واخيرا حبينا بعض

البارت 42

لعيون نالين حبيبة قلبي 😍😍

في صالة الرياييل (وقت العشى)
قرر يدق عليها ويسمع صوتها.. رفع تلفونه ودق على رقمها وهو طالع من الصالة.. بعد لحظات وصل له صوتها .. مصعب: ألوو
هنادي وهي تضحك:هههههه ألوو
مصعب وهو يبتسم: دووم الضحكة
هنادي:تسلم
مصعب:أقووول هنوووي
هنادي بمزح: بعينك اسمي هنادي واذا تبي تدلع قول هنووو
مصعب وهو يضحك: هههههههههه أقووول كأني عطيتج ويه بزوود
هنادي وهي تضحك: ههههههههههه ليش مو من حقي
مصعب وهو يعدل شماغة: أممم على حسب
هنادي: يه طيب .. شفيك داق شتبي
مصعب: شنو ليش داق مرتي وكيفي أبي أدق عليها وأكلمها هنادي بدلع وخجل في نفس الوقت:أوكي أنا ما قلت شي
مصعب وهو يبتسم على دلعها: طيب يلااا لبسي عباتج وطلعي لي
هنادي على نفس صوت الدلع: ليش
مصعب: تذكري كلاامي
هنادي حست بمقص في بطنها: هاا
مصعب زادت ابتسامته: من قال هاا سمع
هنادي بربكة وخجل :بس .. بس أنـ..
قاطعها مصعب وهو يضحك على ربكتها الواضحه بصوتها: شلون يعني بتطلعين ولااا أيي وأطلعج بنفسي
هنادي من كثر الربكة مو قادرة تستوعب .. بإستغراب: شلون
مصعب: سهله ما يبيلها تفكير أحملج
هنادي:هاا
مصعب: هنوو بلااا كثرت كلااام ويلااا أنتظرج
هنادي وهي محمرة: امممممم أوكي ... مصعب
ابتسم مصعب: عيونه
هنادي بتردد: ... خلاااص بطلع الحين
ابتسم مصعب وهو عارف إنها من كثر الربكة مو عارفه شتسوي وشتقول: طيب انتظرج
هنادي بهمس: أوكي باي
مصعب: باي
-----------------------------------------------------------------------
في الصالة عند الحريم
جنان وهي تتهفف: اوووف يلااا خلصوو عشى بسرعة ابي ارقص
غرور وهي تاكل: روحي في أحد ميودج
جنان برجى: بليـــــز قوومي
.. دق تلفونها ردت من دون ما تشوف من المتصل.. جنان: ألووو
حمدان: أحلى ألووو
جنان بقهر وهي تقوم من الطاولة وتروح لحمام علشان تاخذ راحتها أكثر وتسمعه ويسمعها عدل.. جنان: ألوووو
حمدان مستغرب من اسلوبها: شفيج يا قماشــة << هع
جنان وبصوت مقهور: ولااا شي بس منقهره إنه محد يبي يقوم يرقص معااي
حمدان وهو يبتسم : أفاا عليــج أنا أرقص ويااج .. كم قماشـــة عندنا
انقهرت أكثر وقالت من بين اسنانها: لااا والله قماشـــــة في عيونك يا الخياط
حمدان وهو يضحك: ههههههه مقبولة منج .. علشان أقدر أخيطج على مزاجــــــي بالشكل إلي أبي مو إنتي القماش وأنا الخياط ههههه
جناان اغتاضت منه وهو يتطنز عليها .. قالت بزعل ممزوج بدلعها المعتاد: سخــــــــيف .. شكلك فاضي ومحد ما عطك ويهه وما لقيــت إلااا أنا تتطلع فضاوتك علي
حمدان: ههههههههه إي والله الكل مطقع فيني قلت أسلي نفسي معااج
جنان : طيب يلاا باااي بروح أرقص مع البنات
.. سكرت جنان من حمدان قبل لااا تسمع رده ..
أما عند هنادي .. لبست عبايتها وكل خلية فيها ترتجف .. سلمت على الكل وطلعت ^^
-----------------------------------------------------------------------
في مطعم الـ.... (الساعة 11 ونص)
من أول ما طلعوا من الفندق وحمد يسولف معاها ويضحك علشان ينسيها الخجل .. بس نورة كانت تبتسم بنعومه ممزوجة بالخجل .. حمد وهو ينزل من السيارة و يروح جهة بابها ويفتحه .. ومد لها يده .. مدت له يده وهي خجلااانة حيل .. حمد ذاب مع احمرار خدودها .. حمد: يسلم لي الخجووول أنا
نورة زادت خجل :...........................
