عيناك تكفي لاحتضاني

البارت 20

هلو عيني هلو
شلونكم حبيباتي😍😘

واسفة ع التأخير مومني بسبب النت ماكان يحمل البارت وصارتلي مشكلة بيه ❤
.
.
.

عفيةدنيا الماشفت
بيهاحنان..

وعفية دهري اليطعن
بگلبي طعن..

وعفيةوگتي هواي
راواني الهموم..

ردت اضوگ الفرح
ضوكني الحزن..

ادري ياربي امتحانك
صعب حيل..

ردت فرحةارتاح
ونوب امتحن..

جذب كلمن گال
غابة الدنيا هاي..

لاوحق الله
ترى الدنيا سجن..💔.
.
.
.
.

لزمتها من زنودها وهزيتها وهمستلهاواني صاكةعلى سنوني
وكتلها

_احجي لج شنوووو الي صاير بينكم احجججججي بس لا الي ببالي..

من بين دموعها شاورتني باذني

وصدمتني..

ولطمت على خدي وكلت

_لج صخام الي صخمججججج..عزززززا.

ظليت الطم وبسكتة ماريد احديسمعنا..

وضربتها راشدي قوى...

كامت تبجي بحرگة وتلزم ايدي وتبوس بيه وتتؤسل

وتكول.. دبريني خالة شسوي؟

_شدبرج يلمصخمة شدبرج

جاوبيني
احديدري بسالفتج وكسرتج؟

_لااااا محد يعرف

_وين وشلون كسرج؟

_ جنت مرات من اروح للدوام للمدرسة..
اطلع وياه نروح بسيارته لاي مكان محديشوفنا بيه..

جنت اوهم اهلي بالبيت اكول لهم اني رايحة للدوام

بس اني ماروح ولااداوم بذاك اليوم من الباب اصعدوياه وارجع قبل لايخلص الدوام..

فديوم من الايام من طلعت وياه
اخذني طريق خارجي..

كالعادة جنا من نطلع نتباوس نتحاضن

_لحظة.. لحظة شنووو شنووو ليششش؟!!!
وين عايشين ياغبية وين بأمريكا ولج شنومن جيل تعبان انتو الله ياخذج وياخذ كل وحدةمثلج

كملي كملي احجي بطولاتج

كامت تبجي..
_خالة لاتلوميني والله الي يحب موبيده موبيده

_كملي احجي...

_من وصلنا المكان المنعزل كام لزم ايدي

وسحبني وحظني وهو يبوس بية يحجي

كال... اريدج وراح اكسرج حتى اهلج يرضون بية

من سمعته تخبلت..