قطتى الشرسة (صغيرتى المغرورة الجزء الثانى)

6

رواية (قطتي الشرسة) 😻

البارت السادس :

في صباح اليوم التالي في المعسكر .او بمعني أصح عند الساعه الرابعه فجرا.. انتشر صوت بووق مزعج آفاق النائمين من أحلامهم.
رامي بضيق وهو يتثائب :في اي حد مات؟
سامر وهو يحاول فتح عينيه :مفيش ااداميه كل ده عشان يصحونا.
حمزه وهو يتثاب :طب خلاص صحينا خليهم يوقفوا.
نهض سامر اولا :انا هروح الحمام الأول.
حمزه وهو يفرك شعره :بسرعه عشان المفروض التجمع بعد نص ساعه.
سامر :حاضر.
رامي وهو ينظر لمرام :هي البت دي مقامتش مخلوعه زينا ليه؟.. دي يا اما جالها طرش او ماتت.
حمزه وهو يتوجه لها بقلق :مرام.. مرام... مرام اصحي.
كانت مرام نائمه كعادتها تحلم بأسر.. فكان يزورها في أحلامها ليخفف عنها الآلام الشوق والفراق.
أسر :حبيبيتي بينادوا عليكي انا لازم امشي.
مرام بترجي :لا يا أسر بالله عليك خليك معايا.. متسيبنيش.. مش عايزه ارجع للعالم اللي برا ده.. انا عايزاك انت بس ومش عايزه حد غيرك.. أسر خدني عندك متسيبنيش هنا.
أسر وهو يرتب علي شعرها :صدقيني يا حبيبتي مش بيدي افضل معاكي او اخدك معايا.. ربنا هو المسؤل عننا.. وانتي اتمسكي بحياتك عشان ربنا هيسألك عليها.يلا بقا روحي ليهم... بس بطلي تحلوي عشان بغير عليكي.
ابتسمت مرام بخفوت ولكنها سمعت صوت :مرااام.. مراام.. مرام اصحي.
استيقظت مرام علي صوت حمزه وقالت بخفوت :في اي؟
حمزه بقلق :انتي كويسه؟
مرام :اه في اي بتصحيني لي؟
حمزه :البوق اللي هيصحينا ضرب ولازم نجهز التجمع بعد نص ساعه.
رامي وهو يمشط شعره :قصدك بعد تلت ساعه.. انت بقالك ١٠ دقايق بتصحي الهانم. اللي نايمه في العسل ولا هاممها.
مرام وهي تقذفه بالوساده :انت مال امك! عيل سئيل.
رامي :اسفين يا صلاح.
مرام بضحك وهي تنهض :وسع بقا يا حمزه خليني انط.
نظر لها رامي بسخريه :نطي يا شبر ونص نطي... انتي مش مكسوفه من نفسك وانتي واقفه وسط ٣ شباب كل واحد فيهم مترين الا... وانتي متر ونص.
نظرت له مرام بحنق ثم هتفت بكبرياء :اش فهمك انت.. البنت القصيرة كلها انوثه وجَمال مش زيكم يا قطيع جِمال.
رامي بسخريه :بغض النظر عن الشعر الهابط ده... فين الانوثه دي يامو انوثه؟.. دا انتي فاضلك دقن وشنب وتبقي شبهنا في كل حاجه.
مرام بتبرم طفولي لايظهر الا مع فرقتها فهم فقط من يعلمون حقيقتها :انت شرير... انا حلوه وانثي بس انا اللي مش فاضيه للدلع الماسخ ده... حضرتك بتكلم رائد عايزها تلبس مشخلع ومش عارف ااي؟ 😏
حمزه :بس بقا.. اتأخرنا.
مرام بخضه :يالللهوووووي..
حمزه :سامر اخلص.
سامر وهو يخرج من الحمام ويلف فوطه حول خصره :والله دش خلاني افوق.
مرام وهي تدير وجهها سريعا :البس حاجه يا بغل مش انا معاكم في الاوضه.
سامر بخضه بعدما اكتشف انهم ليسوا رجال لوحدهم :مرااام.. سوري سوري نسيت انك هنا.
ودخل الحمام مره اخري.
حمزه بزهق :يادين النبي... هنخلص امتي...سامر البس بسرعه... رامي انت خلصت؟
رامي وهو يرتدي حذائه :اه ياخويا.. انا اصلا كنت صحيت قبلكم اتوضيت وصليت ولما البتاع ده صحانا تاني.. قومت بس غسلت وشي بميه ولبست بسرعه وانت بتصحي الهانم... وخلاص خلصت عقبالكم.
