البارت الثامن .
دمجت كل بارتين سوة . . قراءة ممتعه .
✍ rose_____ali
.
ام حيدر . ياروح امك لتشغل بالك . ركز بنفسك ودير بالك على روحك . لان نريدك ترجع النه سالم يبعد قلبي . مروة اليوم هنا يمنه كاعده هي والبنات . هاك احجي وياها .
احلى شي من يكون النت مكطوع فتره طويله وفجاه يجي وتتصل بوالدتك واهلك وتسمع صوتهم ويسمعوك . كلهم كنت مشتاقلهم وافكر بيهم بس اشتياقي المروه غير . احس روحي مشبعت منهه ولا راح اشبع .
مروة ...
اخذت الفون من خالتي وخليته ع اذني كنت اسمع صوت نفسه . مكدرت احجي شي احس العبره خنكتني اريد اكون بحظنه هسه كلش مشتاقتله الى ان حجه هو . .
.
حيدر .
اوف شلون احس قلبي اشتعل نار من سمعت صوت انفاسهه .
.
شلونج حبيبتي . شلونج عمري وروحي وقلبي مشتاقلج وحق علي .
.
مروة . (😭 بجي ) . واني هم حبيبي كلش مشتاقتلك .
.
حيدر . يروحي ليش تبجين . ليش تكسرين قلبي بدموعج .
.
مروة . مو بيدي والله اني كلش مشتاقتلك شسوي .
.
حيدر . ميخالف حبيبتي تحملي ان شاء الله انزل واسويلج احلى عرس . اله اخلي الدنيا كلهه تحجي بي يوم عيد واشوفج لابسه البدله البيضه . يوم عيد وانزف عليج . ولج انتي حلمي ليل ونهار افكر بيج . بس خليج قويه يا روحي فتره وارجعلج والله . احبج
.
مروة . حبيبي لتشغل بالك اهم شي انت بخير ان شاء الله ترجعلي سالم ربي يحفظكم من كل شر واني هم احبك ياروحي واموت عليك والله . هاك هاي خالة تريد تحجي وياك .
.
ام حيدر . يبعد روح امك . ما اوصيك ع نفسك . اكل زين يوم . ولتفكر بشي وتشغل بالك .
.
حيدر . صار يمه من عيوني .
بقيت احجي ويه امي وحجيت ويه خواتي و وصيتهم ع نفسهم . سديت الخط منهم واني مرتاح . رجعت كعدت يم اصدقائي . سجاد وعلي ومهيمن ومحمد وثائر جانت لمه جبيره . متجمعين على شكل مجموعات من بعدهه اجتنه اوامر بالتحرك لتحرير مناطق اخرى ...
مشت الايام واحنه مابين مساعده الناس وانقاذهم ومابين تحرير المناطق مابين الصعوبات الي نشوفهه مابين الجوع والعطش والحر والبرد . بتاريخ ٢٤/١/٢٠١٥ تم تحرير المقدادية وبقيه مناطق ديالى هنا جانت بالنسبه النه مئسات مفرحنه بيهه ابد . استشهدو بيهه اصدقائي مهيمن ومحمد وثائر من غير البقيه الي راحو الله يرحمهم ويغفر الهم وهنيئاً الهم الشهاده .الانتصارت الي صارت متحدث لو ما تتقدم بيهه تضحيات وهذه التضحيات هي دماء وارواح شهداء الحشد الشعبي والجيش العراقي. بوقتهه نطونه اوامر انه الي يريد ينزل للبيت يكدر لكن اني رفضت انزل وحتى رفضت اتصل هالفتره لان كنت متأذي كلش على اصدقائي ومبين كلش عليه فمردت اهلي يعرفون بالي يمر عليه حتى ميضل بالهم . وهالمرة يقلقون اكثر .. انتقلنه من معارك الى اخرى بتاريخ ٢٣/٥/٢٠١٦. بدينه بمعركه الفلوجه استمرت شهر و٣ ايام الى ان رجعناها بيد القوات العراقيه . بتاريخ ١٤/١٠/٢٠١٦ اتجهنه الى الموصل بهذا التاريخ انطلقت عمليات تحرير الموصل . قبل متتحرك قواتنه كتبت رسالتين ودزيتهن الامي والمروة عبرت بيهه عن اشتياقي الهم وانه اني بخير ومابيه شي مكدرت اتصل بيهم بسبب سوء الشبكات وانقطاعهه . انطلقت قواتنه نحو الموصل اكثر شي مفرح بيهه كانت بعض العوائل ترحب بينه وتساند وتدافع ويانه لكن اكثر شي يضوج انه من تشوف ايضا عوائل عراقيه بس هي ضدك و وية عدوك . رغم كل هاي الامور مشينه بخطواتنه وكيف من يشوفونه الاطفال يتمسكون بينه بسبب خوفهم ومعاناتهم بسبب الانذال الدواعش كدرنه ننقذ عدد لا بأس به من العوائل . لكن تشوف هذه مدينة الموصل الي هي من اجمل المدن كيف تهدمت وشلون صارت كيف اثارهه وجوامعهه وكنائسهه متهدمه .ومنهوبة . تفرقنه الى مجموعات قريبه من بعض و بدينه نمشط الاحياء السكنية جنه نشوف مواقف متكدر توصفهه من الالم الي بيهه عوائل ايام مماكله اطفال وشباب تحت الانقاض.. المصابين برصاصه او شضيه وممتعالجين بسبب محاصرتهم هواي امور منكدر نذكرهه او نعبر عنهه لو شنو نسوي مراح نكدر ننقلهه بالصورة الصحيحه المجموعه الي اني بيهه سجاد وعلي وحسين ولد ثنين بعد هم من اهل العمارة . والمجموعات الثانية طبعا هم قريبه علينه تمركزنه بعدة اماكن . بعد ما عرفنه انه امامنه اكو تحركات للدواعش . صعدنه ع صطح بيت بعد ما امنه داير مدايره . واخذنه مواقعنه وتمركزنه وبدينه احنه نشاقه نضحك بيناتنه
.
علي . تدرون شنو حلمي انه هسه وشنو اتمنى
.
سجاد . شنو
.
علي . قبل لا استشهد ازور كربلاء .
.
الكل . ياريت والله .
.
حيدر . وتدري انه شنو حلمي .
.
علي . اي شنو
أنت تقرأ
حلم شهيد
Romanceبسم الله الرحمن الرحيم . مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا . تقول رصاصةٌ بعد استخراجها من جسدِ شهيدٍ:كنت ٲنوي العبورَ بجانبه ،...
