واخيرا حبينا بعض

البارت 40

ا

لباااارت  الأخيـــــــــــــــــــــــــــــــــــــــر
قرررررب يوم الاحد راح انزله
-----------------------------------------------------------------------
.. أما عند مرام ..
طلعت من الغرفة وهي تمسح دموعها .. نزلت من الدري .. شافت أمها قاعده في الصالة تطالع التلفزيون .. مرام وهي تحاول تمسك نفسها : ماما
لفت أم مصعب وابتسمت لها: هلااا والله بعروستنا الحلوة
مرام شوي وتصيح: ماما من خطبني .. أقصد شسمه .. منوو يعني
أم مصعب وهي تبتسم ومستغربة في نفس الوقت: شفيج يا قلبي .. ههههههه كل هذي لأنج مو مصدقه
مرام : ماما بليـــــــز
أم مصعب: جاسم ولد عمتج
مرام على طول تركتها و راحت غرفتها لبست عبايتها وشيلتها وتوجهت لغرفة حمد .. طقت الباب ودخلت .. شافته قاعد على اللاب توب .. مرام: حموود
حمد بملل: أووف شتبيـــــــن
مرام: قوم ودني حق نورة توها داقه علي تصيح ما أدري شفيها
حمد من سمع أسم نورة فززز من مكانه كأنه أحد قارصة .. حمد بخوف: شفيــــها
مرام: شوي تعبانه .. يلااا أمش ودني لها
حمد وهو ياخذ سويج سيارته: يلااا إمشي
-----------------------------------------------------------------------
في بيت أبو سعد (في نفس الوقت)
.. في غرفة رغـــد وسعـــد ..
توه راجع من الدوام .. دخل غرفته شاف رغـــد راقده .. ابتسم و راح يبدل ملااابسة .. بعدها راح لجهة السرير و انسدح يمها .. سعد وهو يهمس عند اذونها: رغووده حيااتي قومي بسج نووم
رغد:........................
سعد وهو يبوسها من ارقبتها: رغوووده حياااتي قومي بسج نووم
رغد: همممم
سعد وهو يحضنها من ظهرها يعني ظهرها ملاااصق لصدره .. باس ارقبتها بقوة .. سعد: قلبي رغووده بسج نووم قوومي مو معقووله طوول اليووم نايمة
فتحت رغد عيونها بتكاسل: حبيبي تكفى أبي اناام
سعد بزعل: أوووف كله نوم × نوم أبي أقعد معااج أسوولف مثل أيام قبل .. ولااا شكله رااحت أياام قبل
رغد حست إنه زعل: والله حيااتي مو قصدي .. وهذا أنا قمت وما بنام
عدلت نفسها وهي تبتسم له .. رغد بدلع: بس لااا تزعل بليــــــــز
ابتسم سعد على دلعها : طيب قوومي غسلي ويهج وغيري ملااابسج وجهزي نفسج خليــنا نطلع نغير جووو
رغد وهي تأشر على عيونها و بـ حب: من عيووووني ياا عيووني إنت والله
سعد وهو يبتسم : تسلم لي عيوونج ياا قلبي
-----------------------------------------------------------------------
في سيارة حمد (الساعة 4 العصر)
.. كانت سيارته واقفه يم بيت أبو خليل .. مرام وهي تفتح باب السيارة: حموود إنت رووح وبعدين تعاال لااا تنتظر يعني مر علي على الساعه 5 ونص بالكثيــر أوكي
حمد وهو خايف على نورة:أوكــي .. بس تكفيـــن طمنيني عليها
هزت مراام راسها وهي تتصنع الإبتساامه .. بعدها فتحت الباب و نزلت من السيارة تاركه وراها قلب خايف و متلهف على حبيبته .. دقة مرام جرس البيت و فتحت لها الخدامه .. دخلت مرام من دون ولاا كلمه وعلى طوول توجهت لغرفة نورة .. طقت الباب وفتحته قبل لااا تسمع رد .. شافتها نورة وراحت سلمت عليها بفرح .. نورة: هلاا والله .. مرووم عندنا اليووم من وين طالعه الشمس
مرام وهي مو حابه تبين لها أي شي لااازم تكون عاادي .. ابتسمت من ورى قلبها: بعد إشتاقيــت لج
نورة: تشتاقلج العاافية ياا قلبي
مرام وهي تقعد: أمم ترى ما بتأخر واايد لأنه حمد راح ياخذني على الساعه 5 ونص بالكثير
دق قلب نورة وابتسمت: أهاا
مرام ما قدرت تخفي توترها: نويرة أممم شخبارج شمسوية
نورة وهي تبتسم: ماشي الحاال .. ههههههههه
مرام إستغربت من نورة : شفيج !!!
