحجي ويه اريج
.. لا ما أكدر لان حقها وكدامج صار كولشي حتى لو بابا هو لغلطان