سامر وهو يخرج من الحمام ويرتدي جميع ملابسه الا التيشيرت :وانا كمان اعتبر خلصت.
مرام :هو المفروض نلبس اي؟
حمزه :اللبس موجود اساسا.هما حطين اللبس في الدولاب انا شوفته امبارح وانا بظبط الشنط.. بنطلون قطن وتيشيرت اسود لكل واحد وجزم التمرين.
مرام :طب اوك انا هدخل اتوضي وانتوا خلصوا واطلعوا وانا هحصلكم.
حمزه وهو ينهض :طب استني انا البس الأول.
مرام :تمام.
سامر وهو ينظر في ساعته :يا حمزه ويا مرام فاضل ربع ساعه انجزوا.
استغلت مرام دخول حمزه الحمام وخروج رامي وسامر وغيرت ملابسها وسرحت شعرها ولم يتبقي لها الا انت تغسل وجهها وتتوضأ لتصلي.
خرج حمزه ولم يجد سوي مرام ترتب السراير.
حمزه وقد انهي ملابسه :مرام يلا ادخلي اتوضي بسرعه قبل ما بوق التجمع يضرب.
مرام :اوك.
دخلت مرام بسرعه غسلت وجهها وتوضأت وخرجت لم تجد حمزه.. فتوقعت انه خرج.. فتوجهت اللي الدولاب واخرجت طرحه ولفتها علب شعرها وصلت فرضها.. ولكن أثناء صلاتها صدح صوت بوق التجمع.. فلم يكن في وسعها انت تترك صلاتها.. فأكملت صلاتها.. وانهتا ثم ارتدت حذائها وخرجت بسرعه فلم تجد اي شخص امامها.
فركضت بكل سرعتها الي خلف المبني فوجدتهم في ساحه كبيره جدا جدا جدا تكفي لقيام معركه بها.. ورأت جميع الفرق تقف بجوار بعضها.. حيث يكونوا ٢٦ ظابط يقفون بجوار بعضهم..
مرام :٢٦ يعني في ٢ ناقصين انا وواحد تاني.. يعني كده الحمدلله مش لوحدي متأخره.
توجهت مرام بسرعه اللي القائد ووقفت أمامه وادت التحيه دون أن تنظر لوجهه.
القائد بصوت غاضب :ماشاء الله تأخير ١٠ دقايق علي ميعاد التجمع.
مرام بجديه مع انها تشك انها سمعت ذلك الصوت بتلك النبره من قبل :بعتزر يافندم.. اول واخر مره.
القائد بصوت غاضب :ممنوع التأخير.. انتي هنا في مهمه شاقه المفروض تبقي ملتزمه... وشغل البنات والتأخير ده مش موجود هنا... هنا ممنوع التأخير... ده اخر إنظار ليكي.. اتفضلي اقفي جنب فرقتك.
ذهبت مرام اللي فرقتها وهي تكاد تشتعل من الغيظ.. كيف لشخص ان يحادثها بذلك الشكل.. وقفت بجانب حمزه ولم ترفع وجهها حتي.
القائد بجديه :انتباه... اول حاجه هنعملها هي الجري.. شايفين الضوء الأحمر اللي هناك ده..
نظر الجميع الي ذلك الضوء الذي يبعد ٢ كيلو متر من موقعهم.
فأكمل القائد :هتجروا من هنا لهناك وترجعوا تاني وتلفوا الطريق ده ٥ مرات.
صعق الجميع من كلامه فبالتأكيد انفاسهم ستنعدم بعد اول لفه اما خمس مرات فلن يستطيعوا.
رامي بهمس لنفسه:احنا هنتنفخ. لي الافتري ده!!
القائد بحاجب مرفوع :و ٦ لفات ليك يا رامي عشان تعرف الافتري كويس.
رامي بصدمه وارتباك :انا؟؟ لي؟؟
القائد :عشان تعرف تقول افتري كويس... وواي اعتراض هيبقوا سبعه.
رفعت مرام انظارها لذلك الذي يلقي تعليمات عليهم دون رحمه.. فإذا هي تصعق لانه... لانه... ذلك الشاب الذي اصتدمت بسيارته.. انه ليس القائد.. اذا أين هو القائد الذي عرف عن نفسه امس.
اكمل القائد اسر كلامه :أبدوا بالمشي الأول عشان يبقي تسخين وبعدين ابتدوا الجري... اه وصح في مده محدده للجري.
