قطتى الشرسة (صغيرتى المغرورة الجزء الثانى)

39

رواية "قطتي الشرسة" 😻

الفصل التاسع والثلاثون :😚

واخر أحداث الحلقة اللي فاتت🤔...!!

غرفة سارة :
سارة بصراخ :الوووووووووو.
ريتاج بفزع :الو.. في اي بتصرخي لي؟؟
سارة بضحك :بجرب نبرة صوتي مش اكتر.
ريتاج بضيق :هقفل ف وشك السكة.
سارة :انا غلطانة اني جاية اقرفك شوية.
ريتاج بتهكم : لا كتر خيرك الصراحة... خير؟؟
سارة :انتي فين؟
ريتاج وهي تهتف بتلذذ :يمييييي كنت بجيب هوت شوكليت. واديني اخدته.
سارة بغيظ :انتي مش ممنوعة منه؟؟!
ريتاج بلا مبالاة :مهو عشان ماما منعاني منه ف البيت ف قولت اشتريه من برا. المهم تحبي اجبلك معايا؟؟
سارة :ياريت و......
ريتاج بصراخ :اوووبس.. نسيت الباقي... نسيت الباقي.
سارة :خلعتيني... طب روحي هاتيه.
ريتاج :طيب طيب هروح.
ذهبت ريتاج وأخذت ما تبقي من المال.. وتمسك الهوت شوكليت في يد.. واليد الاخري بها المال والحقيبة... و تحصر الهاتف ما بين وجهها وكتفها لتتكلم.
ريتاج براحة :الحمد لله اخدت الباقي.
سارة بضيق :خلعتيني ربنا يسامحك كل ده عشان الباقي.
ريتاج :طبعا ده باقي خمسين يا ماما.. دا بالباقي ده ممكن اطلب بيتزا بقا وادلع نفسي.
سارة :هتموتي من كتر الاكل.
ريتاج :ملكيش دعوه انا مبسوطة كده. و..... اععععععع... اوبس
وبينما كانت ريتاج تخرج من المكان اصتدمت بأحدهم عن دون قصد... واذا بالهوت شوكليت ينسكب تماما علي قميصه الأبيض.
سارة بتهكم :في اي؟؟ نسيتي اي المرة دي؟
ريتاج :اوووبس...اقفلي دلوقتي.
سارة :في اي ي.....
اغلقت ريتاج الهاتف و هتفت : اي الغباء بتاعي ده؟؟
الرجل :مش تفتحي وانتي ماشية.
نظر لها الرجل وجدها فتاه قصيرة ببشرة بيضاء.. وشعر ذهبي قصير مشعث.. ترتدي تيشيرت ابيض بربع أكمام عليه وردة حمراء .. وسلوبيت جينز.. يعطي لها مظهر طفولي جذاب... تمسك ف يدها حقيبة.. والهاتف الخاص بها تمسكة بكتفها.... واخيرا في يدها كوب فارغ.. قد سُكِبَ بالكامل علي قميصه.

