Mga matang nakapikit
Nagiisip ng salitang magkatugma
Nagiisip kung saan maguumpisa
O kung paano ito sisimulan
Naghahanap ng inspirasyon
Pinapalawak ang imahinasyon
Upang makalikha ng isang obra
Na kayang palambutin ang puso
Puso ng isang taong bato
Ngunit ako'y hindi makabuo
Ng kahit ilang letra man Lang
Sapagkat sa isip ko
Napakaraming gumugulo
Tila ba isipan ko'y biglang lumabo
Pader na salita sa isipan ko
Bigla na lang Itong gumuho
Mga salita biglang nagtalo
Utak ko'y hindi na matino
Paano nga ba mananalo
Sa isipang malabo at magulo