❤❤العصبي والمغرورة ❤❤

تفاعلوووو

الكاتبة. Shaimaa shosho

الحلقة العاشرة 💖

شبحت لمراد وهوا يشوفلي وكان يهز في راسه بمعنى لاا ماتسيبينيش

بابا : جوري بكلمة منك تنهي كل شي او تخلي كل شي زي ماهوا

اني قعدت نفكر (توا فكري ياجوري القرار عندك لو تبيه وتحبيه اقعدي ولو ماتبيشي وتكريهيه سيبيه توا اني مش كنت نبي نشوفه ومستاحشاته شن معناها نحبه لاكن هوا كان مع نورا زعمة استغفر الله جوري خلاص ياسر باهي هوا يندري ان هيا مش جوري لاكن خلاص حسمت القرار )

اني مشيت لبابا وخديته ع جنب

اني : بابا اني نبي وقت نفكر ونراجع روحي قبل نبي اول شي نرتاح نفسيا وجسديا تعرف انت الي مريت بيه في الفترة الاخيرة كان مش ساهل وكأن كابوس نبي نقعد اليومين هادوا اهني نراجع روحي زين وبعدين نقولك لو رتحت او مارتحتش

بابا حط يده ع كتافي : بنيتي جوري انتي كبرتي وانتي أدرى بمصلحتك هدا حوشك وهدا راجلك اني من جهتي مادبيا تقعدي اهني مش حتلقي زي مراد راجل مصنع المنع والاهم من كل شي يقدر يدير باله عليك لاكن اني مش حنجبرك على شي يلي تبيه اني فيه وكوني متأكدة راحتك عندي اولى من كل شي

اني ابتسمت وحضنته (رتحت لكلامه هلبة لانه واقف معاي ❤) : ربي مايحرمني منك ويطولي في عمرك

بابا باسني على راسي : ديري بالك على روحك جوريتي

اني ابتسمت : حاضر بابا

ومشيت خشيت بدون ولا اي علامة على وجهي لاعطيت الضوء الاخضر ولاعطيت الضوء الاحمر

مراد يشوف او بالاحرى يراقب وبسس

مشيت ركبت واني نشوف للدروج نتهرب من عيونه ومن كمية الاسئلة الموجودة فيهم مانبيش نتوه واني نفكر كيف حنكمل باقي حياتي نبي نجرب هاليومين ونفكر كويس نبي نتأكد من مشاعري ومشاعره هلبة اسئلة الدور في دماغي نحس في روحي بنهبل نبي اجوبة وبسس

وصلت قدام الجناح فتحت الباب وخشيت كل شي قاعد زي ماهوا مافيش تغيير اصلا طبيعي مش حيتغير شي خشيت لداري واني نتفقد فيها بعيوني وكأن في شي رايح مني واندور عليه غمضت عيوني وخديت نفس واني نستنشق في ريحة عطره يلي ليا وقت طوييل ماشميتهاش

________

بعد ماطلعو عمي محمد وباقي الضيوف كلمني بوي

بوي : برا ياولدي شوف مرتك كيف حالها وانشاءالله مايكون خاطرك الا طيب

امه : برا ياولدي ربي يهديكم انشاء الله ومشوا وخلوني

غمضت عيوني واني نستنشق في الهواء بالقوة
يارب جوري ماتسيبنيش يارب اني حبيتها من كل قلبي يارب حنن قلبها عليا ياربب وركبت للجناح خشيت لقيت باب الدار مفتوح خشيت نسمع في صوتها الدندن وهيا في الحمام ابتسمت الله قداش ليا ع وجودها في داري ❤😃🙁