البارت الحادي عشررر
متى تشعر بي
هيلانه اريد اسئلج سؤال وجاوبيني بدون كذب
وبعدها كلشي راح يتغير كلشي صدكي
بس كون اكدر اصدك جوابج
....شنو السؤال
......يمكن بالبدايه احب اوضحلج بعض الامور و
من قبل كنت اشوفج دائما قريبه من اوس وهو هم وبرغم فرق العمر بيننا بس هذا الشي خله بيني وبين اوس منافسه بدايتها كانت بدون كلام وبعدها زادت
كنت احاول احميج وادافع عنج بس انتي جنتي دائما بعيدة
صرنا كأنما فريقين انا ودينا وانتي واوس
هاي واحنا صغار
بدينا نكبر ونتغير وبقيتي انتي ماخذة طرف واحد
وساكته وجان سكوتج يقتلني وكمت ابتعد
بس ماكدرت حتى لمن دخلت اعداديه
وراها كليه وعشت بمجتمع راقي وسافرت وشفت بنات
بكد شعر راسي بيهن المثقفه وبيهن الجميله جدا
وبيهن الي مستعدة تنطي هوايه شغلات بدون مقابل
وبيهن بت العائله
وبنت الطبقه المخمليه وهذني كلهن راد مني كلمه
وحدة ماكلج ماسويت علاقات ومااكلج
مابست وحدة وماحضنت وحدة بس القرب منهن
مثل التراب بس يجي الهواء يطيره
جنتي انتي الي واكفه بيننا
انتي الي جنتي تمنعيني ومن ارد واذكرج اكول هي تحب اوس ولان دائما جان اوس يوضحلي بتصرفاته انو بينكم شي اكثر من الحب وهذا الشي جان يخبلني يخلي برج من راسي يطير ماكدرت احجي ولاكدرت اكول لااحد
ولاحتى ردت افكر ماردت اعيش بعذاب
تركت الوجع للايام بس كلما جنت اشوفج جنت اتعذب
لان من نحب انسان وهو دائما كدامنه وكدام عينه بس منكدر نعترفله ولانكدر نكله احنا نحبك
شعور صعب لاابعد الحدود
البشر عبارة عن كتله من الاحساس مايكدر يموت احساسه
واوس ودينا جان الهم الفضل الكبير بهذا الشي
حاولو بكل الطرق يخلوني اعتقد بأنج تحبين اوس وانو بينكم شي
بس اني كنت احاول انو اكذب نفسي
اكذب الي اسمعه لان اعرف اخلاقج وهذا الشي جنت اكوله لروحي
ولكن وصلت لمرحله بعد مابيه اتحمل هذا الضغط اكثر
وانتي جنتي حاجز بيني وبين كل وحدة اريد احبها او اتقدملها
فقررت انولازم اخطي خطوة
وقررت اخطبج كلت لاامي
مكان عدها اعتراض كانت جوابها هو سكوتها حتى لو معارضه هم جان مهتميت
اني محد يملي عليه قراراتي
ورا تقريبا عشر تيام اجاني اوس وكلي اني مااسمحلك
تزوج هيلين هي تخصني هي مالتي
كمشت نفسي وحاولت ماابين انو اهتميت لحجيه بس بعد ماكدرت كمت اريد اضربه طلع تلفونه
كلي شوف الي بيننا
جريت التلفون من يده جانت صورتج بتلفونه انتي ماعدة بصفه
كعدت متحملت بعد
كلي موكلتلك علاقتنا اقوة من كلشي لتحاول اتخربها
كلت هذا كذاب ويجوز انتي فعلا طاكه الصورة لان اعرف بيكم انتو دئما لو يمنا لو بيتهم
كتله و طاكه الصورة عادي شكو بيها
وكلي اني وهيلين عدنا علاقه قصدة بينكم شي من نوع اخركتله بوكتها كذاب كلي البارحه جانت يمنا بايته بيتنا وحتى هي نامت بغرفتي اسئلها اذا تريد وغمزلي وكلي
دينا جانت يمكم الصبح يعني البيت فارغ بس امي وامي نايمه
وفعلا دينا جانت يمنا اجتي الصبح جابت غراض جانت امي راديتها وبقت كاعدة مايقارب الساعه
كلت معقوله هو عندة الجرأة هيج يكذب
وطلعلي رساله بخط يدج كلي اقراها
جانت بخطج لان اعرف خطج مكتوب
بيها هوايه كلام بس جنتي كاتبه اني ماارتاح بمكان بس من اجي يمك واحضنك
ماادر شنو جان الشعور الي بيه
بهذاك اليوم تخبلت كرهتج واحتقرتج
سئلت خالتي فوزيه كالت اي يحبها وتحبه وسئلت دينا كالت اي هما من زمان بينهم علاقه واحد يحب الثاني بس برغم هذا اوس ميزوجها
كتلها يعني يلعب عليها
كالت اي ميزوجها حسيت بالخنكه وردت احجي وياج
بس شكدر اكلج وشلون اواجهج بهيج شي
سكتت وسكوتي دمرني تعبت وتعبت نفسيتي واخذت السكوت هو الحل الوحيد
كامت دينا تتقرب مني
ومرتين تلاثه حضنتني يمكن استغلت الوقت الي اني بحاجه لوحدة جنت احضنها بس اشوفها انتي ومرات هوايه ابعدها عني بس هي تصر
ودكلي اني اريدك اني احبك
