عيناك تكفي لاحتضاني

البارت 22

هلو حبيباتي هلوشلونكم  غالياتي  😍❤💋
.
.
.

ثگل نومي
وگمت ما افز بعد علصوت
افز من يرفس بعيني طيفك
         ويفوت 🌸
.

.

.

فتحت الباب ودخلوا اهلي
وابوية دخل وكام يصيح علية من شاف وضعها وامي واختى التهوا بيها..

صيحت بعلو صوتي وكتله لابوية

_شمس طالق وخابروا اهلها خل يجون ياخذوها...

ابوية بصياح_ ولك  شنو  طالق  وبكيفك  غيرنعرف  شبيكم؟

_بت  اخوك المصون  الي  ضيعت  عمري  كله  اريدها  واريدها  ومن  اخذتها  تطلع  تخووووني

الكل  فتحوا عيونهم  باستغراب 
وامي  شهكت  وحطت  ايدها  على  صدرها من  هول الصدمة

اختى  زينب  كام  تلطم  وتصيح  وتكول  عززززا  عززززاااا

وتقى تلطم بسكتة على خدها

ابوية  صرخ... ولك  احترم  نفسك  بت  اخوى  اشرف  من  الشرف شتحجي  ااااانت

لاتتبلى عليها  قبل لاتتأكد شلون عرفت؟؟!!!

طلعت الموبايل من جيبي وخليته كدامهم وكتلهم شوفوا هذا الموبايل سري مااعرف بيه

المدام تتصل بي بحبيب القلب الي مااعرف منو وصوته موغريب علية صوت سامعه من قبل الا الكاه صاحب الرقم الي اتصل وساعتها العن سلف سلافاه...

وجان مانحس الابصوت طبة ووكعة

باوعنا باتجاه الصوت كلنا وجان نلكى تقى اغمى عليها ...

زينب ركضت لبتها وامي لازمة شمس الي شبه فاقدة وتون

ابوية واكف محتار ويضرب ايد بايد مايعرف المن يفزع

رحت لتقى واني مفزوع الها ومتفأجى لسبب وكعتهاواغمائها..

جست النبض  بطئ كمت اضربها
ضربات خفيفةعلى وجهها حتى تصحى...

وزينب تبجي وتنوح وتصيح..

_يمة بنتي شبيها وج يمة يبووو

صرخت عليها...سكتييييي كلشي مابيها..

فكت عيونها تقى على أثرالضربات
وحظنت زينب بتها وهي تبجي

كمت على حيلي اريد اطلع من البيت كله واهج اختنكت وماريد اشوف احد

ردت اطلع اسمع امي المخبوصة بشمس الي اسمع صوت شهكاتها وبجيها

امي_الحكلي  امير  بت  الناس  لايصير  بيها شي

صيحت على امي بغضب...
_انشاءالله تموت ماعلية بيها...عفتهم ونزلت

رغم اسمع صياح ابويةعلية..