عيناك تكفي لاحتضاني

البارت 6

💫🌹
وفي ختـام العيد اقول لكم . . .
عسـى تعـود  الأماني و تدور الأيام،
ونـرجـع نعـايـدكـم سنيـن عديدة و أعوام مديدة‏
الحمدلله الذي جعلنا نعيش ونستمتع بأيامها ،
، وبلغتنا العيد وعشنا أيّامه، جبر الله قلب من فقد ، وأمد في عمر من بقى ،
اللهم لك الحمد حمداً كثيراً تطيب به الحياة،
أسعد الله أوقاتكم برضا من الله سبحانه وتعالى وحياة كلها أعياد وراحة بال💖🤩😘
💫🌹

.
.
.

عنك سولفت حتى وي نجم الليل

وخاويت السهر والليل ونجومه

نيمني السهر ويكلي كافي ارتاح

انسى الي تحبه واترك همومه

يعاتبني الكمر ويكلي شعندك وياي

اكوله بوجهك اني اتذكر رسومه

حقها الروح تشتاك

والشوك مو عيب

بس عيب اليخلي الروحو مهمومه..
.
.
.
. فتحت  عيوني  من سمعت   صوت  عمار  ظليت  اصرخ  واحاجي  السستر  اريدبس  اشوف  ابني..

فعلا  بس  لفوه  انطوني  اياه  بحظني  بس  وجهه الزغير  وجسمه  الضعيف  دموعي  كامت  تنزل من  وحدها..

كان  نسخةمن  ابوه  بشعره الاسود  وعيونه  السود 

اتلمسته  وكتله..
نورت  الدنيا  بجيتك  حبيب  امك   انتظرناك  سنين  اني  وابوك  ومااجيت 😭

ليش  اتاخرت  وخليتها حسرة بگلب ابوك  مالحك  يشوفك  ويفرح بيك 😭

ظليت  حلم  وامنية عنده  استشهدومااشافك 😭

صدري اختنك  وكمت  ابجي  بشهگة  واني  اناديه  بگلبي واكوله  ياسر اكعد  ابنك   اجي للدنيا  حبيبي   تعال  شوفه  شلون  يشبهك..

واني ابجي  دخلت  امي  وعمتي علية  ولزمني..

جانن برةماجانوا يخلون احديدخل ويةالحامل لصالةالولادة..

فبقن برة  ومن طلعوني من الصالة اجني..

امي.. يايمةموزين عليج  البجي  وانتي نفسة اذكري  الله  ولاتعذبين  المرحوم  بگبره..

عمتي  ودموعها تصب  بسكتة  وتمسحهن  بشيلتها..

اخذت  مني  عمار  وهي  تكول..

اللهم  صل على محمد وآل محمد  فدوةبعدبيتي  نسخةمن المرحوم..

ونزلت بوس على راسه ومتنه..

وامي ساعدتني ويةالسستر وبدلولي ولموني وكوموني  للعربانة حتى يودوني للردهة..

ودوني للردهة..

وعمتي شايلة عمار وامي تدفع بيةواني بالعربانة

ونوموني  ع السرير..