نورة وهي تطالعها من طرف عيونها: عليـــنا هااا .. عيل طلعتي تحبينه وهو يحبج وإنتوا قاصين علينا على سالفه إنكم مثل حسبت إخوااان
مرام في نفسها "لااا ياا نورة لااا تزيدين إلي فيني مو كفــــــــايه .. إني ماسكه نفسي للحيـــن" .. حاولت ما تبين حزنهاا ولااا تضعف .. ابتسمت وهي تحس بـ نـــــــار: إلااا ما قلتي لي شخبار ساروو
ابتسمت نورة وهي عارفه إنها تحاول تضيع السالفه .. وعلى بالها من الخجل .. نورة بـ فرح: زينه .. اي خبرتها عن ملجتي وملجتج
نزلت مرام راسها بـ هم .. هي مو عارفة شلون تطلب عنوان سارة من دون ما تشكك نورة .. ضغطت على نفسها ورفعت راسها وهي راسمه إبتسامه مافي أحلى منها .. مرام: أممم نويرة ممكن تعطيني عنوان سارة علشان نفسي أعزمها بنفسي على الملجه ..
كانت كل كلمه تقولها تخنقها العبرة بس مطرة .. نورة وهي تقوم وتقعد يمها: هي في (وقالت لها العنوان)
مرام سجلت العنوان عندها طبعا في التلفون .. وقامت تسولف شوي مع نورة وبالهاا مشغوول وتتمنى الوقت بسررعه يمشي علشان تكلم ساارة
-----------------------------------------------------------------------
في مجمع البحرين (الساعة 5 المغرب)
توهم طالعين من المجمع متوجهين للسيارة .. وهي تمشي فجـــأه حست بـ الدنيا تدور فيهااا .. كانت بتطيح لكن يده كانت أسرررع .. سعد بخووف: رغووده حياتي شفيج
رغد بتعب: ولااا شي بس فجأه حسيت بدورة .. يمكن لأني ما رقدت عدل
سعد وهو يسندها لين ما وصلو السيارة: الله يهدااج كل هالارقاد إلي رقدتيه ما شبعتي ما شاء الله عليج
سندت رغد راسها على الكرسي بتعب : والله أنا بعد مستغربة من نفسي كله أبي أرقد .. شكلي بصخن
لف سعد عليها: رااح أوديج المستشفى
رغد : لااا تكفى والله ما فيني شي .. بليز خل نرد البيت
هز سعد راسه وهو مو مقتنع: أوكي
في طريج العودة .. كانت السيارة هادئة ما فيها أي صوت
.. فجــاة .. رغد وهي تحط يدها على شفايفها : وقف وقف
وقف سعد على جنب وهو مفزوع من حركتها .. فتحت الباب و استفرغت (كرمكم الله) .. سعد بخوف عليها: إنتي زينه
هزت رغد راسها وهي تحس بلوعه مو طبيعيه .. حرك سعد السيارة متوجهه للمستشفى ..
-----------------------------------------------------------------------
في قصر أبو نايف (في نفس الوقت)
في الصالة كانت القعده أحلى ما يكون .. أم و أبو نايف .. و رنا و رنيم و مي و نايف إلي محاوط مي من خصرها ومو راضي يتركها .. مي ويها المنقلب ألوان من الاحراج و بصوت محد يسمعه غيره: حبيبي بعد شوي
نايف وهو عاجبة الوضع: لاااا
مي وهي تطالع الشلون الكل يطالع فيهم ويبتسم ... تحس شوي بتصيح من الاحراااج .. مي بصوت شوي وتصيح: تكفى نيوووفي
نايف إلي رحم حالها : طيب رحمتج
ماصدقت فك يده منها على طول قامت .. أم نايف وهي مستغربة: وين رايحه
مي بخجل: بروح غرفتي .. حاسة بشويت تعب
أبو نايف: لااا يكون مريضة ولااا فيج شي
مي: لاا مافيني إلااا كل خير بس شويت تعب من قعده الصبح و ما رقدت
أبو نايف : طيب تعشي بعدين روحي نامي
هزت مي راسها وهي راسمه إبتسامه محليتها أكثر: لااا مشكوور يا عمي .. بس مالي نفس .. يلااا تصبحون على خير
الكل: وإنتي من هله
.. راحت مي لـ جناحها وعلى طول لغرفتها .. وانسدحت على السرير .. سمعت صوت تلفون نايف يدق .. طنشت لين ما سكت .. لكن المتصل ما إستسلم وصار يدق على مرات متتالية .. مي قررت ترد على المتصل وتقول له إنه بيرد يتصل فيه مرة ثانية .. رفعت تلفون نايف إلي كان موجود على السرير .. شافت المتصل "حصة بنت عمي" .. مي: ألووو
حصة وهي ميزت الصوت وابتسمت بخبث وسوت روحها ما ميزت صوت مي .. حصة بصوت كله إنوثة: ألووو هلااا والله بـ قلبي نيوفي وحشتني .. تراني زعلانه عليك قلت لي بتتصل فيني بعد ما تطلع من عند المريضة وانتظرتك وما اتصلت ..