ريتاج بحزن وكأنها لم تسمعه :مهو انا كان لازم اخد بالي.. انا غبية اوي.
ظن الرجل انها نادمة علي ما فعلت بيه فقال :انتي مش غبية يا انسة بس لازم تاخدي بالك وانتي ماشية عشان انتي بهدلتيني خالص.
فتحت ريتاج عينيها بدهشة لأنها نسيت ان أمامها احد ونظرت له :انا مش بتكلم علي اني بهدلتك يا بني آدم انت.. انا بقول اني غبية عشان كبيت الهوت شوكليت.. ياربي والله طعمة كان حلو اوي.
نظر لها بدهشة :هوت شوكليت؟؟؟ يعني انا اتبهدلت بسبب جنابك وانتي زعلان ع الهوت شوكليت؟؟
ريتاج بعصبية :طبعا... انا عارف ده بكام؟؟ ده اغلي منك أنت شخصيا.
الرجل بعصبية :اللهم طولك يا روح... غوري من قدامي يا بت انتي بدل ما اموتك دلوقت.
ريتاج بعصبية : نعم؟؟! امشي؟؟ انا مش همشي غير لما تصلح غلطتك .
الرجل بصدمة :غلطتي؟؟ غلطة اي يخربيتك؟؟
ريتاج وهي تشير علي ملابسة :غلطتك بأنك كبيت الهوت شوكليت بتاعي... ف تصلحها بأنك تجيبلي واحد تاني.
الرجل :نعم؟؟؟ هو مين اللي غلط؟؟ ومين اللي كبه؟؟ وانا مالي بيكي اشتريلك واحد لي؟؟
ريتاج بعصبية :بقولك اشتريلي واحد بدل اللي انت كبيتهولي والا....
الرجل بسخرية:والا اي؟؟ هتبكي وتجيبيلي بابا؟
ريتاج بخبث :لا هصرخ واقول حرامي بيتحرش بيا... ولما حاولت تمسكني كبيت عليك الهوت شوكليت.... واتفرج بقا.. كل المكان ده هيتلم عليك وتتروق.
فتح الرجل فمه من الصدمة : يخربيت عقلك اي دا؟؟
ريتاج :القرار قرارك.
نظر لها الرجل بضيق.. وهم بفتح ازرار قميصه لتضع هي يدها علي وجهها بفزع :انت بتعمل اي يا بني آدم انت؟
نظر لها بسخرية وهتف :اكيد مش هدخل اجيب لجنابك اللي عايزاه وهدومي كده.
أنزلت يدها من علي عيونها ببطئ.
خلع قميصة ليظهر صدره العريض.. التناسق وعضلاته البارزة... ويغطيه تيشيرت اسود اسفله لم تأتي عليه بقع.
الرجل بضيق :اتفضلي يا هانم.
ابتسمت ريتاج بخبث وتقدمت امامه بزهو بسبب فوزها عليه... جلست علي احدي الطاولات تنتظر ان يطلب لها ما تريد لتذهب.
طلب الهوت شوكليت لها.. وطلب له أيضا. وتقدم ليجلس معها حتي يتم صنعه.
الرجل : خمس دقايق ويخلص.
ريتاج وهي تضع قدم فوق الأخري وتمسك هاتفها تعبث بيه :تمام. مستنيه.
الرجل بضيق : انا كان مالي ومال البلاوي دي ياربي.
ريتاج بسخرية : عادي كان ممكن متجيبش واخليهم يتلموا عليك.. و يودوك القسم.. وتلبس قضية تحرش.
الرجل بضحك :قضية تحرش مرة واحدة؟؟
ريتاج بإيجاب :اها.
الرجل بضحك :ممكن اطلع منها زي الشعرة من العجينة.
ريتاج بسخرية :لا مش هتقدر... اعرف ناس هناك هيروقوك.
الرجل بسخرية : بجد طب ابق.......
قطع كلامة صوت هاتفه الخاص.
امسكه وقام بالرد.
الرجل :ايوة؟؟
=................
الرجل ببرود : عادي انا لما اجي هظبط الدنيا.
=................
الرجل بخبث وهو ينظر لريتاج :لو فضل يتهرب ف الكلام.. قوله انا من طرف النقيب عمرو ماجد.
فتحت ريتاج فمها بصدمة وبلعت ريقها بتوجس.
لاحظ عمرو صدمتها فأبتسم بخبث وأكمل :تمام تمام... ظبطه بقا لحد ما اجيلك. سلام.
نظرت اريج لهاتفها بتهرب.
عمرو بخبث :هاااا كنتي بتقولي اي بقا؟؟
ريتاج بتوتر :ك... كنت بقول... بقول...
عمرو بضحك :مالك بتتأتي لي؟؟
ريتاج بشجاعة لا تعلم مصدرها : ولا بتأتأ ولا حاجة.. وبعدين انا اش ضمني ان انت ظابط بجد ممكن تكون بتقول كده عشان تخوفني بس ده بعينك من انا اللي اخاف.
عمرو برفعة حاجب :ماشاء الله قوية اوي.
ثم اخرج لها بطاقة عمله من جيبه ليرها صورته ويسير علي رتبته.
عمرو بضحك :بتعرفي تقري ولا اقرالك يا صغننة.
نظرت له بضيق ولم تجيب.
عمرو :اي لسانك اكلته القطة!
جائت لترد بغضب ولكن اوقفها شاب يعمل ف المكان يقدم لهم الطلب.