حمد وهو يحط يدها على قلبه: جوفي شلون قلبي يدق بليز لااا تخليني أتهور وحنى في الشارع .. ترى للحين قادر أسيطر على مشاعري الشياجة
نورة تعالو دوروها .. كانت بقمة الإحراااج :.................
حمد ما قدر ما يضحك على خجلها :هههههههههه
نورة رفعت راسها وناظرته بإستغراب: شفيك
حمد بفرح : أخيـــــــــرا عبرتيــني
نورة وخدودها توردت أكثر: سووري مو قصدي إني اتجاهلك .. بس أنـ... (وسكتت)
حمد احترم سكوتها: طيب يلااا خل ندش المطعم ولااا عاجبتج قعدتنا عند الباب .. والناس رايحه راده تناظر فينا
.. دخلوا حمد ونورة المطعم وكل واحد فرحــــــــان والفرحة مو سايعته
-----------------------------------------------------------------------
أما عند مرام وجاسم .. فكان الوضع غيــــــــــــــر .. من ركبوا السيارة والصمت هو سيد الموقف .. جاسم غير وجهته و توجهه على طول للبحر .. عند البحر .. كان الاثنين يناظرون البحر بصمت .. وكل منهم ينتظر الثاني يتكلم .. قرر جاسم هو يقطع الصمت .. : ليش وافقتي علي
مرام و عيونها بدت تدمع: شفايدة .. حتى لو قلت ما راح تصدقني
جاسم وهو يحاول يسيطر على أعصابة: قولي وبعدين أنا بحكم إذا كنتي صادقة أو لااا
.. مرام وهي تنزل راسها وتمسح دموعها إلي خانتها: تذكر يوم ترقدت في المستشفى
جاسم وهو يطالعها: إي .. بس شدخل هذا في الموضوع
مرام وهي تبلع ريجها: الدكتور إلي كشف عليك لما قمت من الغيبوبة .. إذا تذكره
جاسم سكت يتذكر: اي اي .. إلي قلتي لي مشبهه عليه
هزت مرام راسها : اي .. هذا الدكتور سالم .. و الصدفة طلع أخو رفيجتي .. و في الفترة الأخيرة صار لي أكثر من مرة أزورها في المستشفى لأنها كانت مسوية عملية .. وكنت دوم أجوفه هناك .. و بعد فترة خبرتني رفيجتي .. إنه إخوها معجب فيني ويبي يتعرف علي .. بس من ناحيتي أنا ما قبلت هالشي .. ورفضت .. وبعد ما ترخصت رفيجتي من المستشفى .. كنت أزورها في البيت وتقابلت معاه كذا موقف .. وخبرني عن مشاعره تجاهي .. أنا ما أنكر إني أول ما جفته إنعجبت فيه وفي شخصيته .. علشان جذي حبيت أعطي نفسي فرصه مع هالانسان .. وبعد فترة طويله كنت أتكلم معاه في التلفون .. وعمرها العلاااقة ما توصلت للمقابلاات .. كنت أحس بلوم و الخوف من إلي أسويه .. بس مع هذا كنت مستمرة معاه .. لأني بكل بساطة حبيته وهو بعد .. ويوم إنت تقدمت لي .. كان نفس اليوم إلي هو قايل لي إنه بيتقدم لي .. يوم ماما دخلت علي وقالت لي في من داق الباب وطالب يدج .. فرحت ومن كثر فرحي .. عطيتها الموافقة قبل لااا تذكر أسمه .. كان علـ ـ ـ ـ ـ ـ ـ ـى .. (بعد الكلاام إلي قالته .. حست إنه صوتها بدى يختفي من الصياح .. لكن كملت وهي تشاهق) بالي إنه سالم .. مو إنت ..(بصوت منخفض و مبحوح) يا جاسم .. من كملت كلمتها على طول حطت يدها على شفايفها تمنع الشهقات إلي حابستها في قلبها ..
.. كان يسمعها وهو يناظر في البحر .. يحس إنه ندمان .. "ليـــــش ما صدقها .. بعد إلي إلي قالته .. هــي مو غلطانه .. الذنب مو منها .. ولااا مني .. هذا قدرنا" .. غمض عيونه بألم .. جاسم بصوت مخنوق من العبرة: ليش ما خبرتيني من البداية .. ليش خبيتي عني .. مو أنا كل شي أقوله لج .. مرام .. أنا قلت لج عن حبي لـ سارة من دون أي خوف و تردد .. وأعتبرتج صندوق لأسراري ..
