قطتى الشرسة (صغيرتى المغرورة الجزء الثانى)

26

‏رواية"قطتي الشرسة" 😻

الفصل السادس والعشرون :😸

واخر أحداث الحلقه اللي فاتت :
اللواء احمد :اتفضلوا علي مكتبكم واتفقوا هتعملوا اي؟؟ ومعاكم يومين بالظبط تجهزوا فيهم.. ومش عايز غلطه.
اللواء نشأت :بكرا هيتوزع عليكم اجهزه تصنت وكاميرات صغيره تخبوها في هدومكم.. وكمان بكرا هنكتب عقد جواز آسر ومرام... وهنحجز ليكم جناح في الفندق.. وسويت لرامي.
مرام لنفسها بخوف :يارب استر.. يارب الجوازه دي متتحسبش عليا.. انت عارف يارب اني مش عايزه اتجوز عشان لما اموت ابقي من نصيب حبيبي في الجنه.. يارب 😭🤲
آسر لنفسه :هتحلو اوي 😍 اخيرا جات من عند ربنا 🤲
رامي :يلا بينا يا جماعه.
اللواء احمد : مرام انا هاجي لباباكي بليل أن شاء الله.. وياريت كلكم تكونوا جاهزين. وبالتوفيق.
خرج الجميع والصمت سيد موقفهم.. فمنهم الحائر ومنهم المصدوم ومنهم السعيد.
سامر لحمزه بهمس :مالك يا عم قالب بوز لي؟
حمزه بحزن :انت مش سامع.. مرام هتتجوز آسر.. ماانت عارف اني بحبها.
سامر :بص يا حمزه انت اخويا وانا قولتلك قبل كده.. إن موضوع مرام ده غلط.. عرفتك ان كده كده هي بتحبك زي اخوها.. وعمرها ماهتحبك بأي شكل تاني.. غير أن موضوع جوازها من آسر ده بالكتير اسبوع مش اكتر.. حمزه بعدم اقتناع :طيب يا سامر طيب.
ذهبوا للمكتب وجلست مرام ووضعت يدها على وجهها تتمني ان تختفي من العالم الان...
رامي :هنعمل اي بقا؟
ادم بأقتراح :نروح.
سيف :لا احنا لسه جايين من ساعتين نمشي على طول كده.
عمرو: طب انا مش عايز اقعد هنا.. ومفيش شغل نعمله.
سيف بنفاذ صبر :محسسني اننا مش معانا مهمه المفروض نخطط ليها ونشوف كل واحده دخلته هتبقي ازاي؟ ولا رأيك اي يا مرام؟؟
مرام وهي تنظر له :اممم صح.. تحبوا تتناقشوا في القضيه؟؟
سامر :ياريت.
مرام :تمام.. بس عايزين نبقي كلنا قاعدين حولين بعض عشان نفكر سوا.
حمزه :بسيطه نحرك المكاتب ونخليها جنب بعض ونحط الكراسي ونقعد.
رامي :تمام يلا.
كان آسر لا يشاركهم الحوار.. فيكفيه النظر لها..
بعد أن جلس الجميع.
آسر :وبعدين ؟؟
نظر الجميع لبعضهم ثم انفجروا في الضحك.
رامي بضحك :والله احنا عملنا اللي علينا.. وقعدنا عشان نعمل اجتماع مغلق وكأننا هنشتغل.. بس التفاهه واخده حقها معانا الصراحه 😅
مرام :اووف.. بصوا مبدأيا كده عايزين نعرف هنتعامل ازاي هناك؟؟
آسر :هو رامي هيشتغل لوحده يعني تركيزك هيبقي مع جيان بس.. مهمتك جيان واحنا متعرفناش اصلا.
رامي :تمام. انا اصلا مش عايز اعرفكم سيبولي انا القمر بس 😻
آسر :واطي 😏
مرام :وحمزه وسيف انتوا الكاميرات صح؟؟
حمزه :اها.. احنا اللي هنراقب مداخل ومخارج الفندق وكمان الاوض عشان نبلغكم بأي حركه.. وطبعا لان رجاله جاك كتير.. واجهزه التصنت هنسمعها كمان عشان لو احتاجتوا اي معلومه.
آسر في نفسه :دا اي الشغلانه المهببه دي.. كده مش هعرف استفرد بالبت لوحدينا.😂
سامر :طب وبالنسبه للبودي جارد اللي زي حالاتي انا والغلبان عمرو هنجهز ازاي؟
رامي :انتوا ملكوش لازمه.. اجهزوا بأي حاجه ومتصدعوناش.
عمرو بغيظ :أخرس.
ادم بنواح :انا بقا آخرتي اضرب.. طب محدش عمل حساب ليا.
آسر :ادم ده شغل مش هزار.
ادم :طيب.
سيف :طيب كل واحد وعرف شغله وهيجهز ازاي.. فاضل انتي يا مرام.. عايزه شغل جامد.