الشاب بأبتسامة بسيطة :اتفضلوا يا فندم.. تؤمروا بأي حاجة تاني.
نظرت للشاب الوسيم أمامها وابتسمت برقة وهي تقول :ميرسي كتير.
رفع عمرو حاجبه من تحولها وقال للشاب :شكرا.
ذهب الشاب ونظرت ريتاج لعمرو بضيق مرة أخرى وهتفت بعصبية حاده : انت مش هتهددني بشغلانتك انا كمان اعرف ناس ورتبتهم اعلي منك.
نظر لها عمرو وهتف بسخرية :اي التحول ده!!!
جائت لترد.. قاطعها صوت هاتفها يعلن عن اتصال من سارة.
ريتاج :الو.
سارة بزعيق :في اي؟؟ اي حصل خلاكي قفلتي ف وشي؟
ريتاج :هقولك بعدين بقا يا سارة مش وقته.
سارة :لا وقته قولي.
ريتاج بضيق :اوووف طب خمس دقائق وهرن عليكي.. اصبري.
سارة بضيق :طيب ماشي.
انهت المكالمة ونظرت له والكوب الذي أمامها.
ثم وضعت الهاتف في حقيبتها وقالت له بهدوء وهي ترجع احدي خصلها خلف شعرها : ميرسي.
رفع عمرو حاجبه :ميرسي !! انتي بتقولي ميرسي ليا؟
ريتاج بعصبية تحاول السيطرة عليها :اووووف... بص متعلمتش ابقي قليلة ذوق مع حد... ف انا قولت شكرا... لكن لو عصبتني ممكن ارجع زي ما كنت.
ضحك عمرو بملئ صوته حتي ظهرت غمازاته.
نظرت له هي بتوهان ف ضحكته جميلة وجذابه جدا.
لاحظ هو شرودها فهتف بغرور :وسيم صح!!
ريتاج وقد افاقت :بتقول اي؟؟
عمرو:بقولك انا وسيم.. اكيد مشوفتيش حد ف جمالي.
ريتاج بتهكم : مخدوع ف نفسك اوي يا حرام.
عمرو بسخرية :انتي اللي معنديش نظر.
ريتاج وهي تهندم من مظهرها وتناول الكوب في يدها : انا معنديش نظر!!! مش يمكن انت اللي مفيكش حاجة تخليني ابصلك... ميرسي مرة تانية.. وعن اذنك بقا.
وقامت تاركا اياه ينظر علي أثر تلك الحمقاء.
عمرو وهو يتناول كوبه في يده وهاتفه ويستعد للرحيل :اب المجنونه دي .
..
..
في الخارج أوقفت ريتاج تاكسي وركبته ومجرد ان صعدت أمسكت الهاتف لتهاتف صديقتها.
سارة بزعيق :كل ده تأخير.
ريتاج :اخرسي بقا خليني احكيلك اللي حصل.
سارة : احكي.
قصت لها ريتاج كل ما حدث.
سارة بذهول : ياجبروتك خليتيه يشتريلك واحد جديد وانتي اساسا اللي كبتيه عليه وبهدلتي هدومه!!
ريتاج :هو اللي غلطان مش انا.
سارة :لا انتي.. انتي اللي مش ماسكة كنتي الحاجة عدل.. وكمان بهدلتيه.. طب هو ازاي وافق بسهولة؟؟
ريتاج بضحك :هددته اني هصوت وهلم الناس واقول انه بيعاكسني وحاول يتحرش بيا وانا كبيت عليه البتاع عشان هو كان عايز يتحرش بيا.
سارة بصدمة :يخربيت جنانك... طب هو مش طلع ظابط اي اللي خلاه يوافق من الاول مكان قادر انه يرفض ولو عملتي اي مكانش هيحصله حاجة.
ريتاج بتفكير :مهو ده اللي محيرني.. بس مش مهم بقا.
سارة وهي مازالت مذهولة : بجد انتي مجنونة.
ريتاج بضحك :شكرا... المهم انا هروح. وبعدين هانام بقا.
سارة : اوك.. باي.
مجرد ان اغلقت ريتاج مع سارة فإذا بهاتفها يرن مر اخري ويعلن عن اتصال من كارما.
ريتاج بأبتسامة :الو يا كوكي.. I miss you.
كارما بتوتر :هاي... I miss you too.
ريتاج بقلق : hi!! What is wrong with you ؟؟
كارما بتوتر : جالي عريس ومحتاجاكي معايا.
ريتاج بفرحة : واااااو بجد مبروك يا قلبي.
كارما : مبروك اي بس لما اعرف بابا هيوافق ولا لا!!
ريتاج بخبث :طب انتي موافقة ولا لا؟
كارما بتوتر :الصراحة معرفش.
ريتاج بضحك :يبقي مش موافقة خلاص متتعبيش نفسك.
كارما بسرعة : لالالا موافقة.
ريتاج بضحك :شكلك واقعة.
كارما :جدا.
ريتاج بفرحة :ربنا يتمملك علي خير يا قلبي.
كارما :يا رب.. بصي عايزاكي تجيلي ومتسيبينش لوحدي.
ريتاج :من عيوني... هكلم ماما اقولها وهاجيلك.
كارما :هو انتي مش ف البيت؟
ريتاج :لا انا بره.
كارما :خلاص مستنياكي.
ريتاج :من عيوني... يلا باي.
**********************
في منزل ادم :