حست بصدمة .. مي بعصبية وغيرة أعمتها:قلبج من يا قليلة الأدب يالي ما تستحين على دمج ..
حصة إلي عصبت من كلام مي: إنتـ........ "طووووطـــــــــ"
قطعت الخط في ويها .. على دخلت نايف .. لفت عليه والدموع متلايمه في عيونها .. مي في قلبها "ما صدق إنك تلعب علي وتكلم بنت عمك من وراي .. شكل حياتي عمرها ما راح تتحسن .. وعمري ما راح أرتااح .. آآآه يا نايف عيل أنا المريضـــة"
.. نايف وهو مبتسم بس سرعان ما تلاشت إبتسامته يوم شاف دموعها مغرقة عيونها .. نايف بخوف: قلبي شفيج عسى ما شررر !!!
مي وهي مو قادرة تمسك دموعها وبصوت مخنوق: ليـــــــش ؟؟
نايف مو فاهم شي: ليش شنووو
مي وهي تلف عنه .. وتعطيه ظهرها: ولاااا شي
نايف وهو يلفها جهته: ميمي قلبي
حطت مي يدها على شفايفه .. والدموع مغرقة ويها .. مي: لااا تقول لي قلبك ولااا تكمل .. لااا تقص على نفسك ولااا علي .. تكفى نايف خلني بروحي
نايف مو فاهم شي .. بس تركها وطلع .. وهو مقرر ما تعدي الليله إلااا وهو عارف شسالفة
-----------------------------------------------------------------------
في بيت أبو خليل (الساعة 5 ونص المغرب)
كانت طول الفترة وهي مع نورة بالها مشغول وتفكر بالكلااام إلي رااح تقوله وترتب أفكارها .. مرام في نفسها "إذا قلت لـ سارة .. شلون راح أنهي الخطبة .. أممم معليش كل حادث وله حديث .. المهم أعلم سارة بسالفة" .. طالعت الساعة .. مرام "أوووف ويـــنه ذي قلت له تعال لي 5 وشي و الحين يات 5 ونص .. ياا رب ما يتأخر" .. نورة وهي مستغربة من سرحان مرام: مروووم
رفعت مرام راسها : هلااا
نورة: شفيج سرحانه
مرام هزت راسها وهي تبتسم برتباك: لااا أبد معااج
نورة: وااضح
قطع عليهم صوت تلفون مرام .. طالعت مرام بالتلفون بالهفــه .. مرام: هذا حموود وصل يلااا لااازم أرووح
نورة وهي مبتسمه بخجل: أوكوو سلمي لي عليه .. مع السلااامه
ابتسمت مرام من قلب لـ خجل نورة: إن شاء الله .. مع السلاامه
-----------------------------------------------------------------------
.. في السيارة ..
ركبت وسكرت الباب .. مرام: السلااام
حمد: وعليكم السلام .. هاا بشري شخبارها
مرام وهي تبتسم: طيبة .. وتسلم عليك
حمد وهو يبتسم بفرحه وارتياح: الله يسلمها ويخليــها لي وما يحرمني منها
مرام : أممم حموودي .. بطلب منك طلب وتكفى لااا تردني
حمد: امم على حسب الطلب
مرام: ودي توديني على هالعنوان .. هذي بيت صديقتي ومن زمان عنها
حمد وهو يشوف الساعة: لااا مو عدله هالحزة تروحيــن لهاا .. وبعدين الحين أنا لااازم أروح المسيد لأنه بيأذن .. وعلى طول البيت خليها مرة ثانية
سكتت مرام من دون تعليق أو أي كلمة لأنها تعرف حمد وطبعه عمره ما راح يغيره .. لاا يعني لاا
-----------------------------------------------------------------------
في بيت أبو سعد (الساعة 6 ونص المغرب)
توهم داخلين البيت .. سعد وهو يصارخ: يمــا يبـــا
أم وأبو سعد: خير شفيك تصارخ
سعد وهو يبتسم: من الفـــــــــــــرحه
أم سعد: دووم الفرحه ياا ولدي بس فرحنا معاك
سعد وهو يناظر بـ رغد إلي منزلة راسها ومستحية: بــــــــــصــــيـــــــــــــــر أبـــــــــــــــــــــــو
دمعت عيون أم سعد من الفرحه وضمت رغد وسعد ولدها: ألــــف مبروووووك
أبو سعد بفرحة: ألف ألف مبروووك
سعد: الله يبارك فيكم
-----------------------------------------------------------------------
.. في اليوم الثاني ..