مرام وهي تمسح دموعها إلي مو راضيه تخلص: ما قدرت .. مو مني .. والله يا جاسم إني حاولت كذا مرة .. أقول لك .. بس .. هذا الشي الوحيد إلي احس صعب إني أبوحه لأي انسان
جاسم على نفس وضعه: إنتي قلتي لـ سالم
مرام : سالم .. تنهدت .. أنا من يوم ما وافقة عليك ما كلمته ولاا رديت على أي مكالمة منه .. بس قبل الملجة بيوم .. حبيت أنهي كل شي .. ما أبيه يتعلق بسراب و بوهم
.. مسك يدها .. ولف جسمه لناحيتها .. مد جاسم يده ومسح دموعها .. جاسم بحنية: بس يا مرام كفاية دموع .. أنا آسف لأني لمتج من البداية .. بس والله مو قصدي .. بعدين هذا لاا هو ذنبج ولاا هو ذنبي .. هذا قدرنا .. الحين إحنى صرنا زوجين .. يعني كل واحد ترك إلي يحبه .. أنا تركت سارة وإنتي تركتي سالم .. يعني كل شي إنتهى ما في يدنا أي حل .. لاا مفر من الواقع المرير ..
رفعت مرام عيونها تناظره: بس أنا يا جاسم طول عمري أعتبرك مثل أخوي .. ما ضنتي يوم من الأيام راح أعتبرك أكثر من أخو
.. غمز لها وهو يبتسم .. جاسم : أصلااا إحنى راح نظل مثل ما إحنى .. يعني إخوان .. بس زوجين بالأسم .. بس هاا قلنا إخوان يعني كل شي تقولينه لي مو تخشين عني
.. ابتسمت مرام وهي تمسح دموعها بطفولية .. جاسم و هو يبتسم .. لدرجة طلعت أسنانه وهو يناظر عيونها: صايرة حلوة عيونج اليوم يا الدلوعه
مرام وهي تناظر المنظرة إلي يمها .. على طول قحصت من نفسها .. ولفت له وصارت تطق على جتفه .. وهي تضحك: تتظنز علي يا الكريه
جاسم: ههههههه .. أمزح هههههههه
.. بعد ما تركته مرام .. شغل جاسم السيارة : يلااا بنروح المطعم .. ترى حدي يوعان من أمس ما كليت
مرام: لااا شلون أروح المطعم وأنا عيوني سايح منها الكحل صايرة أخرع
جاسم: ههههه عاادي تنقبي
.. وصلوا المطعم ونزلوا .. ومرام على طول راحت الحمام (انتوا والكرامه) عدلت الكحل .. وبعدها كملوا سهرتهم بهبالتهم .. رامين حزنهم وهمهم على أكتافهم
-----------------------------------------------------------------------
في بيت أبو مصعب (في نفس الوقت)
دخلت هنادي .. وعلى طول توجهة لغرفتهم .. كانت هنادي مرتبكة بدرجة مو طبيعية .. دخلت الغرفة و هي بتفسخ عبايتها .. بس سمعت تلفونها يصيح .. فتحت شنطتها و طلعت تلفونها .. هنادي: ألووو يماا
أم مشاري: هلااا وصلتوا
.. في هاللحظة دخل مصعب وصار يناظر فيها ..بإعجاب ورغبة
هنادي ما حست فيه : اي اي يما تونا من شوي
حست فيه وهو يحضنها من ظهرها ... سحب طرف عبايتها وكشف كتفها وباسه .. حست بربكه من حركته واشرت له انه يتركها شوي ... لين ما تخلص من أمها ..
بس هو ظل حاضنها ... مد يده وسحب العباية ونزلها ... وهو يمرر يده على جسمها بالكامل ...
وترها ومو قادرة تكمل المكالمة ...
أم مشاري: هنادي يمه ... شفيج
هنادي: ها ... ايه ماما معاج معاج
أم مشاري: طيب يلااا أخليج الحين بس حبيت أتطمن عليج إنتي ومصعب
هنادي: إي إي ماما .. الحمد الله أنا وهو بخير
أم مشاري : مع السلاامة
هنادي: مع السلاامة
.. أول ما سكرت من أمها .. سحب مصعب التلفون من يدها .. ورماه على الطاولة .. وحملها و هي ترتجف بين يدينه .. مصعب: أوعدج إنه كل شي راح يتغير من هاللحظة
.. هنادي برجفة: بس ... بس أنـ...
مصعب وهو ينزلها على السرير بكل هدوء: أششش .. خلينا ننسى إلي راح ونعيش حياتنا مثل أي زوجيــن .. عايشين حياتهم بسعادة
هنادي بخجل من قربه منها والنور مولع: طيب في مجال شوي تطفي النور
.. ابتسم مصعب وطفه النور و ................................... *_^
-----------------------------------------------------------------------

نهــــــــــــــــــــــــــــــــــــــــــــــــ ــــــــــاية البــــــــــــــــــــــــــــــــــــــــــارت