الجميع في صوت واحد :كمان!!!
القائد أسر في صوت حازم :ايوه كمان.... والمده لجري الخمس لفات هي تلات ساعات. يلا ابدؤا.
اتصدم الجميع ولكن حاولوا الثبات.. فأخذوا يجرون بكل قواهم حتي ينجزوا تلك المهم قبل انتهاء المده.. وتفاجأ الجميع بأن أسر يركض معهم ولكن كل شخص كان يهمه ان ينهي المهمه علي عكس مرام التي كانت تسير ولا تركض بتلك السرعه الكبيره هي وحمزه.
مرام بغيظ :هو مش المفروض في قائد يدربنا... الكائن ده بيعمل اي؟
حمزه :قال ان القائد حصلت معاه حاجه امبارح واضطر انه يرجع القاهره وعينه مكانه لانه اكفأ ظابط هنا.
مرام بتعجب :ده اكفأ واحد؟؟
حمزه بجديه :باللي عرفته عنه... اه.
مرام بإجاز :واسمه اي الكابتن؟؟
حمزه وهو يريد أن يسبق مرام ليتجنب رده فعلها فهو يعلم انها لاتزال تتأثر بذلك الاسم :أسر.
وقفت مرام لثواني لتجمع شتات نفسها ولكنها اكملت ولكن هذه المره بسرعه اكبر.
مرام :تمام... يلا نبدأ جري.
بدأت مرام وحمزه الجري بعد مده من المشي الهادئ.. علي عكس الجميع ساروا مجه قليله واكملوا ركض بسرعه... لذلك كانت مرام تحمل قوه اكبر... فظلت تركض هي وحمزه.
كان الجميع يركض حتي مرت ساعتان فأشرقت الشمس الحاره اللتي لم تتحملها أجسامهم المتعرقه.. فخلع بعض الشباب الجاكيت الذي يرتدونه وخلع الآخرون التيشيرتات اللواتي يرتدونها... أما مرام فوقفت تلتقت أنفاسها التي تكاد انعدمت. فكر رامي بجوارها.
رامي وهو ينهج :ميرو فاضلك كام لفه؟
مرام وهي تنهج وتشير بيديها :2.. وانت ؟
رامي وهو ينهج :3 عشان هو اداني واحده زياده.
مرام وهي تضع يدها علي رقبتها :الجو حر قوي هموت.
رامي وقد بدأ الركض :جدا ياختي... الفرق كلها قلعت ماشاء الله.
وقفت مرام وخلعت الجاكيت وربطته علي خصرها فكانت ترتدي تيشيرت اسود بنصف اكمام لذلك ظهر ذراعيها وبشرتها الثلجيه شديده البياض.
وأكملت ركض....
حتي انتهت الثلاث ساعات ووقف أسر عند نقطه البدايه وهو ينتظر الجميع...
اخذ الجميع يصل.. وكان اولهم مرام .. اندهش اسر من وصولها مبكرا علي الرغم من انه لاحظ انها في بادئ الأمر كانت تسير بطريقه عاديه لفتره طويله كان خلالها زملائها قد أنهوا لفه وهي لم تكملها بعد.
ووصل حمزه بعدها ووقف جوارها.
حمزه :أحسنت يا بوص كنت متأكد انك هتوصلي الأول.
مرام بزهو مصتنع :طبعا طبعا اي الجديد..
حمزه وهي يضربها بخفه خلف رأسها :انتي يابت اظبطي وبلاش غرور.
مرام وهي ترفع حاجبها :انت أخدت عليا اوي.. وربنا بس نرجع الإدارة بتاعتنا وهفرمكم.
حمزه يخوف مصتنع :احنا اسفين يا صلاح.
مرام بضحك :هههههههههه عفوت عنكم.
أسى بصوت غاضب :و لو خلصتم الهزار والمسخرة دي افضل انكم تقفوا ساكتين لحد مايجي باقي زمايلكم.
نظرت له مرام بحنق ولم ترد بينما صمت حمزه.
أسر في نفسه :في اي انا مالي مايتفلقوا سوا.. يهزروا يولعوا في بعض انا اصلا كاره اني اكون قائد هنا... بس اللي حصل خلاني القائد وهعرف اادبها اخليها تتعلم ازاي تتكلم مع أسر الشرقاوي بعد كده.
يتذكر أسر كيف أصبح هو قائد الفرق الذي سيتولي تدريبهم ::