انتشر خبر حمـــــــل رغـــــــــــــد والكل فرررح لهااا .. مصعب وهنادي سافروا على الساعة 10 في الليل بعد ما ودعوا الكل .. جاسم طول الوقت كان يدق على سارة علشان يفهمها الموضوع بس للأسف يا التلفون مقفول يا ما ترد عليه .. مرام محتارة ومو عارفة شنو تسوي وسالم طول الوقت يتصل وهي ما ترد وبعدها قررت تقفل التلفون لأنها مو قادرة تواجهه بالمصيبة الي هي فيها .. حمد و نورة مستانسين خصوصا لما طلعت نتايج الفحوصات ما قبل الزواج .. مي طنشت نايف بعد المكالمه وزعلااانه عليه والدنيا ضايقه فيها من كل صوب .. نايف مستغرب وخايف على مي بس هو ينتظرها تهدء ويحصل الوقت المناسب علشان يفهم منها السالفه .. جنان عايشة حياتها ولااا على بالها .. حمدان لاااهي في شغله ويتواصل مع جنان بس بالمسجات وكل مسج أهبل من الثانـــــــــــــي .. مشاري الكل فرح له بعد ما عرفوا إنه الذاكره رجعت له .. هيام طايرة من الفرح علشانه .. سلطان قرر يترك البنات والمغازل ومفكر يكلم إمه إنه يبي يكمل نص دينه
-----------------------------------------------------------------------
في بيت أبو مصعب (الساعة 4 ونص العصر)
كان الكل نايم .. وحمد طالع مع ربعه .. كانت قاعده في الصالة تطالع التلفزيون وبالها مشغول بـ سارة وجاسم وسالم .. قطع عليها سرحانها صوت جرس البيت .. قامت بتكاسل وراحت فتحت .. صدمــــــــــــــة ..
مرام وهي مو مصدقة : سـ .. ســـارة
سارة وهي تبتسم بسخرية وتلعب بباقة الورد إلي بيدها: إي سارة مفاجأة صـــح
مرام ابتسمت: الحمد الله الله ياابج
سارة بقهرر: علشان تتشمتين فيني .. سمعي زين انا ييت علشان أقول لج شي واحد بس ..
قاطعتها مرام: سارة وإلي يسلمج سمعيني
سارة: أششش ما أبي أسمع منج ولااا شي .. هاج (عطتها الباقة الورد) عمررري كله يا مراام ما كرهت أحد كثررر ما كرهتج .. أكرهـــــــــــــــج ومبروك عليج جاســـم شبعي فيه ..
مشت سارة وراحت ركبت سيارتها وتاركه مرام بصدمة مو مستوعبة
-----------------------------------------------------------------------
في بريطانيا (في نفس الوقت)
توهم واصلين الشقة إلي أجرها أبو مصعب بما إنهم راح يسكنون فيها لمـــده طويلة .. دخلت هنادي وهي ميته تعب تبي بس تنام .. دخل وراها مصعب وهو ينزل الشناط في الصالة .. كانت الشقة كبيـــــــرة مكونه من مطبخ مطل على الصالة الكبيرة .. ويمه غرفة نــــوم وسيعـــه عبارة عن غرفتين في غرفة .. وغرفة تبديل ملااابس وحماميـــن
.. هنادي وهي تقعد على الكنبة وتفسخ شيلتها بتعب: واخيـــراً
مصعب وهو يقعد يمها : شرايج نطلع نتغدى
هنادي وهي تطالعه بتعب: لااا تكفى أنا بس أبي أرقـــــد يعاااانه (جوعانه) نــــــــــــــــــــووووووم
مصعب: هههههه أوكي .. أنا بعد والله يعاان (جوعان) نوووم
قامت هنادي وتوجهة لشنطتها طلعت لها ثياب ودخلت الحمام (أنتو والكرامة) خذت لها شاور وطلعت وهي لاابسة بجامــة وردية طالعه فيهـــا كيوووووت .. كانت تنشف شعرها دورت بعيونها على مصعب ما حصلته .. بس سمعت صوت في الحمام إلي في غرفة النوم .. عرفت إنه دخل الحمام ياخذ له شاور
.. راحت للمنظرة وصارت تمشط شعرها .. بعدها تعطرت وراحت على طول للسرير ومن حطت راسها على المخده نـــــــــــــامت ..