مرام وهي ترفع حاجبها :محسسني اني هعمل عمليه تجميل.. انا مش هاخد وقت.
آسر بسخريه :لا طبعا محتاجه وقت.. محتاجه تشوفي شعرك ده.. وتغسلي وشك ده.. وكمان تجيبي لبس بناتي وتتعودي تلبسيه .. مش معقوله هتبقي بلبس الولاد ده.
مرام وهي ترفع حاجبها :علي اساس ان شعري سلك مواعين.. او ان وشي مش مغسول.. او اني مش بعرف البس لبس بنات.
آسر بتهكم :ده اللي واضح.
سامر وهو يلكزه في كتفه :اسكت... دي مجنونه.
رامي بضحك :عندك حق تقول كده.. اصلك مشوفتهاش من أربع سنين كانت وتكه.
مرام بتهكم :وتكه.. بطل ألفاظك البيئه دي.
آسر بأنتباه :واي حصل من أربع سنين.
مرام :ميخصكش.
آسر ببرود :ازاي؟؟؟ مش في بينا اتفاق.
مرام ببرود مماثل :بس اللوا محددش قائد و....
ماكادت تتم جملتها حتى هتف آسر : التصويت مش من اللوا.. التصويت من الفرقه... ها يا جماعه عايزين مين القائد بتاعكم.؟
نظروا الي الاثنين وهتف رامي :مهو كل واحد فيكم ليه مميزات وعيوب ومش هينفع نختار.
مرام :اخلص يارامي مش هنلعب.. احنا عايزين تختاروا واحد عشان التعليمات تطلع منه.
ادم :انا عن نفسي اخد مرام.
نظر له آسر نظره احرقته.
آدم :سوري يا معلم.. بس احنا تحت قيادتك بقالنا كتير انا هختار مرام.
ابتسمت له مرام بأنتصار.
نظر الباقون إليهم.. وللأسف هتفوا في صوت واحد :آسر.
نظرت لهم مرام بغيظ.. بينم تلك الابتسامه الشيطانيه تتسلل لفم آسر وتتسع رويدا رويدا.
حمزه :الصراحه يا مرام.. ده كان رأيك من الاول صح!! انتي قولتي مش عايزه تبقي القائد في فريق كله رجاله.. عشان محدش يتكلم.
مرام بغيظ :طيب انا قولت انت تبقي القائد.. مش ده.
سامر :خلاص يا ميرو.. اصل بصي.. القائد لازم رتبته تبقي اعلي من باقي الفريق.. وانتي وأسر بس اللي كده... ف اختارنا آسر.
سيف بحنق :حضرتك وحياة امي انا كمان رائد زيهم.. ولا نسيتوني 😒
انفجروا في الضحك.
سامر :سوري يا معلم مخدتش بالي.
نظرت له مرام بغيظ بينما هو ابتسامتة الشيطانية الجذابه تلك تزين ثغرة.. اوبس لحظه هل قلت جذابة الان؟... لالالا انها مجرد ابتسامة شيطانية خبيثة.
آسر :طيب يلا نكمل بقا.
مرام :بصوا.....
وفجأه سمعوا طرق علي الباب.
آسر :اتفضل.
فتح الباب فجأه ودخلت منه كارما مندفعه :ميرو وحشتيني.
تصنمت كارما وهي تنظر لكل هؤلاء الرجال.. اوبس هل اختها تجلس مع كل هؤلاء لوحدها.
مرام :يخربيت الجنان مين جابك؟؟
أدهم وهو يدخل :انا.
سامر :ازيك يا أدهم.
نهضت مرام لتلك الواقفه تنظر بذهول لهم.
مرام بهمس :مالك يا بت الهبله متنحه ليه؟
كراما وهي تهمس في اذنها :اوووف قنبله مزز ضاربه في الاوضه دي.. يا بختك 😻
انفجرت مرام في الضحك ومعها كارما أيضا.. بينما كان أدهم يسلم علي الجميع.. كان الجميع ينظر لكارما بأستغراب.. فمن تكون؟.. عدا شخص واحد قد سحره شكلها..
مرام :بطلي لماضه.. تعالي اعرفك عليهم.
كراما :ياريت.. وقوليلهم اني مش مرتبطة عشان لوحد عندوا النية يرتبط بيا ميترددش.
مرام بضحك :اي الحلو في الغفر دول.
كارما :احنا اللي غفر يا ماما لكن دول ذبادي بالقشطه. 😻
مرام :اخلصي.
كارما :طيب.
مرام :بصي.. ده حمزه اكيد عارفاه.
كارما :اها ازيك.. الله انت قالب على عمرو يوسف كده لي؟ 😍
حمزه بضحك :ربنا يكرم اصلك.
مرام :وده سامر.
كارما : اهلا يا سامر.. ده بقي حسن الرداد اكيد. ❤️
مرام :بس يابت.
كارما :الله مش ببدي إعجابي.
أخذوا يضحكون عليها.
