#قلبي_شاريك❤
بقلم زهور جمال الدين
الحلقة الثانية وثلاثون
قام التليفون اتصل مفيش رد
حنان فالبلكونه وماتسمعش فالتليفون
اتصل بيها قريب اربع مرات وماردتش
انشغل
قال للصغار هيا نوضو انروحو لماما
دفع الحساب وخدى غدى حنان معاه وركبو السيارة وروحو
فالفندق ..
ركبو حسين والصغار للدور اللى ساكنين فيه ويسمعو فى ضحك حنان واصل لعند الممر
حسين قعد حاير شن فى
فتح الباب وخش لقاها فاتحه التلفزيون ومتهسترة وهيا تضحك
جاها حنان خيرك هبلتى
-حنان تضحك : لا لاااا وعلاش بنهبل
صغارها وقفو يتفرجو عليها
خداهم حسين ودخلهم للدار
ورجعلها
-حسين: حنان خيرك شن صايرلك
-وقفت عالصالون فاتحه يديها : نبى نطير فووووق نطيررر نطيررر .. وتضحك
شدها حسين من خصرها ونزلها : انتى شن طلبتى من تحت ... شن جابولك
-حنان تضحك : مطلبتش شى
-حسين: خيرك اهدى صغارك يسمعو فيك ..باهى وين مشيتى
-حنان : مشيت للبلكونه بس
طلع حسين للبلكونه .. يشم فى صنه معسل
لما قرب لقاه معسل مخلط بالحشيش
طلع طول شدها من يدها وقعمزها عالكرسى
خش للدار اللى فيها الصغار وسكر رواشنها كويس
-رياض: بابا خيرها ماما
-حسين: ماخيرها شى غير فرحانه بنطلعها وبندهورو شوى نتعشو برة ونروحو
-امولا: ماهو بالدور ولا
-حسين: ايووه توة دورها هيا
تلفتلهم الثلاثه: اسمعو ارقدو ..واللى يبي الحمام اهوا قريب الباب متاعه.. يخش ويرجع لمكانه
لان احنا مرات نعطلو شوى
-احمد : باهى
-حسين: رياض رد بالك على خوتك باهى
-رياض: باهى
وطفى عليهم الضى وخلى السهارة والعه
وطلع وسكر الباب الفاصل
طلع لقاها ادور فالغرفه وتبى اطير
قعمزها عالصالون وقاللها مانسمعش صوتك