فلاش باااك 🚴‍♀️:
كان القائد مرتضي يتحدث علي الهاتف ويبدو عليه القلق :ايوه يا فندم... انا اسف جدا... بس والدتي حالتها خطر جدا ولازم اكون عندها..... ارجوك يا فندم.. ارجوك... انا مش بشوف امي لأنها ديما في البلد واخيرا هي هنا بتتعالج.. وهي بجد حالتها خطره ولازم اكون عندها..... تمام يا فندم.... شكرا جدا لحضرتك....
مين يا فندم؟؟.... بس ده متدرب زيه زي الكل ازي يبقي القائد؟؟...مفهوم يا فندم هبلغه حاضر.... هنزل دلوقتي حالا يا فندم.... تمام شكرا ليك مره تانيه يا سياده اللوا.
ذهب القائد مرتضي اللي غرفه أسى وفرقته. و طرق الباب.
أسر وقد فتح :ايوه يا سياده القائد!
القائد مرتضي وهو يتكلم بلهجه رسميه وسرعه :انا هنزل القاهره حالا.... في أوامر انك تكون انت القائد بتاع الفرق وانت اللي هتدربهم... ب سسريعا كده... الجري هيكون في الساحه الكبيره خلف المبني... في مطعم في منتصف المبني بيكون فيه ناس بيعملوا الاكل الفطار ٩ والغدا ٣ والعشا ٩... في اعلي المبني حمامات سباحه دي اللي هيكون فيها تدريبات السباحه... في صاله للملاكمه عشان تدربهم فيها... تاني اسبوع الوزاره هتبعت ليك طياره.. الطياره دي هتفضل معاكم اسبوع.. هتدربهم فيه علي القفز بالمظلات... واخيرا تدريبات الذكاء وسررعه البديهه دي هتلاقي تقرير عنها في مكتبي... هيساعدك.
أسر وهو مصدوم :بس....
مرتضي بأستعجال :من غير بس.... دي أوامر عليا... بعد اذنك..
غادر مرتضي تاركا أسر يتخبط في صدمته وكيف سوف يفعل ذلك.
***********
*اي هيعمل أسر مع مرام؟

اتمني يبقي في تفاعل وبلاش تم الله يكرمكم 😇 وعايزه رأيكم في الورايه والشخصيات والأحداث 🌹💜
الحلقات الجايه بأذن الله هتكون طويله 💜

تأليف :تغريد محمد