مرام :بصي. انجزي.. سيف وآدم.. وعمرو... ورامي. و..
كارما :ده رامي؟؟
مرام :ايوه انتي تعرفيه؟؟
كارما بضحك :ايوه.. انت حرامي الموبايلات.
رامي بتذكر :انتي البت الراديو؟
كارما :راديو في عينك.
رامي :اكبر دليل على كلامي انك من ساعة ما دخلتي مبطلتيش لوكلوك.
كارما بحنق طفولي :انا مبطلتيش لوكلوك يا ميرو.
مرام وهي تدلك رأسها من الصداع : لا ابدا يا قلبي. 😁
كارما :خلاص عرفيني بقا على المز اللي قاعد ده.
أدهم :اتعدلي يا بت.
كارما:ملكش دعوه.. انجزي.
مرام :ده.. آسر.
نظرت لها كارما بحزن وهتفت لأسر مجامله :اهلا وسهلا يا آسر تشرفنا..
مرام :دي كارما اختى.
ادم :ماشاء الله العيله كلها مسترجله.
كارما بضحك :شالله يخليك يامعلم.
كان رامي يطالع كارما بنظرات غريبه.. يشعر بطريقة ما انها اجمل فتاة قد رأها.. فهي جميله وضحكتها رائعة.. بل ساحرة الجمال.. لا بدري ولكن يظن بأن هناك شئ سيكون بينهم.
اما آسر فاللمرة الثانية حين يذكر اسم يستغرب أحدهم. وينظر لمرام.. لماذا؟؟.. هناك سر بالتأكيد
كارما :طيب يا ميرو هتروحي معانا؟
مرام :لا لسه عندي شغل.
أدهم :احنا جينا ناخدك اصلا.. تعالي.
مرام :بصوا خمسه وهخلص.. تستنوا ؟؟
كارما :اه اوك.
جلست كارما بجانب أدهم.
مرام :ها كنا بنقول اي؟؟
رامي مستغلا الفرصة ليضمن ان يرى كارما مجددا :دلوقتي يا ميرو.. انتي محتاجه تتظبطي.. وبيتهيألي. مفيش احسن من كراما تساعدك الايام اللي جايه.
كرام بأستفسار :اساعدها في اي؟
حمزه بضحك :تساعديها تتحول انثي.
كراما وهي ترفع حاجبها :وده من اي ان شاء الله؟
مرام :موضوع هفهمك بعدين.
كارما :على العموم.. هما مكبرين الموضوع لي.. يعني انتي اقلعي البروكة واللينسيز والبسي فستان وخلاص خلصت.
آسر بسخريه :ودي عندها فستان.. ولا هتديها واحد من عندك.
نظرت له مرام بغيظ بينما هتفت كارما :دول مستقلين بيكي خالص.
أدهم :واااو انتوا عايزين مرام ترجع بنت تاني... دي محصلتش من أربع سنين اجدعان.
مرام بغيظ :وربنا انتوا رخمين اوي. الاجتماع انتهي..
يلا يازفت منك ليها قدامي.
آسر وقد ذهب لها بسرعة البرق ليهمس في اذنها :متنسيش الاتفاق.. كده هتقولي كل حاجه.
نظرت له مرام بغيظ... وخرجت.. ومعها اجهو وكارما.
بينما اخذ آسر يضحك.
ادم :كنت بتقولها اي؟
آسر :عادي موضوع كده...الا صحيح هي مرام كانت بتلبس اللبس ده وشكلها كده من امتي؟
رامي :هي بقت تلبس كده من أربع سنين.
آسر :لي؟
نظروا الي بعضهم البعض..فهي لم تقل لهم الايفشوا سرها.. ولكن يخافون جرحها.
رامي:بص من الاخر كده.. هي فقدت حاجه غاليه اوي من أربع سنين... وفقدانها هو اللي وصلها للمرحله دي.
سيف :واي هي الحاجه دي؟؟
حمزه :مع الوقت هتعرفوا... بس نصيحه محدش يجيب سيرة موت قدامها خالص.
عمرو :يعني الحاجه دي.. كان حد مات ليها.
سامر :ايوه.
ادم :غريبه.. الناس لما بيموت ليها حد بتزعل شهر.. اتنين.. تلاته.. سنه مثلا.. لكن توصل ان الحزن يغيرها لمدة اربع سنين.
حمزه بحزن :هي تقريبا مكانتش بتضحك غير معانا بس وديما زعلانه.. بس لما انتوا جيتوا.. وتعتبر خليتوها تضحك.. معني ده انجاز في حد ذاته.
عمرو بضحك :احنا عملنا معجزه علي كده.
رامي بضحك :مش اوي.
آسر :طيب مين اللي مات وعشانه تعمل في نفسها كده؟؟
رامي :امممم الأحسن تسألها هي.
آسر لنفسه :انا فعلا هسألها هي.
أخذوا يتسامروا قليلا.. حتي رحل كل منهم الي بيته.